पाहणी दौरा

पाहणी दौरा

पीकांचं झालं नुकसान
सुरू नेत्यांचा पाहणी दौरा
फेकून आश्वासनाचे बोल
दोन दिवस पायाला भवरा

दुष्काळी भागाची पाहणी
नेत्यांचा हल्ली ट्रेंड झाला आहे
खोट्या सहानुभूतीचे नाटक
कैमेरा त्यांचा फ्रेंड झाला आहे

हे तर सारं चालतच राहिल
सरकारकडूनही फलित हवे
सात्वंनाच्या नावे विरोधकांनी
समजू नये याला कोलीत नवे
• रघुनाथ सोनटक्के, पुणे
  मो. ८८०५७९१९०५

 

दाहक स्थिती

दाहक स्थिती
दिवसेदिवस बनत चाललंय
कोरोनाने वातावरण दाहक
बाहेर पडू नये क्वारंटाईनने
बनेल तो कोरोनाचा वाहक

घालून घ्या स्वत:वरच
बाहेर न पडण्याचं बंधन
स्वत:सोबत दुसर्‍याचंही
करा कोरोनापासून रक्षण

करू नका प्रसारित फालतू
उपाय, अफवा वा टाळी
पालन करा फक्त निर्देशाचे
अन्यथा पश्वातापाची पाळी
• रघुनाथ सोनटक्के
   मो. ८८०५७९१९०५

 

२५ एप्रिल २०२०, दै . युतीचक्र 

 

खड्डे

« खड्डे »

रस्त्यांची खड्डयांना

अन् खड्डयांची रस्त्यांन‍ा
गरज भासु लागली
माणसं चालली जीवानं
करांचा जनता भार सोसु लागली

नेमीची येतो पावसाळा

अविरत फिरणारं खड्डयांचं 'जातं'
पालिकेला काही फरक नाही
म‍ाध्यमांनी चालवलं जरी अविरत भातं

करोडो रुपये खर्चुन शेवटी काय ?

हाती पडतो मातीचा चुरा

खड्डयांनाही घ्यावा लागतो पुर्नजन्म

त्यांनाही चुकला ना फेरा

• रघुनाथ सोनटक्के

ब्लाॅग : https://vatratika.blogspot.in

 (३० जूलै २०१९ दै. युवा छत्रपती, वात्रटिका क्रं. २४९) 

फुट

« फुट »

होतच राहतील प्रयत्न
पाडण्याचे समाजात फुट
समाजकंटक असो वा राजकारणी
मिळू नये कुणाला सुट

भडकावुन जातीधर्माला
भाजू नका स्वार्थाची पोळी
हिंदू आहे कि कुण्या जातीचा
बघत नाही बंदूकीची गोळी

• रघुनाथ सोनटक्के

मो. 8805791905

     ईबुक: https://goo.gl/aY6hVB

     ब्लॉग: https://vatratika.blogspot.in
 (४ मे २०१९ दै. युवा छत्रपती, वात्रटिका क्रं. २०२)

विजयाचा ढोल

« विजयाचा ढोल »

कुणाचा मुद्दा विकासाचा

कुणाचं जातीचं समिकरण

कुणाची वाढली टक्केवारी

तर कुणाचं झालं वस्त्रहरण 

नाटोलाही मतं गेली

वाढला लोकांच्या नाराजीचा सुर

जिंकल्याच्या आनंदात निघाला

बघा कसा विजयाचा धूर

मान्य करा पराभवही

जाणुन घ्या जनतेचा हा कौल

विकासाची वाहू द्या गंगा

वाजवु नका नुसता आता ढोल

• रघुनाथ सोनटक्के

मो. 8805791905

ईबुक: https://goo.gl/aY6hVB

ब्लॉग: https://vatratika.blogspot.in
(२३ मे २०१९ दै. युवा छत्रपती, वात्रटिका क्रं. १९४)

 

चुनावी जुमला

खरपूस • वात्रटिका

« चुनावी जुमला »

निवडणूक काळातच निघतात

घोटाळे अन् सिड्या बाहेर

कुणी देतो छुपा टेकू 

तर कुणाचा असतो घरचा आहेर

कुणाचे 'घोडे' घेतल्या जातात विकत

तर कुणाचं निघतं गंगेत न्हाऊन

जनतेला 'उल्लू' बनवायला मग

फिरतात कार्यकर्ते दारू पिऊन

जाहीरनामा, वचन अ्न वादे

असतो साराच 'चुनावी जुमला'

एकदा का झालं मत'दान'!

मग विकासाच्या नावानं बोंबला

• रघुनाथ सोनटक्के

(१० मे २०१९ दै. युवा छत्रपती, वात्रटिका क्रं. १८४)

संवेदनशिलता

« संवेदनशिलता »

ना शेतकर्‍याच्या मालाला भाव
ना जीवाला मोल आहे
कधी घेतो टांगून झाडाला
बुडलांय कर्जात खोल आहे

त्याचा टाहो ऐकणारे सरकार
देतील मेल्यावर मदत, निधी
विरोधकांचं होईल भांडवल
अन् पार पडेल त्याचा अंत्यविधी

त्याच्या नावानं होत राहतील
अशाच यात्रा आणि आंदोलंनं
केल्या जातील मोठया तरतुदी
अन् तो जात राहील जीवानं

   • रघुनाथ सोनटक्के
   मो. 8805791905

ईबुक: https://goo.gl/aY6hVB

(दै. युवा छत्रपती ६ मार्च २०१९, वात्रटिका क्रं.१३१)

वासनेचे पुजारी

वासनेचे पुजारी

फाशीच द्या त्यांना आता

जे आहेत वासनेचे 'पुजारी'

गोळ्या घाला त्या श्वापदांना

जे घालतात माणसांच्या विजारी

वाळीत टाका त्या प्रवृतींना

जे समजतात नुसतं खेळणं

भावना, जिवाशी प्रतारणा

षंढ जे जाणतात फक्त पळणं

• रघुनाथ सोनटक्के

(२३ जानेवारी २०१९ दै. युवा छत्रपती, वात्रटिका क्रं. ९७)

राजकिय पुर्नवसन

« राजकिय पुर्नवसन »

कधी कुणाचं पुर्नवसन होईल
काही सांगता येत नाही
पात्र असुनही वगळल्या जातं
पद मोठं मागता येत नाही

वोटबॅंक बघूनच नेत्याला
मोकळी वाट दिली जाते
वर्षानुवर्षे खर्‍या कार्यकर्त्याला
नेहमीच चाट दिली जाते

  • रघुनाथ सोनटक्के

     मो. 8805791905

     ईबुक: https://goo.gl/aY6hVB

२९ डिसेंबर २०१८ (दै. युवा छत्रपती, वात्रटिका क्रं. ७९)

युती कि सामना

युती कि सामना

युती व्हावी दोघांची यावेळी

दोन्ही नेत्यांची कामना आहे

रणांगणात एकमेकांना रोखने

हाच खरा 'सामना' आहे

कुठे 'देवा'च्या मन कि बात

तर कुठे तडजोडीचा 'वर्षा'व आहे

कधी युतीसाठी कुरघोडी

तर कुठे करायचा बचाव आहे

• रघुनाथ सोनटक्के©

८८०५७९१९०५

२८ डिसेंबर २०१८ (दै. युवा छत्रपती, वात्रटिका क्रं. ७८)
१४ नोव्हेंबर २०१८ (दै. युवा छत्रपती, वात्रटिका क्रं. ४०)

निकषांचा ताप

निकषांचा ताप

   
शेतकर्‍याचं कर्ज
करतो म्हणतात माफ
मागे कसा आहे मग
आत्महत्यांचा ताप

वरकरणी सरसकट आहे
छुपा निकषांचा चाप
शेतकर्‍याचं करू म्हणे भलं 
आहोत विकासाचे बाप

वादे केलेत पुर्ण आम्ही
नाही नुसती मारली थाप
सामना होईल तेव्हा होईल
तोवर करू प्रचार वारेमाप

  • रघुनाथ सोनटक्के (पुणे)

मो. 8805791905

(रोज दै. 'युवाछत्रपती'मधे प्रकाशित)

२० डिसेंबर २०१८ (दै. युवा छत्रपती, वात्रटिका क्रं. ७१)

फिशरकिंग

« वात्रटिका »

फिशरकिंग

नऊ हजार कोटी बुडविले

सतरा बॅंकांना फसुन
दारूचा किंग गेला
फिशरच्या इमानात बसुन

कर्ज दिलंच कसं त्याला

अन् बॅंकानी घेतली ठासुन
मुजोर बघा किती बोलतं
पळपुटं विदेशात घुसुन

कर्जावेळी शेतकर्‍याला सल्ला

होऊ नका देवु दुसरा मल्ल्या
सापडला कि लाल होईस्तोवर
पाहिजेत त्याच्या सोलल्या

• रघुनाथ सोनटक्के

  8805791905

(८ डिसेंबर २०१८  दै. युवा छत्रपती, वात्रटिका क्रं. ६१)

धर्म-जात आणि राजकारण

« धर्म-जात आणि राजकारण »

धर्म आणि राजकारणाचं
नातं खुप आहे जुनं
कोणी विभागलं धर्मानं
तर जातीला पोसलं आहे कोणं

विकास नाही देशाचा
जनतेला भरकटवल्या 'जात' आहे
कुणाची पैशाच्या जोरावर
तर कुणाची समीकरणानं मात आहे

खरी लोकशाही आणायला
जात आता गेली पाहिजे
चेहरा असु द्या कुणाचाही
विकासालाच मतं दिली पाहिजे

• रघुनाथ सोनटक्के

मो. 8805791905

ईबुक: https://goo.gl/aY6hVB

ब्लॉग: https://vatratika.blogspot.in

२७ नोव्हेंबर २०१८ (दै. पथदर्शी, बीड)

२४ नोव्हेंबर २०१८ (दै. युवा छत्रपती, वात्रटिका क्रं. ४९)

 

हमीभाव

हमीभाव

उद्योगपतींना खुशाल आम्ही
कर्ज करतो माफ
फक्त शेतकर्‍यानंच काय केलं
एवढं मोठं पाप

घ्यावा लागतो शेतकर्‍याला
अडकवुन गळ्यात फास
आत्महत्यांची आकडेवारी सांगताना
लागत नाही ढास

'हमी' नाही त्याला कशाची
फक्त आश्वासनापुरता 'भाव'
साथ नाही त्याला निसर्गाची
सरकाराही ढकलतय धिमे नाव

     •रघुनाथ सोनटक्के©

     https://vatratika.blogspot.in

(दि २ जून २०१८ च्या दै. 'युवा छत्रपती' लातूर या दैनिकात प्रकाशित )

१९ नोव्हेंबर २०१८ (दै. युवा छत्रपती, वात्रटिका क्रं. ४४)

 

जांगळगुत्ता

« वात्रटिका »

जांगळगुत्ता

कालपर्यंत भांडले अवसान आणुन
आज बसलेत खाऊन कथ्था
उद्या वाटाघाटी करतील बंदरूममधे
अन् जमवतील जांगळगुत्ता

जनशक्ति दाखवुन देईल
कोण लायक आहे अन् होता
त्याच्याच हाती चाबी असेल
अन् त्याचीच चालेल सत्ता

• रघुनाथ सोनटक्के

  8805791905

१७ नोव्हेंबर २०१८ (दै. युवा छत्रपती, वात्रटिका क्रं. ४३)

बंड

बंड

कधी कुणाच्या हाती 
बंडाचा झेंडा आहे
कुणी समजतोय 'दादा' 
तर कुणी गुंडा आहे

तिकिटांसाठी भरलाय 
इच्छुकाचा मेळा आहे
पक्ष बदलायत मातब्बर
कितीतरी वेळा आहे

   • रघुनाथ सोनटक्के

     ८८०५७९१९०५

१६ नोव्हेंबर २०१८ (दै. युवा छत्रपती, वात्रटिका क्रं. ४२)

गर्भलिंगनिदान

स्त्रि-पुरूष समानतेचे
गातो आम्ही गाणे
बरे आहे का आमच्या राज्यात
गर्भलिंगनिदान होणे

डाॅक्टर, दलालांसोबत जन्मदाताही
वाटेकरी आहे त्या पापाचा
निर्दयीपणे कापतो गळा
जिव कुठे असतो माय-बापाचा

स्वार्थ आणि प्रथेपायी
खुडू नका कोवळी कळी
तिचा काय दोष त्यात
जातो का नाहक बळी

कसाबात अन् तुमच्यात
फरक राहिलाच कशाचा
नराधम बनुन काय लागेल
दिवा आपल्या देशाचा

• रघुनाथ सोनटक्के

१३ नोव्हेंबर २०१८ (दै. युवा छत्रपती, वात्रटिका क्रं. ३९) 

  

स्वच्छता अभियान

« स्वच्छता अभियान »

कचरा, घाण, प्लॅस्टिकपासुन

स्वच्छ ठेवा आपला परिसर

आरोग्य, आनंदासाठी झटा

जसा लढतो सैनिक सिमेवर

घर ठेवतो आपण स्वच्छ

तसा परिसर ठेवायला पाहिजे

आरोग्य आणि आनंदासाठी

प्रत्येकाने भाग घ्यायला पाहिजे

गाडगेबाबा आणि गांधीजींनी

स्वच्छतेचा दिला मंत्र जगाला

सुरवात करावी स्वता:पासुन

सांगायची गरज नसावी कुणाला

स्वच्छतेच्या अभियानात सगळे

सामील होवुया तन आणि मनाने

सुंदर बनवुया आपलं 'तळेगाव'

सुरवात करू या स्वच्छ प्रणाने

• रघुनाथ सोनटक्के

    मो. 8805791905

    ब्लॉग:https://vatratika.blogspot.in

    ईबुक: https://goo.gl/aY6hVB

एकमुखाने देवूया सारे

सच्च्छतेचा नारा

साफ सुंदर करूया

परिसर हा सारा

वाद

« वाद »

वादही जुने आहेत

दंगली काही नव्या नाहीत

जात, धर्म आम्हाला प्रिय

माणुसकीच्या बाता हव्या नाहीत

जातीधर्माच्या नावावर

राजकारणाची पोळी भाजली जाते

उच्चनिच, पैशाने 'माणसा'ची

उंची थोडी मोजली जाते?

• रघुनाथ सोनटक्के

   मो. 8805791905

ईबुक: https://goo.gl/aY6hVB

ब्लॉग: https://vatratika.blogspot.in

खरपूस वात्रटीका : भाग १

माझं पहिलं ईबुक प्रकाशित झालं आहे,

डाउनलोड करून वाचा आणि अभिप्राय कळवा.

https://drive.google.com/open?id=17Pl-1nitFY5TsWv0HgfC5xzk3wh26YTg