संवेदनशिलता

« संवेदनशिलता »

ना शेतकर्‍याच्या मालाला भाव
ना जीवाला मोल आहे
कधी घेतो टांगून झाडाला
बुडलांय कर्जात खोल आहे

त्याचा टाहो ऐकणारे सरकार
देतील मेल्यावर मदत, निधी
विरोधकांचं होईल भांडवल
अन् पार पडेल त्याचा अंत्यविधी

त्याच्या नावानं होत राहतील
अशाच यात्रा आणि आंदोलंनं
केल्या जातील मोठया तरतुदी
अन् तो जात राहील जीवानं

   • रघुनाथ सोनटक्के
   मो. 8805791905

ईबुक: https://goo.gl/aY6hVB

(दै. युवा छत्रपती ६ मार्च २०१९, वात्रटिका क्रं.१३१)