उजळणी

« उजळणी »

त्यांनी केले कांड-घोटाळे
त्यांनीच केली फाळणी
त्याच त्याच त्या रडगाण्याची
कितीदा ही उजळणी

त्यांनी केलेल्या पापांचं
फोडणार किती वेळा खापर
राजकिय फायद्यासाठी अजून
करणार किती त्याचा वापर

जुने मुद्दे उकरून कुणाचा
काय होईल फायदा?
तुम्हीही केला होता जनतेशी
विकासाचा वायदा!

त्यांनी तसं केलं म्हणुन
तुम्ही असं करू नका
तुमच्याही कामाचा हिशेब देताना
तुमचं हसं करू नका

   • रघुनाथ सोनटक्के
     मो. 8805791905
ईबुक: https://goo.gl/aY6hVB

 (१३ मे २०१९ दै. युवा छत्रपती, वात्रटिका क्रं. १८६)