खड्डे

« खड्डे »

रस्त्यांची खड्डयांना

अन् खड्डयांची रस्त्यांन‍ा
गरज भासु लागली
माणसं चालली जीवानं
करांचा जनता भार सोसु लागली

नेमीची येतो पावसाळा

अविरत फिरणारं खड्डयांचं 'जातं'
पालिकेला काही फरक नाही
म‍ाध्यमांनी चालवलं जरी अविरत भातं

करोडो रुपये खर्चुन शेवटी काय ?

हाती पडतो मातीचा चुरा

खड्डयांनाही घ्यावा लागतो पुर्नजन्म

त्यांनाही चुकला ना फेरा

• रघुनाथ सोनटक्के

ब्लाॅग : https://vatratika.blogspot.in

 (३० जूलै २०१९ दै. युवा छत्रपती, वात्रटिका क्रं. २४९) 

संवेदनशिलता

« संवेदनशिलता »

ना शेतकर्‍याच्या मालाला भाव
ना जीवाला मोल आहे
कधी घेतो टांगून झाडाला
बुडलांय कर्जात खोल आहे

त्याचा टाहो ऐकणारे सरकार
देतील मेल्यावर मदत, निधी
विरोधकांचं होईल भांडवल
अन् पार पडेल त्याचा अंत्यविधी

त्याच्या नावानं होत राहतील
अशाच यात्रा आणि आंदोलंनं
केल्या जातील मोठया तरतुदी
अन् तो जात राहील जीवानं

   • रघुनाथ सोनटक्के
   मो. 8805791905

ईबुक: https://goo.gl/aY6hVB

(दै. युवा छत्रपती ६ मार्च २०१९, वात्रटिका क्रं.१३१)

देशभक्ती

« देशभक्ती  »

स्वातंत्र्यासाठी बलिदान देणारे

आता उरलेत कुठे भक्त

आपआपसात भांडून

होईल का देश सशक्त

दहशतवाद, गरिबी, अन् महागाई

कुणी देतो अस्मितेच्या हाका

राजकारणासाठी जाती-धर्म

हाच तर आहे खरा धोका

तिरंग‍ा छातीला लावणारे

नेहमीच आपले झेंडे मिरवतात

प्रजासत्ताक अन् स्वातंत्र्यदिन सोडून

बाकी तोच कित्ता गिरवतात

   • रघुनाथ सोनटक्के

     मो. 8805791905

ईबुक: https://goo.gl/aY6hVB

१२ ऑगस्ट २०१८ च्या दै. जनशक्ती (मुंबई) मधे प्रकाशित
२६ जानेवारी २०१९ दै. युवा छत्रपती, वात्रटिका क्रं. १००
२६ जानेवारी २०१९ च्या दै. पथदर्शी, औरंगाबाद केसरी, व दै. मराठवाडा संचार मधे प्रकाशित  

   

हमीभाव

हमीभाव

उद्योगपतींना खुशाल आम्ही
कर्ज करतो माफ
फक्त शेतकर्‍यानंच काय केलं
एवढं मोठं पाप

घ्यावा लागतो शेतकर्‍याला
अडकवुन गळ्यात फास
आत्महत्यांची आकडेवारी सांगताना
लागत नाही ढास

'हमी' नाही त्याला कशाची
फक्त आश्वासनापुरता 'भाव'
साथ नाही त्याला निसर्गाची
सरकाराही ढकलतय धिमे नाव

     •रघुनाथ सोनटक्के©

     https://vatratika.blogspot.in

(दि २ जून २०१८ च्या दै. 'युवा छत्रपती' लातूर या दैनिकात प्रकाशित )

१९ नोव्हेंबर २०१८ (दै. युवा छत्रपती, वात्रटिका क्रं. ४४)

 

मन कि बात

मन कि बात 

कुठं धुमसतं काश्मीर 

कुठं घडतं अमर'नाथ' आहे

खंबीर 'राज' असलं तरी 

जनतेला कुठं त्यांची 'साथ' आहे 

त्यांचे हल्ले, आमचे मिशन 

आमचे शहीद, त्यांना कंठस्नान आहे 

करतो आम्ही 'मन कि बात' 

परदेशातच आमचं जास्त ध्यान आहे 

सिमेवर सैनिक हुतात्मा 

शेतकऱ्याच्या गळ्यात फास आहे 

हातचं सोडून धावणारी 

रणनिती आमची 'खास' आहे 

• रघुनाथ सोनटक्के

  संपादक । रसिक ई-मॅगझिन

  ब्लाॅग: https://vatratika.blogspot.in

लॉकर

« खरपुस वात्रटिका »
लॉकर

लॉकर मधील मुद्देमालाची 

बँकही घेत नाही आता हमी 

ग्राहकांकडूनच पैसे उकळण्याची

शक्कल आहे त्यांची नामी 

कागदपत्र, सोनं-नाणं 

ठेवतो आपला अनमोल ठेवा 

आयत्या बिळावरचा आवडतो 

बँकेला खायला मस्त मेवा 

जुनं ते सोनं हेच खरं 

आता घरात करावी का तिजोरी 

आपल्याच पैश्यावर नफा  

मग का ऐकावी त्यांची मुजोरी 

रघुनाथ सोनटक्के 

निकषाची कर्जमाफी

« खरपुस वात्रटिका »

निकषाची कर्जमाफी

निकषाच्या पात्रतेवर

उतरतील जे खरे

त्यांचेच केल्या जातील

सातबारे कोरे

झाले जेवढे ते ठिक

पेव आंदोलनाचे आणु नका

ताणल्या जाते म्हणुन

उगाच जादा आता ताणु नका

तुमचा हंगाम असतो बारामाही

त्याला आता पेरू द्या

विरोधकाचा रणनितीचा भाग

त्यांना किती घेरायचं ते घेरू द्या

• रघुनाथ सोनटक्के

  8805791905

  https://vatratika.blogspot.in

कर्ज माफी कि मुक्ती

« वात्रटिका »

(रघुनाथ सोनटक्के यांच्या खरपुस वात्रटिका)

कर्ज माफी कि मुक्ती

• • •

कुणाला हवी कर्जमाफी

कुणी म्हणतो कर्जमुक्ती

कोण करेल ‘भुकंप’ कधी?

कुणाची मध्यावधीची दर्पोक्ती

सुटणार नाही खरा बळी

लागु द्या आणखी थोडा काळ

घेवु नये सधन, लखपतींनी

शिजवुन आपली ‘डाळ’

• रघुनाथ सोनटक्के

  8805791905

कर्जाचा फास

कर्जाचा फास 

त्यांनी केलं 'सिंचन'

तुम्ही कुठे दिला भाव 'हमी'

तरी का झाल्या नाही

बळीच्या आत्महत्या कमी 

तुमचाही होता नारा 

'सबका साथ सबका विकास'

मग का बरं आहे अजुन 

गळ्यात कर्जाचा फास 

पाहू नका अंत आता 

पडेल कधी, कुठे बाँम्ब 

मग पडेल तुम्हाला सारी 

पळता भुई लांब 

• रघुनाथ सोनटक्के 

8805791905