जागावाटपात दुर्लक्ष

खरपूस • वात्रटिका

    « जागावाटपात दुर्लक्ष »

दोघा भावांनी घेतले
लाभ आपआपसात वाटून
बाकी तर 'आठवले'ही नाही
दिले त्यांना सहज लोटून

इंजिनही (आ)गाडीला
जोडायला नकार आहे
'प्रकाश' पडेना डोक्यात
ह्यांचा पक्ष काय टूकार आहे!

'विनायका'ला आळवत होते
स्वप्नं त्याचंही साकारलं नाही
शेट्टींना तर केलं बेदखल
काहीच कसं विचारलं नाही

• रघुनाथ सोनटक्के
(दै. युवा छत्रपती, वात्रटिका क्रं.१२४)
गुगल सर्च:* 'kharpus vatratika'

२५ फेब्रुवारी २०१९ च्या दै. मराठवाडा संचार आणि बलशाली भारत मधे प्रकाशित