राजीनामा

« राजीनामा »

विरोधकांची रेटून मागणी

आमचाही राजीनामा खिशात आहे

प्रमुखांची भक्कम पाठराखण

सत्तेचं अडकलं हाडूक घशात आहे

दबाव वाढला जरी 'त्यांच्या'वर

'प्रकाश' डोक्यात पडत नाही

स्वच्छ आमचा कारभार जरी

पारदर्शक असे काही घडत नाही

• रघुनाथ सोनटक्के©

   8805791906

निकषाची कर्जमाफी

« खरपुस वात्रटिका »

निकषाची कर्जमाफी

निकषाच्या पात्रतेवर

उतरतील जे खरे

त्यांचेच केल्या जातील

सातबारे कोरे

झाले जेवढे ते ठिक

पेव आंदोलनाचे आणु नका

ताणल्या जाते म्हणुन

उगाच जादा आता ताणु नका

तुमचा हंगाम असतो बारामाही

त्याला आता पेरू द्या

विरोधकाचा रणनितीचा भाग

त्यांना किती घेरायचं ते घेरू द्या

• रघुनाथ सोनटक्के

  8805791905

  https://vatratika.blogspot.in

कर्ज माफी कि मुक्ती

« वात्रटिका »

(रघुनाथ सोनटक्के यांच्या खरपुस वात्रटिका)

कर्ज माफी कि मुक्ती

• • •

कुणाला हवी कर्जमाफी

कुणी म्हणतो कर्जमुक्ती

कोण करेल ‘भुकंप’ कधी?

कुणाची मध्यावधीची दर्पोक्ती

सुटणार नाही खरा बळी

लागु द्या आणखी थोडा काळ

घेवु नये सधन, लखपतींनी

शिजवुन आपली ‘डाळ’

• रघुनाथ सोनटक्के

  8805791905

बढाई

बढाई

ना त्यांचा खरा होता 

ना ह्यांचा खरा होता 

शेतकऱ्याने दिलेला लढा

आपलाच असल्याचा होरा होता

तुम्ही तर नावालाच विरोधी 

सत्तेसाठी लढाई आहे 

शेतकऱ्याच्या दुःखाचं केलं भांडवल 

वरचढ होण्यासाठी बढाई आहे 

• रघुनाथ सोनटक्के

8805791905

कर्जाचा फास

कर्जाचा फास 

त्यांनी केलं 'सिंचन'

तुम्ही कुठे दिला भाव 'हमी'

तरी का झाल्या नाही

बळीच्या आत्महत्या कमी 

तुमचाही होता नारा 

'सबका साथ सबका विकास'

मग का बरं आहे अजुन 

गळ्यात कर्जाचा फास 

पाहू नका अंत आता 

पडेल कधी, कुठे बाँम्ब 

मग पडेल तुम्हाला सारी 

पळता भुई लांब 

• रघुनाथ सोनटक्के 

8805791905

आशिर्वाद

« वात्रटिका »

आशिर्वाद

कुणाचं येईल विमान खाली

खरंच कुणाचा नेम नाही

आजचा दिवस चांगला

उद्याचा काही सेम नाही

आज हेलीकाॅप्टर पडलं

उद्या सरकार पडंल

कुणाच्याही आशिर्वादावर

उद्या काहीही घडंल!

शेतकर्‍यानं खुप पिकवलं

मात्र त्याला विकता नाही आलं

आशिर्वादावर कसं जगतात

हे त्याला शिकता नाही आलं

• रघुनाथ सोनटक्के

विजीट करा: https://vatratika.blogspot.in

नारायणाचे गार्‍हाणे

नारायणाचे गार्‍हाणे

पक्षात आता मला वाव नाही

एकच माझा 'नारा' आहे

स्वपक्षीयावर चिखल किती फेकू

त्यांच्यापेक्षा मि किती बरा आहे

विरोधात राहून किती दिवस

गात आहे स्वपक्षीयांचे गार्‍हाणे

उडी मारायला तयार आहे मी

थकलो आता सततच्या पराभवाने

सत्तेसाठी काहीही करू

गाऊ आता किती स्वकियांचे गार्‍हाणे

सुटला होता 'बाण' कधीचा

शोभेल आता 'हात' टवटवीत कमळाने

• रघुनाथ सोनटक्के

8805791905