खरपूस • वात्रटिका
« खोटेपणा »
राजकारणात खोटं बोलणं
आता नित्याचच झालं आहे
खर्याला किंमत कुठेय
मरण सत्याचच झालं आहे
एक खोटा दुसर्याची
दुसरा त्याची खोलत असतो
आपलंच खरं ठरवायला
खालची पातळी धरत असतो
दावे-प्रतिदाव्यांनी दोघे
एकमेकांना भीडत असतात
काही महाभाग मधेच मग
अकलेचे तारे तोडत असतात
• रघुनाथ सोनटक्के
गुगल सर्च: 'kharpus vatratika'
(दै. युवा छत्रपती, वात्रटिका क्रं.१३२)
(दै. युवा छत्रपती, वात्रटिका क्रं.१३२)
७ मार्च २०१९ च्या दै. मराठवाडा संचा मधे प्रकाशित
कोणत्याही टिप्पण्या नाहीत:
टिप्पणी पोस्ट करा
Thanks to comment on my blog. :)