राजकिय वैर

खरपूस • वात्रटिका

« राजकिय वैर »

सर्वांसमोर एकजण भोपळा

तर दुसराजण विळा असतो

मंडप मोडला की लगेच

गळ्यात यांचा गळा असतो

जनतेला दाखवायला फक्त

विळ्या भोपळ्याचं वर्तन आहे

यांचं नातं म्हणजे वरून तमाशा

आतून चालू किर्तन आहे

पक्ष, निती, नेतृत्व वेगळं

आणि फक्त राजकिय वैर आहे!

सत्तेसाठी एकत्र बसायला

म्हणे त्यात काय गैर आहे

  • रघुनाथ सोनटक्के (पुणे)

(रोज दै. 'युवाछत्रपती'मधे प्रकाशित)

   दिवाळी अंक:https://bit.ly/ShabdRasik-2018

  ईबुक वाचा:https://bit.ly/KharpusVatratika1
१४ डिसेंबर २०१८ (दै. युवा छत्रपती, वात्रटिका क्रं. ६६)