हमीभावाचा शब्द

« हमीभावाचा शब्द »

जनतेचे हाल सोडून

इथं मंदीरच गाजलं आहे

शेतकर्‍याचं पोर दुष्काळाने

उपाशीच निजलं आहे

पिकवुन त्याने शेतमाल

किती घाम गाळला आहे

हमीभावाचा शब्द मात्र

कुणी कधी पाळला अाहे

• रघुनाथ सोनटक्के (पुणे)

  ईबुक: https://bit.ly/KharpusVatratika1

६ डिसेंबर २०१८ (दै. युवा छत्रपती, वात्रटिका क्रं. ५९)
१४ डिसेंबर २०१८ ला दै.पथदर्शी मधे प्रकाशित 

गुप्तगू

खरपूस • वात्रटिका

     « गुप्तगू »

कालपर्यंत वेगळी भाषा

आज एकत्र बसले आहेत

गुप्तगू करतांना बघा

व्यासपिठावर दिसले आहेत

पक्ष, नेतृत्व वेगळे जरी

कार्यक्रम समान अाहे

'बाणा'ला लक्ष गाठण्यासाठी

तयार आता कमान आहे

• रघुनाथ सोनटक्के (पुणे)

  ईबुक: https://bit.ly/KharpusVatratika1
५ डिसेंबर २०१८ (दै. युवा छत्रपती, वात्रटिका क्रं. ५८)

शेतकर्‍याचं दुखणं

शेतकर्‍याचं दुखणं

कर्जमाफीच्या टाॅनिकने
हिल करा आत्महत्येचा रोग
हवालदील शेतकर्‍यासाठी
येईल कधी बरा योग

शेतकर्‍याच्या कर्जमाफीवर
विरोधकांची खेळी
दोघांच्या भांडणात जातोय
शेतकर्‍याचाच बळी

• रघुनाथ सोनटक्के (पुणे)

  मो. 8805791905

४ डिसेंबर २०१८ (दै. युवा छत्रपती, वात्रटिका क्रं. ५७)

४ डिसेंबर २०१८ दै. पथदर्शी'मधे प्रकाशित

 

श्रेयवाद

श्रेयवाद

श्रेयवादाची आता परत
लढाई सुरू झाली आहे
हुतात्म्यांना विसरून
बढाई सुरू झाली आहे

जल्लोष करायला हवा
कसोटीवर टिकलं पाहिजे
लोकांच्या इच्छेतूनच बदल होतो
सगळ्यांनीच शिकलं पाहिजे

• रघुनाथ सोनटक्के (पुणे)

  मो. 8805791905

१ डिसेंबर २०१८ (दै. युवा छत्रपती, वात्रटिका क्रं. ५५)

भ्रष्टाचाराची कीड

« भ्रष्टाचाराची कीड »

प्रशासनातील काहीजण 
भ्रष्टाचाऱ्यांची तळी धरतात 
स्वार्थ आणि लोभापायी 
सामान्य मग बळी ठरतात 

कामचुकारपणाचा रोग,
लाचखोरीची कीड लागली आहे 
खेकड्यांसारखी एकमेकांत 
खाण्याचीही चढाओढ लागली आहे 

जाब विचारून जनतेने 
सरकारनेही झापले पाहिजे 
'बेशरमी'सारखे  वाढण्याआधीच 
मुळासकट कापले पाहिजे 

• रघुनाथ सोनटक्के (पुणे)

  मो. 8805791905

३० नोव्हेंबर २०१८ (दै. युवा छत्रपती, वात्रटिका क्रं. ५४)
१ डिसेंबर २०१८ दै. पथदर्शी'ला प्रकाशित

रामनाम

« रामनाम »

हा बघा तो बघा सद्या
रामनाम जपतो आहे
जगाचा पोशिंदा मात्र
दुष्काळाने खपतो आहे

महागाईने केला जुलूम
कुणी रोजगार मागतो आहे
राजकारणी मात्र त्याला
चेतवायला बघतो आहे

कुणातच, कशाचा आता
कुठे राम राहिला नाही
देवाच्या नादाने भूकेल्यात
कुणी राम पाहिला नाही

• रघुनाथ सोनटक्के

  मो. ८८०५७९१९०५

WhatsApp  

शब्दरसिक दिवाळी अंक: http://bit.ly/ShabdRasik-2018
२९ नोव्हेंबर २०१८ (दै. युवा छत्रपती, वात्रटिका क्रं. ५३)

मेरी कोमचा पराक्रम

खरपूस • वात्रटिका

« मेरी कोमचा पराक्रम »

खेळाने दमदार आपल्या 
मेरीने नाव कोरले आहे
एक नाही दोन नाही सहाव्यांदा 
अजिंक्य ठरले आहे

कष्टाने मेरी तू तिरंगा
जगात फडकवला आहे
गर्व असावा असा पराक्रम
सातासमुद्रापार घडवला आहे

स्वत:साठी नाही तर देशासाठी 
खेळण्याचा धडा घेतला पाहिजे
खेळातही राजकारण करणार्‍यांनी
विचार तिचा थोडा घेतला पाहिजे

• रघुनाथ सोनटक्के
   मो. ८८०५७९१९०५

(रोज दै. 'युवा छत्रपती' दैनिकात प्रकाशित)

शब्दरसिक दिवाळी अंक डाऊनलोड करा: http://bit.ly/ShabdRasik-2018

२८ नोव्हेंबर २०१८ (दै. युवा छत्रपती, वात्रटिका क्रं. ५२)
दै. पथदर्शी २९ नोव्हेंबर २०१८ ला प्रकाशित

अस्मितेचे राजकारण

« अस्मितेचे राजकारण »

सामान्यांचे प्रश्न गेले कुठे?

धर्म, जातींतच पेटले आहे

विकासावर बोलणार्‍यांचे

प्रमाण खुपच घटले आहे

स्वातंत्र्यानंतर कुठे निघालो

देशाशी नातेच तुटले आहे

अस्मितेचे राजकारण करणार्‍यांना

जणू मोकळे रानच भेटले आहे

• रघुनाथ सोनटक्के

   मो. 8805791905

ईबुक: https://goo.gl/aY6hVB

२७ नोव्हेंबर २०१८ (दै. युवा छत्रपती, वात्रटिका क्रं. ५१)
दै. पथदर्शी ३० नोव्हेंबर २०१८ ला प्रकाशित

 

स्वतंत्र बाणा

«  स्वतंत्र बाणा  »

कुणाची वाढली ताकद

तर कुणाचं झालं पारडं जड

कुणाला फडकवायचा झेंडा

तर कुणाला जिंकायचाय गढ

थोड्या थोड्या दिवसांनी

वाढतं यांचं राजकीय बळ

निकालांनी परत मग त्यांची

दाबली जाते दुखती कळ

युतीसाठी असतात आग्रही

मधेच कुठं घोडं अडतं!

निवडणूकीआधी तोरा

नंतर शहाणपण कळतं

निवडणुक पाहून बरोबर

जागा होतो 'स्वतंत्र' बाणा

मग सत्तेसाठी आपोआप 

मोडून पडतो यांचा कणा 

• रघुनाथ सोनटक्के

   मो. 8805791905

ईबुक: https://goo.gl/aY6hVB

२६ नोव्हेंबर २०१८ (दै. युवा छत्रपती, वात्रटिका क्रं. ५०)

धर्म-जात आणि राजकारण

« धर्म-जात आणि राजकारण »

धर्म आणि राजकारणाचं
नातं खुप आहे जुनं
कोणी विभागलं धर्मानं
तर जातीला पोसलं आहे कोणं

विकास नाही देशाचा
जनतेला भरकटवल्या 'जात' आहे
कुणाची पैशाच्या जोरावर
तर कुणाची समीकरणानं मात आहे

खरी लोकशाही आणायला
जात आता गेली पाहिजे
चेहरा असु द्या कुणाचाही
विकासालाच मतं दिली पाहिजे

• रघुनाथ सोनटक्के

मो. 8805791905

ईबुक: https://goo.gl/aY6hVB

ब्लॉग: https://vatratika.blogspot.in

२७ नोव्हेंबर २०१८ (दै. पथदर्शी, बीड)

२४ नोव्हेंबर २०१८ (दै. युवा छत्रपती, वात्रटिका क्रं. ४९)

 

मनमोहन आणि मौन

मनमोहन आणि मौन

चौकशी नाकरल्यावर

'मना'चंही 'मौन' सुटलं आहे

संशयाचं मोहळं पुन्हा 

परत एकदा उठलं आहे

आरोपांची विमानं उडतांना

वाटतं दालमे कुछ काला है!

देशवासियांना प्रश्न पडलाय

खरंच घोटाळा झाला आहे?

• रघुनाथ सोनटक्के

   मो. ८८०५७९१९०५

शब्दरसिक दिवाळी अंक: http://bit.ly/ShabdRasik-2018

२३ नोव्हेंबर २०१८ (दै. युवा छत्रपती, वात्रटिका क्रं. ४८)

आरक्षणावर चर्चा

खरपूस • वात्रटिका

« आरक्षणावर चर्चा »

चर्चा ना पटलावर आला
कुणी राजदंड पळवला आहे
राजकारणापायी मुद्याला
कुठच्या कुठे वळवला आहे

आरक्षणावरून वाटतो आता
जातीजातीत पंगा आहे
सरकार आणि विरोधीपक्षाचा
सभागृहात नुसता दंगा आहे

• रघुनाथ सोनटक्के

   मो. ८८०५७९१९०५

शब्दरसिक दिवाळी अंक मोफत डाऊनलोड करा: 

http://bit.ly/ShabdRasik-2018

२२ नोव्हेंबर २०१८ (दै. युवा छत्रपती, वात्रटिका क्रं. ४७)
३ डिसेंबर २०१८ (दै. युवा छत्रपती, वात्रटिका क्रं. ५६)

मंदिराची कसम

« मंदिराची कसम »

तुम्ही घाई केली होती

आता आम्ही करतो आहे

मंदिराच्या राजकारणात

तुमच्याही वरचढ ठरतो आहे

अस्मितेच्या नावाखाली ही

मंतांची बेगमी चालली आहे

प्रत्येकानेच मंदिर बनवण्याची

कसम आता खाल्ली आहे

   

   • रघुनाथ सोनटक्के

      मो. ८८०५७९१९०५

  २१ नोव्हेंबर २०१८ (दै. युवा छत्रपती, वात्रटिका क्रं. ४६)

ठग्ज आॅफ हिंदूस्थान

खरपूस वात्रटिका

« ठग्ज आॅफ हिंदूस्थान »

आधी तुम्ही ठगवले होते

आता ह्यांनी ठगवले आहे

दोघांनीही जनतेला असे

सावत्र म्हणून वागवले आहे

ठग्ज आॅफ हिंदूस्थानमधे

ठगविण्याची अशीच रित आहे

वर्षानुवर्षे आश्वासनाचं जहर

जनता मुकाट्याने पित आहे

• रघुनाथ सोनटक्के,  मो. ८८०५७९१९०५

२० नोव्हेंबर २०१८ (दै. युवा छत्रपती, वात्रटिका क्रं. ४५)

हमीभाव

हमीभाव

उद्योगपतींना खुशाल आम्ही
कर्ज करतो माफ
फक्त शेतकर्‍यानंच काय केलं
एवढं मोठं पाप

घ्यावा लागतो शेतकर्‍याला
अडकवुन गळ्यात फास
आत्महत्यांची आकडेवारी सांगताना
लागत नाही ढास

'हमी' नाही त्याला कशाची
फक्त आश्वासनापुरता 'भाव'
साथ नाही त्याला निसर्गाची
सरकाराही ढकलतय धिमे नाव

     •रघुनाथ सोनटक्के©

     https://vatratika.blogspot.in

(दि २ जून २०१८ च्या दै. 'युवा छत्रपती' लातूर या दैनिकात प्रकाशित )

१९ नोव्हेंबर २०१८ (दै. युवा छत्रपती, वात्रटिका क्रं. ४४)

 

जांगळगुत्ता

« वात्रटिका »

जांगळगुत्ता

कालपर्यंत भांडले अवसान आणुन
आज बसलेत खाऊन कथ्था
उद्या वाटाघाटी करतील बंदरूममधे
अन् जमवतील जांगळगुत्ता

जनशक्ति दाखवुन देईल
कोण लायक आहे अन् होता
त्याच्याच हाती चाबी असेल
अन् त्याचीच चालेल सत्ता

• रघुनाथ सोनटक्के

  8805791905

१७ नोव्हेंबर २०१८ (दै. युवा छत्रपती, वात्रटिका क्रं. ४३)

बंड

बंड

कधी कुणाच्या हाती 
बंडाचा झेंडा आहे
कुणी समजतोय 'दादा' 
तर कुणी गुंडा आहे

तिकिटांसाठी भरलाय 
इच्छुकाचा मेळा आहे
पक्ष बदलायत मातब्बर
कितीतरी वेळा आहे

   • रघुनाथ सोनटक्के

     ८८०५७९१९०५

१६ नोव्हेंबर २०१८ (दै. युवा छत्रपती, वात्रटिका क्रं. ४२)

शहर‍ांचे नामांतर

शहरांचे नामांतर

पाटी पुसून नवीन अक्षर
परत-परत गिरवलं जाते
भावनांचा जातं अधूनमधून 
असंच हे फिरवलं जाते

मतांसाठींचे उपद्व्याप की
नुसतंच हे खुळ आहे
रणांगण पाहून दौडायला 
उडवणे चालले धूळ आहे

- रघुनाथ सोनटक्के 

१५ नोव्हेंबर २०१८ (दै. युवा छत्रपती, वात्रटिका क्रं. ४१)

बोलणीकडे पावलं

बोलणीकडे पावलं

एक एक करत पावलं 

बोलणीकडे सरकू लागतात

बंद दाराआड चर्चा 

गुपचूप उरकु लागतात

दाखवायला वेगळे

खायचे वेगळे दात असतात

पोटात काय ओठावर काय

झाकून मलई खात असतात

 • रघुनाथ सोनटक्के (पुणे)

      मो. ८८०५७९१९०५

१२ नोव्हेंबर २०१८ (दै. युवा छत्रपती, वात्रटिका क्रं. ३८)

अवणीप्रेम

अवणीप्रेम

अवणीच्या मृत्यूने अवेळी

संवेदनशिलता जागी होते

डझणभर शेतकर्‍यांच्या बळीने

कुणाचा जीव नाकी येते

प्राणीप्रेमींच्या आवईला

बेगडीणाचा गंध येतो

कुत्रा-मांजर पाळणार्‍यांना

नरभक्षकांचाही कंड येतो 

 • रघुनाथ सोनटक्के (पुणे)

      मो. ८८०५७९१९०५

८ नोव्हेंबर २०१८ (दै. युवा छत्रपती, वात्रटिका क्रं. ३७)