सत्तेचा डाव

खरपूस • वात्रटिका

« सत्तेचा डाव »

आलटून पालटून चालू

सत्तेचा हा डाव आहे

कधी खुलते 'कमळ'

कधी 'हाता'ला भाव आहे

विकासाच‍ा मार्ग चुकून मन 

स्व-स्तुतीच्या प्रेमात पडलं

गृहीत धरणार्‍यांना वाटते

हे एकदम कसं काय घडलं!

ताकद म्हणावी पहिल्यासारखी

आता त्यांच्यात उरली नाही
बक्कळ आश्वासनांना भुलून 
जनता तिकडे फिरली नाही 

• रघुनाथ सोनटक्के (पुणे)

१३ डिसेंबर २०१८ (दै. युवा छत्रपती, वात्रटिका क्रं. ६५)