चुनावी जुमला

खरपूस • वात्रटिका

« चुनावी जुमला »

निवडणूक काळातच निघतात

घोटाळे अन् सिड्या बाहेर

कुणी देतो छुपा टेकू 

तर कुणाचा असतो घरचा आहेर

कुणाचे 'घोडे' घेतल्या जातात विकत

तर कुणाचं निघतं गंगेत न्हाऊन

जनतेला 'उल्लू' बनवायला मग

फिरतात कार्यकर्ते दारू पिऊन

जाहीरनामा, वचन अ्न वादे

असतो साराच 'चुनावी जुमला'

एकदा का झालं मत'दान'!

मग विकासाच्या नावानं बोंबला

• रघुनाथ सोनटक्के

(१० मे २०१९ दै. युवा छत्रपती, वात्रटिका क्रं. १८४)