तोंडावर टाळं

खरपूस • वात्रटिका

« तोंडावर टाळं »

कर्जमाफी करायला सदा 

तोंडाला टाळं असते 

पळून गेलेल्यांचं मात्र 

तोंड तसंच काळं असते 

निरव, मल्ल्या आणि  

पळून जातो चोक्सी  

शेतकरी मात्र येथे 

रडतो ओक्साबोक्सी 

•  रघुनाथ सोनटक्के (पुणे)

    मो. 8805791905

३१ ऑक्टोबर २०१८ (दै. युवा छत्रपती, वात्रटिका क्रं. ३०)

शेतकऱ्याचा प्रश्न

खरपूस • वात्रटिका

« शेतकऱ्याचा प्रश्न »

शेतकर्‍याचा प्रश्न आता

नाजूक अन् गंभीर आहे

प्रत्येकवेळी शासन म्हणते

पाठीशी आम्ही खंबीर आहे

प्रश्न सोडवण्याचं कसब

सरकारच्या हाती आहे

दोघांच्या भांडणात शेवटी

शेतकर्‍याचीच माती आहे

•  रघुनाथ सोनटक्के (पुणे)

    मो. 8805791905

३० ऑक्टोबर २०१८ (दै. युवा छत्रपती, वात्रटिका क्रं. २९)

जलयुक्त शिवार

खरपूस • वात्रटिका

« जलयुक्त शिवार »

जलयुक्त शिवारात पाणी 
नेहमीच मुरत असते
बोलले जेवढे त्यावर तेवढे
कमीच ठरत असते

एवढे कोटी पैसा म्हणे
कुठे शिवारी लागतो!
या घडीचा वार त्यांच्या
आता जिव्हारी लागतो

कोटींची रक्कम घालवुनही
बांध फुटायला लागतो
कामे दिसत नाही म्हटल्यावर
साहेबांना घाम फुटायला लागतो

•  रघुनाथ सोनटक्के (पुणे)

    मो. 8805791905

२९ ऑक्टोबर २०१८ (दै. युवा छत्रपती, वात्रटिका क्रं. २८)

स्मारकांचे राजकारण

खरपूस • वात्रटिका

« स्मारकांचे राजकारण »

पुतळे, स्मारकांचे राजकारण
आता विकार झाला आहे
विचार सोडून सामान्य माणूस
अस्मितेचा शिकार झाला आहे

धर्म, मंदीर, पुतळे यांचे
लोणचे केले गेले आहे
विचार घेवून खरेच
कोणते भले केले आहे

महात्म्यांचे विचार सोयिस्करपणे
पुरून ठेवले जातात
स्मारके, पुतळे नुसतेच उभे
करून ठेवले जातात

•  रघुनाथ सोनटक्के (पुणे)

    मो. 8805791905

२७ ऑक्टोबर २०१८ (दै. युवा छत्रपती, वात्रटिका क्रं. २७)

                                 

छंद

खरपूस • वात्रटिका

    « छंद »

    

कुणी म्हणतो भक्त आहे
कुणी म्हणतो तख्त आहे
माध्यम‍ांच्यांही तोंडी भाषा
तशीच आज व्यक्त आहे

कुणी अंध आहे
तर कुणी मंद आहे
ऐकमेकांना डिवचण्याचा
हा बरा छंद आहे

•  रघुनाथ सोनटक्के

  तळेगाव दाभाडे, पुणे

   मो. 8805791905

२५ ऑक्टोबर २०१८ (दै. युवा छत्रपती, वात्रटिका क्रं. २५)

मुद्यांची पळवाळवी

« मुद्यांची पळवाळवी »

निवडणूकीच्या तोंडावर

मुद्यांची पळवाळवी केली जाते

बावन पत्यासारखी त्य‍ांची

अदलाबदली केली जाते

काल त्यांनी चालवला

आज ह्यांच्याकडून चालवल्या जाते

जनतेला परत गुंतवून

काम आपलं भागवल्या जाते

२४ ऑक्टोबर २०१८ (दै. युवा छत्रपती, वात्रटिका क्रं. २४)

दुष्काळाची घोषणाबाजी

« दुष्काळाची घोषणाबाजी »

दुष्काळ जाहीर करून

काय साध्य केलं जातं!

मलमपट्टी धोरणांमुळेच

आत्महत्येस बाध्य केलं जातं

आश्वासन देऊन कुठे

सातबारा त्याचा कोरा राहतो

उत्पन्न दुप्पट करण्याचा

सरकारी फक्त नारा राहतो

त्याचे वाली असल्याचा

प्रत्येकाचा तोरा असतो

घोषणाबाजीचाही हेतू

नेहमीच कुठे खरा असतो

•  रघुनाथ सोनटक्के

  तळेगाव दाभाडे, पुणे

   मो. 8805791905

२३ ऑक्टोबर २०१८ (दै. युवा छत्रपती, वात्रटिका क्रं. २३), दै. पथदर्शी व दै. डहाणू मित्र मधे प्रकाशित

           

मंदीर प्रवेश

« मंदीर प्रवेश »

लिंगभेद करून मंदीरात

प्रवेश नाकारल्या जातो

स्त्री-पुरूष समानतेचा इथे

कोणता न्याय वापरल्या जातो!

अजूनही कोण्या काळात

आपण जगतो आहोत

स्त्रीला मंदीराबाहेर ठेवून

खरंच बरे वागतो आहोत?

कायदे करून पुरे नाहीत

मानसिकता बलवायला हवी

अधिकार डावलणारी खुजी

दलालीच मिटवायला हवी

•  रघुनाथ सोनटक्के

  तळेगाव दाभाडे, पुणे

   मो. 8805791905

२२ ऑक्टोबर २०१८ (दै. युवा छत्रपती, वात्रटिका क्रं. २२)

४ नोव्हेंबर २०१८ च्या विदर्भ मतदार

मंदीर पॉलिटिक्स

« मंदीर पॉलिटिक्स »

संकटात देव आठवतो

'मंदीर'ही दिसते पुढे

आश्वासने पुर्ण करायला

कशाला मग आढेवेढे!

त्याच्या नावाने मिळवावी वाटते 

प्रत्येक पक्षाला सत्त्ता 

'राम'ही वैतागला पाहून

गिरवलेला एकच कित्ता

•  रघुनाथ सोनटक्के

  तळेगाव दाभाडे, पुणे

   मो. 8805791905

२० ऑक्टोबर २०१८ (दै. युवा छत्रपती, वात्रटिका क्रं. २१)

लेबल

« लेबल »

जुन्या बाटलीत परत
नवी दारू भरली जाते
वादे, जाहिरनाम्यांवरची
धूळ परत सारली जाते

घोषणा, नवी नावे
मूळ निती स्टेबल असते
रणनीतीनुसार चाली ठरतात
आणि वेगळंच लेबल असते

•  रघुनाथ सोनटक्के

  तळेगाव दाभाडे, पुणे

   मो. 8805791905

१९ ऑक्टोबर २०१८ (दै. युवा छत्रपती, वात्रटिका क्रं. २०)

कार्यकर्ता

ख र पु स • वा त्र टि का

    « कार्यकर्ता »

चाहूल लागली की इलेक्शनची
कार्यकर्त्यावर भिस्त असते
कधी नव्हे तितकी त्यांच्यामधे
याच काळात शिस्त असते

कामाला लागा म्हणुन
लगाम खेचल्या जातो
कार्यकर्त्याला बरोबर वेळीच
खडा केल्या जातो

मत पडेपर्यंत गड्यांना
कमालीचा भाव असतो
पाया पडायचीच फक्त सवड
देव-भक्ताचा आव असतो

     • रघुनाथ सोनटक्के

        तळेगाव दाभाडे, पुणे

        मो. 8805791905

वात्रटिकासंग्रह: https://goo.gl/7CcLUw

दिवाळी अंक २०१७: https://goo.gl/RxRw8g

१८ ऑक्टोबर २०१८ (दै. युवा छत्रपती, वात्रटिका क्रं. १९)

ऑनलाईन दारू

खरपूस • वात्रटिका

  « ऑनलाईन दारू »

आज ऑनलाईन झाली 
उद्या सबसिडी देतील 
सोबतीला तळीराम
बिडी फ्रीमधे पितील

घरपोचने अपघात कमी 
अजब त्यांचे तर्क आहेत 
बांधीलकी सोडून वाऱ्यावर 
कशात हे गर्क आहेत

तळीरामही सरकारला
आपले वाटू लागले
दोघांनाही चढली की काय
असेच वाटू लागले

• रघुनाथ सोनटक्के

  तळेगाव दाभाडे, पुणे

  मो. 8805791905

१७ ऑक्टोबर २०१८ (दै. युवा छत्रपती, वात्रटिका क्रं. १८)

मी टू

खरपूस • वात्रटिका

  « मी टू »

सिनेक्षेत्र, राजकारणाला
'मी टू' ची घरघर लागली आहे
'बाबूजी'सारखी मंडळी
कळते कशी ही वागली आहे!

मोठे नेते, अभिनेते 
यांची बिंगं फुटायला लागली
काही वर्षांनंतर, झोपलेल्यांना
आता शिंगं फुटायला लागली

झाला अत्याचार की लगेच
आवाज उठावायला हवा होता
चेहर्‍यामागील राक्षस फाडण्याचा
तेव्हाच करायचा दावा होता

• रघुनाथ सोनटक्के

  तळेगाव दाभाडे, पुणे

  मो. 8805791905

१६ ऑक्टोबर २०१८ (दै. युवा छत्रपती, वात्रटिका क्रं. १७)

                 

लाॅबिंग

« लाॅबिंग »

उमेदवारीसाठी प्रत्येकाकडून

आतापासून लाॅबिंग केल जातं

पंचवार्षिक सोय करण्यासाठी

कसून मग सेटिंग केलं जातं

ताकद बघून पहेलवानाची

पक्षाकडून बाहूबल मापल्या जातं

सोईच्या राजकारणात

विद्यमानांचही तिकीट कापल्या जातं

•  रघुनाथ सोनटक्के

  तळेगाव दाभाडे, पुणे

   मो. 8805791905

१५ ऑक्टोबर २०१८ (दै. युवा छत्रपती, वात्रटिका क्रं. १६)

महागाईचा वारू

खरपूस • वात्रटिका

    « महागाईचा वारू »

    रूपया रोज गडगडतोय

विकासही झाला मंद आहे
महागाईचा वारू उधळून
सरकार स्व:स्तुतीच धुंद आहे

महागाईच्या भस्मासुराने 
पोटात अामच्या गोळा येतो
गाडीत फिरणार्‍यांना कुठे
याचा अंदाज थोडा येतो!

सरकार बसलं मुग गिळून
विरोधकांचा बवाल आहे
प्रश्न‍ांना कधी मिळेल वाट
हाच आमचा सवाल आहे

• रघुनाथ सोनटक्के

तळेगाव दाभाडे, पुणे

मो. 8805791905

१३ ऑक्टोबर २०१८ (दै. युवा छत्रपती, वात्रटिका क्रं. १५) व २२ ऑक्टोबर २०१८ च्या दै. पथदर्शी मधे प्रकाशित

                            

नव्याचे नऊ दिवस

खरपूस • वात्रटिका

   « नव्याचे नऊ दिवस »

नव्याचे नऊ दिवस बघून घ्या

स्त्री-शक्तीचा जागर असतो

तेवढ्यापुरतं देवीला मानुन

बाकीवेळा शैतानांचा वावर असतो

समानता, आदर करण्याचा

विचार मनात पेरला पाहिजे

लिंगसमानतेच्या विचाराने

अहंकाराला घेरला पाहिजे

• रघुनाथ सोनटक्के

तळेगाव दाभाडे, पुणे

मो. 8805791905

१२ ऑक्टोबर २०१८ (दै. युवा छत्रपती, वात्रटिका क्रं. १४)

दुष्काळाशी सामना

खरपूस • वात्रटिका

« दुष्काळाशी सामना »

राज्याच्या काही भागात 
दुष्काळाचे ढग दाटले आहेत
सुकलेले रानमाळ बघून
शेतकर्‍याचे ऊर फाटले आहेत

खुप कमी ठिकाणी पावसाने
सरासरी गाठली आहे
पाणीटंचाई आतापासूनच सुरू
काही धरणेही आटली आहे

शेतकर्‍याचा दुष्काळाशी परत
थेट सामना रंगला आहे
स्वप्न आणि जमिनीला तडे
आकाशी जीव टांगला आहे

  • रघुनाथ सोनटक्के

     तळेगाव दाभाडे, पुणे

     मो. 8805791905

१० ऑक्टोबर २०१८ (दै. युवा छत्रपती, वात्रटिका क्रं. १२)

खिसा खाली

खरपूस • वात्रटिका

« खिसा खाली »

पेट्रोल कधी महाग होते

कधी थोडेच स्वस्त होते

कंपन्या, सरकार मजेत

जनता मात्र त्रस्त होते

आज रणकंदन करणारा

उद्या जनतेचा वाली होतो

कुणाच्याही काळात बघा

खिसा जनतेचाच खाली होतो

• रघुनाथ सोनटक्के

  तळेगाव दाभाडे, पुणे

मो. 8805791905

९ ऑक्टोबर २०१८ (दै. युवा छत्रपती, वात्रटिका क्रं. ११) व ११ ऑक्टोबर २०१८ दै. पथदर्शी मधे प्रकाशित