खड्डे

« खड्डे »

रस्त्यांची खड्डयांना

अन् खड्डयांची रस्त्यांन‍ा
गरज भासु लागली
माणसं चालली जीवानं
करांचा जनता भार सोसु लागली

नेमीची येतो पावसाळा

अविरत फिरणारं खड्डयांचं 'जातं'
पालिकेला काही फरक नाही
म‍ाध्यमांनी चालवलं जरी अविरत भातं

करोडो रुपये खर्चुन शेवटी काय ?

हाती पडतो मातीचा चुरा

खड्डयांनाही घ्यावा लागतो पुर्नजन्म

त्यांनाही चुकला ना फेरा

• रघुनाथ सोनटक्के

ब्लाॅग : https://vatratika.blogspot.in

 (३० जूलै २०१९ दै. युवा छत्रपती, वात्रटिका क्रं. २४९) 

अर्थसंकल्प

« अर्थसंकल्प »

दरवर्षीप्रमाणे अर्थसंकल्पावर
बरी-वाईट चर्चा झडत असते
कुणाला ज्यादा, कुणाला कमी
बोलायची संधी मिळत असते

सार्‍यांना खुश करणे म्हणजे
तारेवरची खरी कसरत असते
'अर्थ'पुर्ण असला कितीही
विरोधक तरी बरसत असते

कुठे कर-आकार, कुठे सुट
विकासरुपी वायदा असतो
निवडणुक बघून खैरात करणे
सत्ताधीशांचा छूपा फायदा असतो

   • रघुनाथ सोनटक्के
   मो. 8805791905

ईबुक: https://goo.gl/aY6hVB
ब्लॉग: https://vatratika.blogspot.in

(२० जून २०१९ दै. युवा छत्रपती, वात्रटिका क्रं. २१६)

 

फुट

« फुट »

होतच राहतील प्रयत्न
पाडण्याचे समाजात फुट
समाजकंटक असो वा राजकारणी
मिळू नये कुणाला सुट

भडकावुन जातीधर्माला
भाजू नका स्वार्थाची पोळी
हिंदू आहे कि कुण्या जातीचा
बघत नाही बंदूकीची गोळी

• रघुनाथ सोनटक्के

मो. 8805791905

     ईबुक: https://goo.gl/aY6hVB

     ब्लॉग: https://vatratika.blogspot.in
 (४ मे २०१९ दै. युवा छत्रपती, वात्रटिका क्रं. २०२)

आत्मविश्वास

• ख र पु स । वा त्र टि का •

« आत्मविश्वास »

अती आत्मविश्वासही कधी
चांगलाच नडून जातो
स्वत:च्या बालेकिल्यात
आपणच पडून जातो

स्वत:च्याच नादात राहून
आपलं असं हरण होतं
दोघांच्या युतीने घरातच
आपलं कसं मरण होतं

भारी पडतो आपण
जर एकीची बात असेल
होईल सार्‍यांच‍ाच विकास
जर सबका साथ असेल
    • रघुनाथ सोनटक्के©
    मो. 8805791905

ड‍ाऊनलोड ईबुक: https://goo.gl/aY6hVB
विजिट ब्लॉग: https://vatratika.blogspot.in
'रसिक'चा फेब्रुवारी अंक येथे वाचा: https://goo.gl/RuZBEU 
(३ मे २०१८ च्या कल्याण टाइम्स मध्ये प्रकाशित)
(१ जून २०१९ दै. युवा छत्रपती, वात्रटिका क्रं. २००) 

विजयाचा ढोल

« विजयाचा ढोल »

कुणाचा मुद्दा विकासाचा

कुणाचं जातीचं समिकरण

कुणाची वाढली टक्केवारी

तर कुणाचं झालं वस्त्रहरण 

नाटोलाही मतं गेली

वाढला लोकांच्या नाराजीचा सुर

जिंकल्याच्या आनंदात निघाला

बघा कसा विजयाचा धूर

मान्य करा पराभवही

जाणुन घ्या जनतेचा हा कौल

विकासाची वाहू द्या गंगा

वाजवु नका नुसता आता ढोल

• रघुनाथ सोनटक्के

मो. 8805791905

ईबुक: https://goo.gl/aY6hVB

ब्लॉग: https://vatratika.blogspot.in
(२३ मे २०१९ दै. युवा छत्रपती, वात्रटिका क्रं. १९४)

 

आकड्यांचा खेळ

• ख र पु स । वा त्र टि का •

« आकड्यांचा खेळ »

मतदान झालं की सुरू होतो
आकड्यांचा खेळ
सत्तेसाठी जमतो बरोबर 
युती-आघाडीचा मेळ

कुणी ठेवतो ओलीस
कुणी विकल्या जातात
देवाणघेवाणीच्या बदल्यात
आपली मतं म‍ापल्या जातात

निवडणुकीआधी मतांची 
दलाली केल्या जाते
आपल्या मतांना सोयीस्कर
हवाली केल्या जाते

• रघुनाथ सोनटक्के©

  मो. 8805791905

शब्दरसिकचा एप्रिल अंक: http://bit.ly/Rasik-Apr18

वात्रटिकासंग्रह: http://goo.gl/7CcLUw

दिवाळी अंक २०१७: https://goo.gl/RxRw8g

(१९ मे. २०१८ च्या 'दै. युवा छत्रपती' मधे प्रकाशित)
(२१ मे २०१९ दै. युवा छत्रपती, वात्रटिका क्रं. १९२)

http://yuvachhatrapati.com/epaper/edition/265/may/page/4

मोर्चे

• ख र पु स । वा त्र टि का •

« मोर्चे »

एकमेकांविरोधात मोर्चा काढण्याचा

हुरूप चढला अ‍ाहे

शिवराय, भिमराय बघा तुमचा महाराष्ट्र

कसा घडला आहे

धर्मजातीसाठी समाजात 

विष पेरू लागले 

मागण्या, दबावासाठी कसे 

वेठीस धरु लागले

धर्म, पुतळे, सत्तेसाठी

उघड बोलू लागले

गरिबी, भ्रष्टाचाराविरोधात मात्र

कांदे सोलू लागले

संपवा द्वेष, दुही, भेद

संकुचित विचार दुमू लागले

जिकडे बघावे तिकडे

मोर्चांचे वारे घुमू लागले

• रघुनाथ सोनटक्के©

    मो. 8805791905

शब्दरसिकचा मार्च अंक: https://goo.gl/NnhtL4

रघुनाथ सोनटक्के यांचा वात्रटिकासंग्रह: https://goo.gl/7CcLUw

दिवाळी अंक २०१७: https://goo.gl/RxRw8g
(१८ मे २०१९ दै. युवा छत्रपती, वात्रटिका क्रं. १९१)

 

उजळणी

« उजळणी »

त्यांनी केले कांड-घोटाळे
त्यांनीच केली फाळणी
त्याच त्याच त्या रडगाण्याची
कितीदा ही उजळणी

त्यांनी केलेल्या पापांचं
फोडणार किती वेळा खापर
राजकिय फायद्यासाठी अजून
करणार किती त्याचा वापर

जुने मुद्दे उकरून कुणाचा
काय होईल फायदा?
तुम्हीही केला होता जनतेशी
विकासाचा वायदा!

त्यांनी तसं केलं म्हणुन
तुम्ही असं करू नका
तुमच्याही कामाचा हिशेब देताना
तुमचं हसं करू नका

   • रघुनाथ सोनटक्के
     मो. 8805791905
ईबुक: https://goo.gl/aY6hVB

 (१३ मे २०१९ दै. युवा छत्रपती, वात्रटिका क्रं. १८६) 

चुनावी जुमला

खरपूस • वात्रटिका

« चुनावी जुमला »

निवडणूक काळातच निघतात

घोटाळे अन् सिड्या बाहेर

कुणी देतो छुपा टेकू 

तर कुणाचा असतो घरचा आहेर

कुणाचे 'घोडे' घेतल्या जातात विकत

तर कुणाचं निघतं गंगेत न्हाऊन

जनतेला 'उल्लू' बनवायला मग

फिरतात कार्यकर्ते दारू पिऊन

जाहीरनामा, वचन अ्न वादे

असतो साराच 'चुनावी जुमला'

एकदा का झालं मत'दान'!

मग विकासाच्या नावानं बोंबला

• रघुनाथ सोनटक्के

(१० मे २०१९ दै. युवा छत्रपती, वात्रटिका क्रं. १८४)

मराठीची दैना

« मराठीची दैना »

मराठीची दैना करायला
शासन काही कमी करेना
मराठी शाळांला कुलूप
म्हणे तोटा आता साहवेना

कुणी टाकतं पाट्या
कुणी जपतो बाणा
नावापुरतं 'राज'कारण
अन् कामापुरता मामा

माय सोडून मावशीला
जो तो पुजू लागला
इंग्रजी मेडियमचा बाऊ करून
संस्थाचालक सुजू लागला

बोला, लिहा अन् वाचा
मान राखा मराठीचा
झेंडा फडकवा जगी
अभिजात मायमराठीचा

  • रघुनाथ सोनटक्के©
 मो. 8805791905

ईबुक: https://goo.gl/aY6hVB
ब्लॉग: https://vatratika.blogspot.in
रसिकचा फेब्रु. अंक: https://goo.gl/RuZBEU
(दि ५ मे २०१८ च्या दै. 'युवा छत्रपती' या लातूरच्या दैनिकात प्रकाशित )
(दै. युवा छत्रपती, वात्रटिका क्रं.१२६)
२७ फेब्रुवारी २०१९ च्या दै. मराठवाडा संचार आणि बलशाली भारत मधे प्रकाशित

 

कोण लहान कोण मोठ‍ा

• ख र पु स । वा त्र टि का •

« कोण लहान कोण मोठा »

कोण लहान कोण मोठा 
आपणच ठरवू लागतो
पुशारकी मारत मारतच
स्वत:ला मिरवू लागतो

काय बोलतो काय करतो
भान आपल्याला उरत नाही
वांगी खाऊन पुराण वाचणे
मग कधीच हे सरत नाही

नको तिथे नको तेवढं
ज्ञान आपलं पाजळवू नये
बुडाखाली अंधार बघावा
तोंड आपलं उजळवू नये

कोण भिडेल आपल्याला
याचा काही नेम उरला नाही
खाऊ कुण्या बापाचा मार
याचा काही नेम उरला नाही
• रघुनाथ सोनटक्के
    तळेगाव दाभाडे, पुणे     मो. 8805791905
वात्रटिकासंग्रह: https://goo.gl/7CcLUw
शब्दरसिकचा जून-जुलै अंक: bit.ly/Rasik-June-July18

२३ फेब्रुवारी २०१९ दै. युवा छत्रपती, वात्रटिका क्रं. १२३
दै. मराठवाडा संचार आणि बलशाली भारत मधे प्रकाशित

शिवजयंती

« शिवजयंती »

तिथी काढून महाराजांनी कधी
चढला नव्हता किल्ला
साजरी करायला जंयती
मग हवा कुणाचा सल्ला

ठरवलेली तारिख ठेवा
करू नका नुसते वाद
दाखवा करून 'पराक्रम'
घालू नका नुसती साद

'विचार' आणि 'स्वाभिमान'
प्रत्येकानेच जपायला पाहिजे
राजांचा विचार शेवटी
जनतेपर्यंत पोचायला पाहिजे

त्यांचं नाव घेणं सत्तेसाठी
असतात राज्यकारण्यांचे फंडे
राज्यांचं आणुन दाखवा 'स्वराज्य'
फडकवु नका नुसते झेंडे

   • रघुनाथ सोनटक्के

     मो. 8805791905

ईबुक: https://goo.gl/aY6hVB
ब्लॉग: https://vatratika.blogspot.in
रसिकचा फेब्रुवारी अंक: https://goo.gl/RuZBEU
१९ फेब्रुवारी २०१९ च्या दै. युवा छत्रपती ला प्रकाशित 

देशभक्ती

« देशभक्ती  »

स्वातंत्र्यासाठी बलिदान देणारे

आता उरलेत कुठे भक्त

आपआपसात भांडून

होईल का देश सशक्त

दहशतवाद, गरिबी, अन् महागाई

कुणी देतो अस्मितेच्या हाका

राजकारणासाठी जाती-धर्म

हाच तर आहे खरा धोका

तिरंग‍ा छातीला लावणारे

नेहमीच आपले झेंडे मिरवतात

प्रजासत्ताक अन् स्वातंत्र्यदिन सोडून

बाकी तोच कित्ता गिरवतात

   • रघुनाथ सोनटक्के

     मो. 8805791905

ईबुक: https://goo.gl/aY6hVB

१२ ऑगस्ट २०१८ च्या दै. जनशक्ती (मुंबई) मधे प्रकाशित
२६ जानेवारी २०१९ दै. युवा छत्रपती, वात्रटिका क्रं. १००
२६ जानेवारी २०१९ च्या दै. पथदर्शी, औरंगाबाद केसरी, व दै. मराठवाडा संचार मधे प्रकाशित  

   

राजकिय पुर्नवसन

« राजकिय पुर्नवसन »

कधी कुणाचं पुर्नवसन होईल
काही सांगता येत नाही
पात्र असुनही वगळल्या जातं
पद मोठं मागता येत नाही

वोटबॅंक बघूनच नेत्याला
मोकळी वाट दिली जाते
वर्षानुवर्षे खर्‍या कार्यकर्त्याला
नेहमीच चाट दिली जाते

  • रघुनाथ सोनटक्के

     मो. 8805791905

     ईबुक: https://goo.gl/aY6hVB

२९ डिसेंबर २०१८ (दै. युवा छत्रपती, वात्रटिका क्रं. ७९)

निवडणूकीआधी

• ख र पु स । वा त्र टि का • 

« निवडणूकीआधी »

निवडणूकीआधी एकत्र यायला हवं
सार्‍यांनाच वाटू लागते
बाकी उणीदुणी काढण्यात जातात
वेळेवर महत्व पटू लागते

कुणी म्हणतं यांच्यापासुन 
भारत-मुक्ती झाली पाहिजे
आधीच्या मतांना चिकटून राहण्याची
सक्ती झाली पाहिजे

दिशा बदलते वेळोवेळी
बदलतो कसा यांचा 'ट्रॅक'
कधी करतील घुमजाव तर
कधी करतील हायजॅक

• रघुनाथ सोनटक्के©

   मो. 8805791905

ड‍ाऊनलोड ईबुक: https://goo.gl/aY6hVB

'रसिक'चा फेब्रुवारी अंक येथे वाचा: https://goo.gl/RuZBEU
२४ डिसेंबर २०१८ (दै. युवा छत्रपती, वात्रटिका क्रं. ७४)

अधिवेशन

« अधिवेशन »

अधिवेशन म्हणजे

मांजर-बोक्याचा खेळ आहे

काही दिवस गोंधळाचे

बाकी दोघांकडे वेळच वेळ आहे

डावपेच, कुरघोडी, बहिष्कार

या सार्‍याची खट्टीमिठी भेल आहे

कामकाज किती होईल

अंदाज आमचा पार फेल आहे

• रघुनाथ सोनटक्के

मो. 8805791905

ईबुक: https://goo.gl/aY6hVB

ब्लॉग: https://vatratika.blogspot.in

२२ डिसेंबर २०१८ (दै. युवा छत्रपती, वात्रटिका क्रं. ७३)

फिशरकिंग

« वात्रटिका »

फिशरकिंग

नऊ हजार कोटी बुडविले

सतरा बॅंकांना फसुन
दारूचा किंग गेला
फिशरच्या इमानात बसुन

कर्ज दिलंच कसं त्याला

अन् बॅंकानी घेतली ठासुन
मुजोर बघा किती बोलतं
पळपुटं विदेशात घुसुन

कर्जावेळी शेतकर्‍याला सल्ला

होऊ नका देवु दुसरा मल्ल्या
सापडला कि लाल होईस्तोवर
पाहिजेत त्याच्या सोलल्या

• रघुनाथ सोनटक्के

  8805791905

(८ डिसेंबर २०१८  दै. युवा छत्रपती, वात्रटिका क्रं. ६१)