कॅम्पेन आणि मिशन

खरपूस • वात्रटिका

« कॅम्पेन आणि मिशन »

गरिब, शेतकरी, बेरोजगार

आता हेच त्यांचं लक्ष आहे

मरायला टेकला उपेक्षित

अन् गिधाड हरेक पक्ष आहे

म्हणतील 'द्या आम्हाला मौका'

करतो आम्ही सेवा आहे

जनता राहिल उपाशीपोटी

त्यांना मिळेल तो 'मेवा' आहे

प्रत्येक पार्टीचं कॅम्पेन 

एकच त्यांचं मिशन आहे

ओलांडून जातील सर्वांना

अन् सत्ता अंतिम स्टेशन आहे

• रघुनाथ सोनटक्के

(१५ फेब्रुवारी २०१९ दै. युवा छत्रपती, वात्रटिका क्रं.११७)
१६ फेब्रुवारी २०१९ च्या बलशाली भारत मधे प्रकाशित