नववर्ष

खरपूस • वात्रटिका

« नववर्ष »

नेहमीप्रमाणे हेही वर्ष
नकळत सरले आहे
उगवेल तेच नववर्षात
जे आपण पेरले आहे

करायचे संकल्प प्रयत्नांसह
सकारात्मक ते साध्य होतील
आडवे येणारे संकटेही
सहज सुटण्यास बाध्य होतील

जगाचा पोशिंदा जगावा
भूकेल्याला मिळावा घास
तेव्हाच होईल सगळ्यांचे
नविन हे वर्ष खासमखास

 • रघुनाथ सोनटक्के

(१ जानेवारी २०१९, दै. युवा छत्रपती, वात्रटिका क्रं. ८१)
१ जानेवारी २०१९ च्या प्रीतीसंगम, स्वाभिमानी छावा, डहाणू मित्र मधे प्रकाशित
२ जानेवारी २०१९ च्या दै. पथदर्शी मधे प्रकाशित