पदाची रेस

पदाची रेस

ग्लॅमरस फेस, आयारामांना संधी

कार्यकर्त्यांना मिळेल का न्याय?

आधीच्यांनी घ्यायची मेहनत 

अन् दुसर्‍यांनीच खायची साय!

पद वाटणीच्या रेसमधे

पुढेपुढे ते करत असतात

पक्षाला मोठे करण्यात

कार्यकर्ते मात्र मरत असतात

• रघुनाथ सोनटक्के, पुणे

  मो. ८८०५७९१९०५

कांद्याची महागाई

कांद्याची महागाई

कांदा महाग झाला म्हणे

थोडं त्याच्याही झोळीत पडू द्या

सदा तोच रडत असतो

जरा स्वत:लाही रडू द्या

कळून चुकेल त्यांचं दु:ख

थोडी सोसा महागाईची झळ

तुमचं तर थोड्या दिवसांचं

त्याची आहे नेहमीची कळ

• रघुनाथ सोनटक्के, पुणे

   मो. ८८०५७९‍१९०५

आश्वासनांची पुर्ती

 आश्वासनांची पुर्ती
राज्य आहे आर्थिकदृष्ट्या 
आपलं खुप आजारी
मदत करायची म्हणजे
आणखी कर्जबाजारी

त्यांनी मारलाय टोला
यांचा उलटा पलटवार
गरजूंना हवी आश्वासनपूर्ती 
नको आश्वासने भरमार

काही करून व्हायला हवी
आश्वासनांची पुर्ती
नका दाखवु बोट तुम्ही
उगीच एकमेकांवरती
• रघुनाथ सोनटक्के, पुणे
 मो. ८८०५७९१९०५

उलथापालथ

उलथापालथ
होणार आहे म्हणे राज्यात
काहीतरी उलथापालथ
आधीच परिस्थिती गंभीर
खराब होत चालली हालत

उडत असतात अधूनमधून
अशाच भुकंपाच्या चर्चा
माध्यमांचं ते खाद्य असते
अन् आपल्या वेळेचा खर्चा

कुणाची तिरकी चाल आहे
कुणाची आहे कुरघोडी
सुखासमाधानाने चालू द्या
रूळावर चाललेली गाडी
• रघुनाथ सोनटक्के, पुणे
  मो. ८८०५७९१९०५

संविधानाचे मोल

संविधानाचे मोल
दुष्टपणे अपमान करणारे
उगवले आहेत सरडे
समतावादी संविधानपेक्षा
जड कुणाचे पारडे?

मोसमी उपटसुंभ अधूनमधून
वांगी आपली सोलत असतो
कालबाह्य, शोषनमुल्यासोबत
संविधान मग तोलत असतो

उगवलेला दंभ विचार
वेळीच असा ठेचला पाहिजे
ज्यावर आपण उभे आहोत
तो तरी विचार वाचला पाहिजे
• रघुनाथ सोनटक्के, पुणे

   मो. ८८०५७९१९०५

गुगलवर सर्च करा: kharpus vatratika

चौकशीचा फेरा

चौकशीचा फेरा

राजकारणासाठीच फक्त
तपासाची दिशा ठरत आहे
जे विचारवंत मारले गेले त्याचा
तपास कोण, कुठे करत आहे?

कुणाची करायची गोची म्हणून
विशेष चौकशीचा हेका आहे
मनुष्यबळ आणि यंत्रणेचा
गैरवापर होणे हा धोका आहे

शेतकर्‍यांच्या आत्महत्यांची
ना कुणाला कुठे चिंता आहे
सरळ समस्या न सोडवणारा
राजकारण हा गुंता आहे
• रघुनाथ सोनटक्के, पुणे

  मो. ८८०५७९१९०५

 

मेरिट पास

मेरिट पास
मेरीटचे मार्क आजकाल
कुणीही घेऊ लागला
चालणाच्या काळात जणू
सुसाट धावू लागला

शैक्षणिकदृष्ट्या चांगलेच
सारेच एकमेंकाच्या पुढे आहेत
प्रत्यक्ष व्यवहारात पाहीले तर
टिकणारे फारच थोडे आहेत

मुल्य, संस्कार, नैतिकतेचा
नव्या पिढीत र्‍हास आहे
अाज लेखीपरिक्षतेच फक्त
विद्यार्थी मेरिट पास आहे
• रघुनाथ सोनटक्के, पुणे
  मो. ८८०५७९१९०५

तीन चाकी गाडी

तीन चाकी गाडी

बाणाच्या सोबतीने
काकाने बसवली 'घडी'
कमळी मात्र म्हणते
ही तर तीन चाकी गाडी !

नको म्हणून 'आय'नेही
हात दिला होता
तेव्हाच कुठे भरलाय
धनुष्याचा भाता

कुरबुरी नाही करता
कायम ही ठेवा गोडी
नाहीतर लोकंच म्हणतील
ही आहे ढकलगाडी !

• रघुनाथ सोनटक्के

 

साखळी

साखळी
काही करून तोडावीच लागेल
कोरोनाची ही साखळी
जबाबदारपणाचा आहे कळस
अन् उपाययोजनाही तोकडी

जीवावर उदार होऊन
कुणी मोकाट ‍फिरत आहे
साखळीच्या वाढीसाठी तो
खुपच पुरक ठरत आहे

लस येईपर्यंत तरी
ही साखळी तोडावी लागेल
अर्थचक्र चालू ठेवून
मुक्तसंचार सोडावा लागेल
• रघुनाथ सोनटक्के, पुणे
 मो. ८८०५७९१९०५

आॅनलाईन शिक्षण

आॅनलाईन शिक्षण

आजच्या काळातही अतुट

गुरू शिष्याचे नाते आहे

दक्षिणेसाठी आॅनलाईनने

मार्गदर्शन त्यांचे होते आहे

शाळा हे मंदीर होते

आता फक्त ते स्कुल आहे

शिक्षणासह संस्कार मिळतील

ही आपली भूल आहे

प्रत्यक्ष संवाद हरवतोय

हि त्याचीच एक नांदी आहे

पालक लावतो रेसमधे पैसा

संस्थाचालकांची चांदी आहे

•  रघुनाथ सोनटक्के, पुणे

   मो. ८८०५७९१९०५

हवामानाचा अंदाज

हवामानाचा अंदाज

पावसाची शक्यता दिल्यावर

ढग मागे फिरू शकतात

हवामानखात्याचे अंदाज

कधीकधीच खरे ठरू शकतात

चोख जरी नसले तरी

निराश मनाला बरे करतात

शंभरातून निदान दोन तरी

अंदाज त्यांचे खरे ठरतात

पाऊस येईल म्हटलं कि

सारा महिना सुका असतो

बरसायला लागतो तेव्हा

मुसळधारचा धोका असतो

• रघुनाथ सोनटक्के, पुणे

   मो. ८८०५७९१९०५

 

दरवाढीचा भडका

दरवाढीचा भडका

रोजच उडायला लागलाय

इंधन दरवाढीचा भडका

राजकिय पक्षही देतात

असंतोषाला मस्त तडका

सरकार आहे गपगार

विरोधी पक्ष चढत आहे

रोज पेट्रोलचे दर वाढून

नवे विक्रम मोडत आहे

•  रघुनाथ सोनटक्के, पुणे

   मो. ८८०५७९१९०५

बोगस बियाणे

बोगस बियाणे
दरवर्षी शेतकरी फसतो
विकत घेऊन बोगस बियाणे
कंपन्या तर करतात लुट
सरकारही ऐकेना गार्‍हाणे

पेरणीपासून सुरवात होते
विकण्यापर्यंत फसत राहतो
जगाला जगवण्यासाठी तो
इमानेइतबारे कसत राहतो
• रघुनाथ सोनटक्के, पुणे
  मो. ८८०५७९१९०५

बेताल वक्तव्य

बेताल वक्तव्य

बेताल आरोपांचा नाद

प्रसिद्धीची पध्दत आहे सोपी

चौफेर टिकेनंतर मग

मागावी लागणार नाही माफी

उचलली जीभ, लावली टाळ्याला

नको तेवढी घसरते

काम न करताही किर्ती!

वादग्रस्त बोलून पसरते

सभ्यता, संकेत आणि मर्यादा

आजकाल कुणी पाळत नाही

भावनेच्या भरात बोलण्याचा

मोह सहसा कुणी टाळत नाही

• रघुनाथ सोनटक्के, पुणे

  मो. ८८०५७९१९०५

 

चीनचा बहिष्कार

चीनचा बहिष्कार

चीनने व्यापलाय बाजार

काहीजण स्वदेशी जपत आहेत

लाॅंच झाल्याझाल्याच मोबाईल

अजुनही लगोलग खपत आहेत

उशिराने का होईना आत्मनिर्भरतेची

जनतेला पोकळ हाक आहे

टेंडर आणि माल आयातीने

बहिष्कार आपला खाक आहे!

• रघुनाथ सोनटक्के, पुणे

  मो. ८८०५७९१९०५

राजकारणाची सर्कस

राजकारणाची सर्कस
राजकारण म्हणजे खरेच
अफलातून एक सर्कस आहे
खेचाखेची करण्यात एकजण
दुसर्‍यापेक्षा वरकस आहे

पक्षापक्षात वादाची परिसीमा
कारभार्‍याच्या पाठीत हंटर आहे
श्रेष्ठत्व आणि तुच्छतेच्या लढाईत
जनतेचं भलं मात्र नंतर आहे
• रघुनाथ सोनटक्के 

१२ जुन २०२० दै. युतीचक्र

 

  

अनलाॅक १.०

अनलॉक १.०
अनलॉकने जबाबदारीचा
लागणार आहे खरा कस
कुणाला वाटत आहे सेफ
कुणाला हवी आहे लस

भारत पोहचला आहे
रूग्णसंख्येने पाचव्या स्थानावर
आरोग्य संघटनेचा इशारा
यावे आतातरी थोडे भानावर
• रघुनाथ सोनटक्के

 ११ जुन २०२०, दै. युतीचक्र आणि आदर्श महाराष्ट्र

  

 

निसर्गाची कला

निसर्गाची कला
कुठे पडझड, पाऊस
कधी वादळाने हैदोस
कधी करतो उधळण
निसर्ग देतो भरघोस

मानव झाला अतिरेकी
वागायला हवा तो भला
निसर्ग वागतो मग विचित्र
अजब त्याची ही कला
• रघुनाथ सोनटक्के

(रोज दै. युवा छत्रपती, लातूर आणि
दै. राज्योन्नती, अकोला मधे प्रकाशित)

१३ जुन २०२० दै.  युतीचक्र

प्राण्यांची हत्या

प्राण्यांची हत्या
हत्ती असो वा वाघ
आणखी दुसरा प्राणी
बळी पडत आला आहे
माणसाची मनमानी !

अधाशासारखे घाव आवासावर
उजाडला त्यांचा वावर
नेहमी गाजवत आला आहे
मानव त्याची पावर

कधीकधी येतो माणसाच्या
निर्दयतेचा खुप किळस
जेव्हा दिसतो त्यातला राक्षस
अन् स्वार्थीपणाचा कळस
• रघुनाथ सोनटक्के

स्वदेशीचे सल्ले

स्वदेशीचे सल्ले
अधूनमधून मिळत राहतात
स्वदेशी वापराचे सल्ले
निती ठरवुन टाकते सरकार
सामान्यावर उपदेशाचे हल्ले

काहीजण स्वदेशीचा प्रचार
नेटून मात्र करत असतात
सोबत देशप्रेमाचेही डोस
ठासून खुप भरत असतात
• रघुनाथ सोनटक्के
 मो. ८८०५७९१९०५