विजयाचा ढोल

« विजयाचा ढोल »

कुणाचा मुद्दा विकासाचा

कुणाचं जातीचं समिकरण

कुणाची वाढली टक्केवारी

तर कुणाचं झालं वस्त्रहरण 

नाटोलाही मतं गेली

वाढला लोकांच्या नाराजीचा सुर

जिंकल्याच्या आनंदात निघाला

बघा कसा विजयाचा धूर

मान्य करा पराभवही

जाणुन घ्या जनतेचा हा कौल

विकासाची वाहू द्या गंगा

वाजवु नका नुसता आता ढोल

• रघुनाथ सोनटक्के

मो. 8805791905

ईबुक: https://goo.gl/aY6hVB

ब्लॉग: https://vatratika.blogspot.in
(२३ मे २०१९ दै. युवा छत्रपती, वात्रटिका क्रं. १९४)

 

चुनावी जुमला

खरपूस • वात्रटिका

« चुनावी जुमला »

निवडणूक काळातच निघतात

घोटाळे अन् सिड्या बाहेर

कुणी देतो छुपा टेकू 

तर कुणाचा असतो घरचा आहेर

कुणाचे 'घोडे' घेतल्या जातात विकत

तर कुणाचं निघतं गंगेत न्हाऊन

जनतेला 'उल्लू' बनवायला मग

फिरतात कार्यकर्ते दारू पिऊन

जाहीरनामा, वचन अ्न वादे

असतो साराच 'चुनावी जुमला'

एकदा का झालं मत'दान'!

मग विकासाच्या नावानं बोंबला

• रघुनाथ सोनटक्के

(१० मे २०१९ दै. युवा छत्रपती, वात्रटिका क्रं. १८४)

देशभक्ती

« देशभक्ती  »

स्वातंत्र्यासाठी बलिदान देणारे

आता उरलेत कुठे भक्त

आपआपसात भांडून

होईल का देश सशक्त

दहशतवाद, गरिबी, अन् महागाई

कुणी देतो अस्मितेच्या हाका

राजकारणासाठी जाती-धर्म

हाच तर आहे खरा धोका

तिरंग‍ा छातीला लावणारे

नेहमीच आपले झेंडे मिरवतात

प्रजासत्ताक अन् स्वातंत्र्यदिन सोडून

बाकी तोच कित्ता गिरवतात

   • रघुनाथ सोनटक्के

     मो. 8805791905

ईबुक: https://goo.gl/aY6hVB

१२ ऑगस्ट २०१८ च्या दै. जनशक्ती (मुंबई) मधे प्रकाशित
२६ जानेवारी २०१९ दै. युवा छत्रपती, वात्रटिका क्रं. १००
२६ जानेवारी २०१९ च्या दै. पथदर्शी, औरंगाबाद केसरी, व दै. मराठवाडा संचार मधे प्रकाशित  

   

जपुन वापरा पाणी

जपुन वापरा पाणी 

असलं मुबलक जरी

जपुन वापरा पाणी

पाण्यासाठी वणवण करताना 

दिसु नये कुणी

'पाणी अडवा, पाणी जिरवा'

करू नका नुसती 'म्हण'

खोल जातंय दिवसेदिवस

जबाबदार अ‍ाहोत प्रत्येकजण

कार धुणे, नळ खुले

असा अपव्यय करणे टाळा

पाण्यासाठी होतात भांडणे

सोडवावीत किती वेळा

मुलभुत गरज आपली

सरकारने सोडवावी जोमाने

करू एकमेंका सहकार्य 

जगु भारतीय म्हणुन मानाने

• रघुनाथ सोनटक्के

दि  १ मे  २०१८  आणि ७, १० ऑगस्ट २०१८ च्या 'युवा छत्रपती' (वात्रटिका क्रं. ९६) या लातूरच्या दैनिकात प्रकाशित
२२ जानेवारी २०१९ च्या दै. औरंगाबाद केसरी, प्रीतीसंगम मधे प्रकाशित
२३ जानेवारी २०१९ च्या दै. डहाणू मित्र मधे प्रकाशित
२४ जानेवारी २०१९ च्या दै. बलशाली भारत (अहमदनगर) मधे प्रकाशित
२५ जानेवारी २०१९ च्या दै. पथदर्शी (धुळे) मधे प्रकाशित

  

  

अच्छे दिन

अच्छे दिन

अच्छे दिन यायला अजून 
बाकी वर्षे कैक 
स्वच्छ भारत मोहिम मात्र 
झाली हाय-टेक

आमच्या खात्यांमध्ये भरलं 
आम्हीच 'काळं धन'!
परदेशातलाही मिळेल पैसा 
होता आमचा भ्रम 

महागाई वाढतेय रोज 

दौरे करू द्या भरभर

मग काय निवडणूक

बाकी आहे वर्षभर 

रघुनाथ सोनटक्के 

8805791905

(५ जानेवारी २०१९,  दै. युवा छत्रपती, वात्रटिका क्रं. ८५) 

राजकिय पुर्नवसन

« राजकिय पुर्नवसन »

कधी कुणाचं पुर्नवसन होईल
काही सांगता येत नाही
पात्र असुनही वगळल्या जातं
पद मोठं मागता येत नाही

वोटबॅंक बघूनच नेत्याला
मोकळी वाट दिली जाते
वर्षानुवर्षे खर्‍या कार्यकर्त्याला
नेहमीच चाट दिली जाते

  • रघुनाथ सोनटक्के

     मो. 8805791905

     ईबुक: https://goo.gl/aY6hVB

२९ डिसेंबर २०१८ (दै. युवा छत्रपती, वात्रटिका क्रं. ७९)

अधिवेशन

« अधिवेशन »

अधिवेशन म्हणजे

मांजर-बोक्याचा खेळ आहे

काही दिवस गोंधळाचे

बाकी दोघांकडे वेळच वेळ आहे

डावपेच, कुरघोडी, बहिष्कार

या सार्‍याची खट्टीमिठी भेल आहे

कामकाज किती होईल

अंदाज आमचा पार फेल आहे

• रघुनाथ सोनटक्के

मो. 8805791905

ईबुक: https://goo.gl/aY6hVB

ब्लॉग: https://vatratika.blogspot.in

२२ डिसेंबर २०१८ (दै. युवा छत्रपती, वात्रटिका क्रं. ७३)

फिशरकिंग

« वात्रटिका »

फिशरकिंग

नऊ हजार कोटी बुडविले

सतरा बॅंकांना फसुन
दारूचा किंग गेला
फिशरच्या इमानात बसुन

कर्ज दिलंच कसं त्याला

अन् बॅंकानी घेतली ठासुन
मुजोर बघा किती बोलतं
पळपुटं विदेशात घुसुन

कर्जावेळी शेतकर्‍याला सल्ला

होऊ नका देवु दुसरा मल्ल्या
सापडला कि लाल होईस्तोवर
पाहिजेत त्याच्या सोलल्या

• रघुनाथ सोनटक्के

  8805791905

(८ डिसेंबर २०१८  दै. युवा छत्रपती, वात्रटिका क्रं. ६१)

हमीभाव

हमीभाव

उद्योगपतींना खुशाल आम्ही
कर्ज करतो माफ
फक्त शेतकर्‍यानंच काय केलं
एवढं मोठं पाप

घ्यावा लागतो शेतकर्‍याला
अडकवुन गळ्यात फास
आत्महत्यांची आकडेवारी सांगताना
लागत नाही ढास

'हमी' नाही त्याला कशाची
फक्त आश्वासनापुरता 'भाव'
साथ नाही त्याला निसर्गाची
सरकाराही ढकलतय धिमे नाव

     •रघुनाथ सोनटक्के©

     https://vatratika.blogspot.in

(दि २ जून २०१८ च्या दै. 'युवा छत्रपती' लातूर या दैनिकात प्रकाशित )

१९ नोव्हेंबर २०१८ (दै. युवा छत्रपती, वात्रटिका क्रं. ४४)

 

गर्भलिंगनिदान

स्त्रि-पुरूष समानतेचे
गातो आम्ही गाणे
बरे आहे का आमच्या राज्यात
गर्भलिंगनिदान होणे

डाॅक्टर, दलालांसोबत जन्मदाताही
वाटेकरी आहे त्या पापाचा
निर्दयीपणे कापतो गळा
जिव कुठे असतो माय-बापाचा

स्वार्थ आणि प्रथेपायी
खुडू नका कोवळी कळी
तिचा काय दोष त्यात
जातो का नाहक बळी

कसाबात अन् तुमच्यात
फरक राहिलाच कशाचा
नराधम बनुन काय लागेल
दिवा आपल्या देशाचा

• रघुनाथ सोनटक्के

१३ नोव्हेंबर २०१८ (दै. युवा छत्रपती, वात्रटिका क्रं. ३९) 

  

लालुंना जेल

« लालुंना जेल »

भ्रष्टांना जेलमधे घालण्याशिवाय

नाही कुठला 'चारा'

सौ चुहे खाके ते समाजात

मारत होते तोरा

खटले जर चालले तत्काऴ

आत होतील असे कित्येक लालु

जरब बसेल भ्रष्ट नेत्यांना

जर समाज लागेल वेळीच बोलू

सजग झाला पाहिजे समाज

वेळीच ओळखायला हवे कावे

उघडं पडेल पितळ त्यांचं

जरी केले ‍स्वच्छ असल्याचे दावे

    • रघुनाथ सोनटक्के

       मो. 8805791905

       ईबुक: https://goo.gl/aY6hVB

       ब्लॉग: https://vatratika.blogspot.in

सर्वशिक्षा अभियान

« सर्वशिक्षा अभियान »

सर्वशिक्षा अभियान नावालाच फक्त

वेगळाच सरकारचा आचार आहे

खेड्यापाड्यातील शाळा बंद करण्याचा

किती चांगला विचार आहे!

सर्वांना शिक्षण कुठंय?

समानता, हक्काच्या बाता आहेत
पैशावाल्यांचंच शिक्षण झालं
सरकारी धोरणंही त्यांच्यामागं आता आहेत

• रघुनाथ सोनटक्के

नोटबंदीची वर्षपूर्ती

नोटबंदीची वर्षपूर्ती

कधी देशभक्ती, कधी डिजीटल
तर कधी भ्रष्टाचारमुक्तीचं नाव
दिडशे लोकांनी जीव गमावुनही
विकासदर कुठं गेलाय राव?

कुणाची स्तुतीसुमनं

कुणी काळा दिवस पाळतो

भ्रष्ट, श्रीमंतचोर मात्र सेफ

शेवटी गरिबच पोळतो

रांगा लावुन, नोटा बदलून

काय साध्य झालं अंती?

भ्रष्टाचाराला आळा घालणं सोडा

अन् फसवी झाली नोटबंदी

• रघुनाथ सोनटक्के

मो. 8805791905

फेरीवाले

« खरपुस वात्रटिका »

      फेरीवाले

कुणाला हवेत फेरीवाले

कुणाला नको त्यांचा जाच

कुणी बघतं 'मराठी' आहे का?

तर कुणी करतं उगाच वाद

केलं जरी 'राज'कारण

जनतेला सारं कळतं

सत्तेशिवाय कुठं कुणाला

शहाणपण 'असं' मिळतं?

जबाबदारी झटकुन मोकळे 

होतात सत्ताधार्‍यांचे हात

जो करेल प्रवाशांची सोय

त्याला मिळेल जनतेची साथ

• रघुनाथ सोनटक्के

   मो. 8805791905

बुलेट विकास

  « वात्रटिका »

बुलेट विकास

सरकार आमचे सुपरफास्ट
'बुलेट' ट्रेन आणायला लागले
साधे पुल, प्लॅटफार्म नाहीत
बघा किती 'विकास' करायला लागले

हकीकत वेगळीच आहे
स्वप्नांचे इमले बांधायला लागले
घरात नाही ज्वारीचं पिठ
पुरनपोळीचे आवतन यायला लागले

जमिनीवर पाय शाबुत ठेवा
तुम्ही तर हवेत उडायला लागले!
जनतेला सोडून वार्‍यावर
कुठे सरकारधर्म पाळायला लागले?

• रघुनाथ सोनटक्के 

  मोबा. 8805791905

वऱ्हाडी रूपांतर
बुलेट ईकास

सरकार आम्चं सुपरफास्टं
'बुलेट' टेरेन आनुन राह्यले
साधे पुल, प्लॅटफार्म नाहीत
तुमीच पा किती 'ईकास' करून राह्यले

हकीकत अलगच आहे
सपनाचे ईमले बांदुन राह्यले

घरात नाही जवारीचं पिटं
अन् पुरनपोया रांदुन राह्यले

जमिनीवर पाय शाबुत ठेवा
तुमी तं हवेत उळून राह्यले!
जनतेला सोळून वार्‍यावर
कुठे सरकार धर्म पाळुन राह्यले?

• रघुनाथ सोनटक्के 

  मोबा. 8805791905

  

महागाई

« खरपुस वात्रटिका »

महागाई

महागाईनं मुश्किल झालं

सर्वसामान्यांचं जीनं

जागतिकदर कमी तेलाचे

तरी जनतेच्या तोंडाला पानं

सरकार काढतंय हिस्सा

वाढताच आहे अधिभार

जनता मात्र खात आहे

तोंड दाबुन बुक्याचा मार

पैश्याने उतरतो कधी

चढतो रूपयाने तेलाचा भाव

कोणतंही सरकार बधत नाही

जरी केली कितीही कावकाव

• रघुनाथ सोनटक्के

  फोन: 8805791905

  ब्लाॅग: https://vatratika.blogspot.in

(१ जून २०१८ च्या 'दै. युवा छत्रपती' मधे प्रकाशित)
http://yuvachhatrapati.com/epaper/edition/279/june/page/2

१९ सप्टेंबर २०१८ च्या दै. पथदर्शी मध्ये प्रकाशित तसेच ५ जून २०१८ च्या दै. डहाणू मित्र मध्ये प्रकाशित 
४ जुलै २०२० दै. आदर्श महाराष्ट्र 

               

 

निर्णय

« निर्णय »

बाहेर पडायचं कधी ?
मुहूर्त अजुन मिळाला नाही
सोबत तर आहोत सत्तेसाठी
युतीचाही 'अर्थ' कळाला नाही

आमदारांचीच कामं होत नाहीत
तिथं आम जनतेचं काय
मंत्रीपदं म्हणजे झाली फक्त 
सरकारी झुल हाय

निर्णय काय होत नाही
दोन वर्ष अजुन बाकी आहे
'वाघाचं' मन दोलायमान
'डरकाळी' नसुन 'झाकी' आहे

• रघुनाथ सोनटक्के 

  8805791905

बाबांचा डेरा

« बाबांचा डेरा »

भक्तांच्या भोळ्या मनावर

बाबांचा बसला पक्का डेरा

माया, खुन, बलात्कार

आहे त्यांचा चेहरा खरा

भक्तांचे कवच धारण करून

चालु त्यांच्या रासलीला

कायद्यापुढे सारेच समान

कुणासाठी जाऊ नये वाकविला

तुकवु नका कुणापुढे

मग म्हणो कुणी स्वत:ला राम वा अल्ला

तुमचे शोषण चालूच राहील

मग करा तुम्ही कितीही कल्ला

• रघुनाथ सोनटक्के

  8805791905

सच्चा? 'डेरा'

« सच्चा डेरा? »

उघड झाल्याच शेवटी
शेकडो त्याच्या 'रासलीला'
तुरुंगवास कमीच पडतो
लटकवायला हवं फाशीला

करू नका आपल्या भावनांचा
कुण्या बाबापुढे 'सौदा' जरा

स्वत:ला अवतार म्हणवत नाही
कधीच संत 'सच्चा' वा खरा

भुलवुन तुमच्या बुध्दीला

टाकतात ते 'डेरा'
जगासमोर मात्र 'गुरमीत' असतात
भक्तांचा होतो खेळ सारा

• रघुनाथ सोनटक्के

  8805791905

चायनामेड

« चायनामेड »

वारंवार देत आहे ड्रॅगन

युध्दाचे पुत्कार

आपणही झालो 'चायनामेड'

ठाम नाही सरकार

तोडून टाका चिन्यांची 'रसद'

'स्वदेशी'चा फक्त नारा नको

आचरणातही आणा आता

इकडून तिकडे गेला नुसता वारा नको

सैनिक भिडतील सिमेवर

आपण करू डेटा 'लिक'

'भाई-भाई' करणे चूक होती

कधी घेणार आपण 'सिख' ?

• रघुनाथ सोनटक्के

  8805791905