मराठीची दैना

« मराठीची दैना »

मराठीची दैना करायला
शासन काही कमी करेना
मराठी शाळांला कुलूप
म्हणे तोटा आता साहवेना

कुणी टाकतं पाट्या
कुणी जपतो बाणा
नावापुरतं 'राज'कारण
अन् कामापुरता मामा

माय सोडून मावशीला
जो तो पुजू लागला
इंग्रजी मेडियमचा बाऊ करून
संस्थाचालक सुजू लागला

बोला, लिहा अन् वाचा
मान राखा मराठीचा
झेंडा फडकवा जगी
अभिजात मायमराठीचा

  • रघुनाथ सोनटक्के©
 मो. 8805791905

ईबुक: https://goo.gl/aY6hVB
ब्लॉग: https://vatratika.blogspot.in
रसिकचा फेब्रु. अंक: https://goo.gl/RuZBEU
(दि ५ मे २०१८ च्या दै. 'युवा छत्रपती' या लातूरच्या दैनिकात प्रकाशित )
(दै. युवा छत्रपती, वात्रटिका क्रं.१२६)
२७ फेब्रुवारी २०१९ च्या दै. मराठवाडा संचार आणि बलशाली भारत मधे प्रकाशित

 

खरा न्याय?

• ख र पु स । वा त्र टि का •

« खरा न्याय? »

उशिरा का होईना इथे 
खरा न्याय मिळतो आहे
वर्षानुवर्षे मोकाट राहून आरोपी
कायदा मस्त 'पाळतो' आहे!

कुणाला मदमस्तीचा जोर
दुर्बल मात्र त्याचा शिकार आहे
संथगतीने न्याय म्हणजे अन्यायच
व्यवस्थेला जडला विकार आहे

खुन्याने करावे दान लाखाचे
सुट मागण्याची चांगली साद आहे
प्रसिद्धी अन् वजन वापरणे
हि तर अंगावर लागलेली दाद आहे

• रघुनाथ सोनटक्के©

  मो. 8805791905

शब्दरसिकचा मार्च अंक: https://goo.gl/NnhtL4

रघुनाथ सोनटक्के यांचा वात्रटिकासंग्रह:

https://goo.gl/7CcLUw

दिवाळी अंक २०१७:

https://goo.gl/RxRw8g

(कविता आवडल्यास नावासह शेअर करा.)

(दि ११ मे २०१८ च्या दै. 'युवा छत्रपती' या लातूरच्या दैनिकात प्रकाशित )

निर्भया

« निर्भया »

अजून किती बळी पडाव्यात

बालकं, स्त्रिया अन् निर्भया
आहे गुन्हेगाराची एकच 'जात'
करू नये कसलीही दयामाया

फाशीच शिक्षा होऊ शकते
त्या विकृत नराधमांना
धाक, जरब बसेल मग
कथित अन् रानटी भावनांना

• रघुनाथ सोनटक्के
    8805791905
ईबुक: https://dl.orangedox.com/cs0YIg

हार्दिक स्वागत

« हार्दिक स्वागत »

आमच्या जातीला द्या आरक्षण
तरच तुमचं 'हार्दिक' स्वागत आहे
पक्ष, संघटनांचं फायदेशीर राजकारण
हरेक धंद्येवाईक म्हणुन वागत आहे

कुणी करेल विकासाची बात
बघू जनतेला कुणाचं 'पटेल'
कळेल कुणाचं खणखणीत नाणं
अन् कुणाचं भांडं फुटेल

• रघुनाथ सोनटक्के
   8805791905
ईबुक: https://dl.orangedox.com/cs0YIg