वाचाळपणा

खरपुस । वात्रटिका

« वाचाळणा »

बोलण्यात आजकाल कुणाच्या 

'राम' उरला नाही

काल काय बोलले त्यात आज

'दम' उरला नाही

प्रत्येकाला आपला कसाही करून 

ढोल वाजवायचा असतो

वेळ पाहून सत्ता, पैशाचा

अहम दाखवायचा असतो

काहीही करण्याचं असल्या धुंदीत
वचन दिलं जातं 
सारवासारव करून माफीनाम्याचं 
वाचन केलं जातं 

• रघुनाथ सोनटक्के

१२ सप्टेंबर २०१८ च्या दै. डहाणू मित्र  मधे प्रकाशित 
(१४ मे २०१९ दै. युवा छत्रपती, वात्रटिका क्रं. १८७)