« श्रावण »
न खाता मांस-मच्छी
श्रावण पुर्ण पाळल्या जातो
निदान महिनाभर तरी
सुरा गळ्यावरून काढल्या जातो
बाकी दिवस पाप हत्येचं
झाकून कुठं ठेवलं जातं?
पुण्य कमवायला काय एवढंच!
बाकी तर आम्हालाच गोवलं जातं
हत्या आज केली काय
उद्या केली काय!
पाप-पुण्याचं गणित कळत नाही
शेवटी मरणार्‍याचं मरण
काही केल्या टळत नाही
आम्हीच नेहमी बळीचा 'बकरा'
गळ्यावर हत्येचा सुरा असतो
गोड मानावा तेवढा निदान
श्रावणच फक्त बरा असतो
• रघुनाथ सोनटक्के
तळेगाव दाभाडे, पुणे
मो. 8805791905
