« स्वतंत्र बाणा »
कुणाची वाढली ताकद
तर कुणाचं झालं पारडं जड
कुणाला फडकवायचा झेंडा
तर कुणाला जिंकायचाय गढ
थोड्या थोड्या दिवसांनी
वाढतं यांचं राजकीय बळ
निकालांनी परत मग त्यांची
दाबली जाते दुखती कळ
युतीसाठी असतात आग्रही
मधेच कुठं घोडं अडतं!
निवडणूकीआधी तोरा
नंतर शहाणपण कळतं
निवडणुक पाहून बरोबर
जागा होतो 'स्वतंत्र' बाणा
मग सत्तेसाठी आपोआप
मोडून पडतो यांचा कणा
• रघुनाथ सोनटक्के
मो. 8805791905
