पक्षांतर

खरपुस • वात्रटिका

« पक्षांतर »

आज कुणी यात आहे

तर उद्या त्यात आहे

कुणाला वर्षही पुरेसं

कुणाची सारी हयात आहे

पद आणि सत्तेसाठी

पक्षबदलूंचा हा खेळ असतो

निवडणूकीच्या आधीच

यांना चांगला वेळ असतो

नाममात्र निमित्त काढून

पक्षात याचं फाटत असते

पुर्वीसारखंच याही पक्षात

लाभ सारे हा लाटत असते

• रघुनाथ सोनटक्के

५ फेब्रुवारी २०१९ च्या दै. प्रीतीसंगम, मराठवाडा संचार, बलशाली भारत, डहाणू-मित्र मधे प्रकाशित 

(१३ फेब्रुवारी २०१९, दै. युवा छत्रपती, वात्रटिका क्रं. ११५)
५ फेब्रुवारी २०१९ च्या दै. पथदर्शी  व ७ फेब्रुवारी २०१९ च्या दै. वाचकमंच मधे प्रकाशित