मी टू

खरपूस • वात्रटिका

  « मी टू »

सिनेक्षेत्र, राजकारणाला
'मी टू' ची घरघर लागली आहे
'बाबूजी'सारखी मंडळी
कळते कशी ही वागली आहे!

मोठे नेते, अभिनेते 
यांची बिंगं फुटायला लागली
काही वर्षांनंतर, झोपलेल्यांना
आता शिंगं फुटायला लागली

झाला अत्याचार की लगेच
आवाज उठावायला हवा होता
चेहर्‍यामागील राक्षस फाडण्याचा
तेव्हाच करायचा दावा होता

• रघुनाथ सोनटक्के

  तळेगाव दाभाडे, पुणे

  मो. 8805791905

१६ ऑक्टोबर २०१८ (दै. युवा छत्रपती, वात्रटिका क्रं. १७)

                 

लाॅबिंग

« लाॅबिंग »

उमेदवारीसाठी प्रत्येकाकडून

आतापासून लाॅबिंग केल जातं

पंचवार्षिक सोय करण्यासाठी

कसून मग सेटिंग केलं जातं

ताकद बघून पहेलवानाची

पक्षाकडून बाहूबल मापल्या जातं

सोईच्या राजकारणात

विद्यमानांचही तिकीट कापल्या जातं

•  रघुनाथ सोनटक्के

  तळेगाव दाभाडे, पुणे

   मो. 8805791905

१५ ऑक्टोबर २०१८ (दै. युवा छत्रपती, वात्रटिका क्रं. १६)

महागाईचा वारू

खरपूस • वात्रटिका

    « महागाईचा वारू »

    रूपया रोज गडगडतोय

विकासही झाला मंद आहे
महागाईचा वारू उधळून
सरकार स्व:स्तुतीच धुंद आहे

महागाईच्या भस्मासुराने 
पोटात अामच्या गोळा येतो
गाडीत फिरणार्‍यांना कुठे
याचा अंदाज थोडा येतो!

सरकार बसलं मुग गिळून
विरोधकांचा बवाल आहे
प्रश्न‍ांना कधी मिळेल वाट
हाच आमचा सवाल आहे

• रघुनाथ सोनटक्के

तळेगाव दाभाडे, पुणे

मो. 8805791905

१३ ऑक्टोबर २०१८ (दै. युवा छत्रपती, वात्रटिका क्रं. १५) व २२ ऑक्टोबर २०१८ च्या दै. पथदर्शी मधे प्रकाशित

                            

नव्याचे नऊ दिवस

खरपूस • वात्रटिका

   « नव्याचे नऊ दिवस »

नव्याचे नऊ दिवस बघून घ्या

स्त्री-शक्तीचा जागर असतो

तेवढ्यापुरतं देवीला मानुन

बाकीवेळा शैतानांचा वावर असतो

समानता, आदर करण्याचा

विचार मनात पेरला पाहिजे

लिंगसमानतेच्या विचाराने

अहंकाराला घेरला पाहिजे

• रघुनाथ सोनटक्के

तळेगाव दाभाडे, पुणे

मो. 8805791905

१२ ऑक्टोबर २०१८ (दै. युवा छत्रपती, वात्रटिका क्रं. १४)

दुष्काळाशी सामना

खरपूस • वात्रटिका

« दुष्काळाशी सामना »

राज्याच्या काही भागात 
दुष्काळाचे ढग दाटले आहेत
सुकलेले रानमाळ बघून
शेतकर्‍याचे ऊर फाटले आहेत

खुप कमी ठिकाणी पावसाने
सरासरी गाठली आहे
पाणीटंचाई आतापासूनच सुरू
काही धरणेही आटली आहे

शेतकर्‍याचा दुष्काळाशी परत
थेट सामना रंगला आहे
स्वप्न आणि जमिनीला तडे
आकाशी जीव टांगला आहे

  • रघुनाथ सोनटक्के

     तळेगाव दाभाडे, पुणे

     मो. 8805791905

१० ऑक्टोबर २०१८ (दै. युवा छत्रपती, वात्रटिका क्रं. १२)

खिसा खाली

खरपूस • वात्रटिका

« खिसा खाली »

पेट्रोल कधी महाग होते

कधी थोडेच स्वस्त होते

कंपन्या, सरकार मजेत

जनता मात्र त्रस्त होते

आज रणकंदन करणारा

उद्या जनतेचा वाली होतो

कुणाच्याही काळात बघा

खिसा जनतेचाच खाली होतो

• रघुनाथ सोनटक्के

  तळेगाव दाभाडे, पुणे

मो. 8805791905

९ ऑक्टोबर २०१८ (दै. युवा छत्रपती, वात्रटिका क्रं. ११) व ११ ऑक्टोबर २०१८ दै. पथदर्शी मधे प्रकाशित

                      

घराणेशाही

खरपूस • वात्रटिका

« घराणेशाही »

राजकारणात नेत्यांची पिढी
हळूहळू घुसवली जाते
घराणेशाही पाळून यांची
लोकशाही नासवली जाते

लायक असो वा नसो
आप्तप्रेम पाळले जाते
नेतृत्वाची उणीव म्हणून
उट्टे जनतेवरच काढले जाते

सार्‍याच नेत्यांनी देशात
पिल्लांना आपल्या पोसलं आहे
मागे पळणार्‍यांच्या डोक्यात
व्यक्तिपुजेचं खुळ घुसलं आहे

• रघुनाथ सोनटक्के

तळेगाव दाभाडे, पुणे

मो. 8805791905

                     

५ ऑक्टोबर २०१८ (दै. युवा छत्रपती, वात्रटिका क्रं. ८)   व ९ ऑक्टोबर २०१८ दै. पथदर्शी प्रकाशित

हातमिळवणी

खरपूस • वात्रटिका

« हातमिळवणी »

स्वातंत्र्याच्या सत्तरीनंतरही कुणी
राहिला अजून 'वंचित' आहे
विकासाची आता कुठे त्याला
आशा लागली किंचित आहे

आज यांची हातमिळवणी
उद्या त्यांची युती होईल
सत्तेसाठी भांडणार्‍याची
उद्या गोड प्रिती होईल

जनतेला दाखवायला भेद
आतून मात्र सख्य असते
लढाईसाठी शब्दांचे बाण
तहात मात्र ऐक्य असते

• रघुनाथ सोनटक्के

तळेगाव दाभाडे, पुणे

मो. 8805791905

४ ऑक्टोबर २०१८ (दै. युवा छत्रपती, वात्रटिका क्रं. ७)

अश्रुधूराची बरसात

ख र पु स • वा त्र टि का

« अश्रुधूराची बरसात »

लाठीमार, अश्रुधूराची

शेतकर्‍यांवर बरसात आहे

गांधीजींच्या देशात सरकार 

अन्नदात्यावरच बरसत आहे

दिलेल्या त्या आश्वासनांची 

दिल्ली अजून दूर आहे

पिकवणार्‍याला ना हमी

डोळ्यात त्याच्या अश्रुधूर आहे

ते असो कि हे असोत

सारी लुटारूंची टोळी आहे

सीमेवर सैनिक शहिद

इकडे शेतकर्‍याला गोळी आहे

• रघुनाथ सोनटक्के

तळेगाव दाभाडे, पुणे

मो. 8805791905

२ ऑक्टोबर २०१८ (दै. युवा छत्रपती, वात्रटिका क्रं. ६)

स्कँडल

खरपुस • वात्रटिका

   

   « स्कँडल »

चंदेरीविश्वात 'नाना'विध कला
उघड व्हायला लागल्या
'तनु'वरील घटना उजेडात
ताबडतोब यायला लागल्या!

दहा वर्षापूर्वींची कशी 
आत्ता 'स्कँडल' होऊ लागली!
दबलेली प्रकरणं ही मोठी
आता हॅंन्डल होऊ लागली

नट-नट्यांची लफडी अशी
चवीने वाचल्या जातात
पिडीताही मग यांच्यामुळे
खरंच पिचल्या जातात

• रघुनाथ सोनटक्के

तळेगाव दाभाडे, पुणे

  मो. 8805791905

२ ऑक्टोबर २०१८ (दै. युवा छत्रपती, वात्रटिका क्रं. ५)

सोडचिठ्ठी

खरपूस • वात्रटिका

  « सोडचिठ्ठी »

तत्वाधारित राजकारण कुठाय
संधीसाठी बाऊ केल्या जातो
मतेमतांतराचा सोडचिठ्ठीसाठी
राईचा मोठा राऊ केल्या जातो

गड शाबुत राखायला मग
पक्षाची नाळ तोडली जाते
तडजोडी करून नव्याची
वेगळीच वाट जोडली जाते
   
विविधढंगी जनता आणि नेते
असं आमचं 'राष्ट्र' आहे
वादा'वादी'त विकासाचा र्‍हास
देशाला लागलं शुक्लकाष्ठ आहे
• रघुनाथ सोनटक्के

   तळेगाव दाभाडे, पुणे

  मो. 8805791905

१ ऑक्टोबर २०१८ (दै. युवा छत्रपती, वात्रटिका क्रं. ४)

व्याभिचाराचं कलम

खरपूस • वात्रटिका

« व्याभिचाराचं कलम »

तिने केले ते पाप
असा आमचा दावा होता
स्त्रीला मालमत्ता समजणे
आधीच गुन्हा हवा होता

तिने केलेला व्याभिचार
गुन्हा झाला होता
पुरूषांच्या मक्तेदारीचा ठेका
पुन्हा झाला होता

कलमं जुनी झाली की
रद्द करायला हवी
समानतेसाठी नवी दृष्टी
अशीच बाणायला हवी

  • रघुनाथ सोनटक्के

      तळेगाव दाभाडे, पुणे

      मो. 8805791905

२९ सप्टेंबर २०१८ (दै. युवा छत्रपती, वात्रटिका क्रं. ३)

गुन्ह्याची जाहिरात

खरपूस • वात्रटिका

« गुन्ह्यांची जाहिरात »

जवळजवळ निम्मे गुन्हेगार

संसदेतच बसले आहेत

कायदा बनवण्याचे निर्देश ऐकून

गालातच हसले आहेत

गुन्हेगार नेत्यांना गुन्ह्यांचे वाचन

आता जाहिरातीने करावे लागेल

आपली पार्श्वभूमी सांगून

मगच पदास पात्र ठरावे लागेल

गुन्हेगारीला चाप लावण्याचा

पक्ष, सरकारवर भार टाकला आहे

धन, बंदूकीच्या जोरावरच तर

इथला हरेक पक्ष वाकला आहे

कोण किती बरा-वाईट याचे

जनतेने भान ठेवले पाहिजे

पेपरात येणार्‍या जाहिरांतीचेही

चांगले ज्ञान ठेवले पाहिजे

  • रघुनाथ सोनटक्के

      तळेगाव दाभाडे, पुणे

      मो. 8805791905

२८ सप्टेंबर २०१८ (दै. युवा छत्रपती, वात्रटिका क्रं. २)

राफेल

खरपूस • वात्रटिका

« राफेल »

कोण चौकीदार आहे,
तर कोण चोर आहे!
कुणाचं उडालं विमान
कुणी अजून दूर आहे

कुणी म्हणतो चांगलं
तर कुणी म्हणे फेल आहे
आरोपांच्या फैरीसाठी
फकडलं ते राफेल आहे

कुणाचं बोफोर्स होतं
तर कुणाचं हे डिल आहे
जनतेला मात्र वादळापूर्वीच
निवडणूकीचा फिल आहे

• रघुनाथ सोनटक्के

   मो. 8805791905

   ईबुक: https://goo.gl/aY6hVB

२७ सप्टेंबर २०१८ (दै. युवा छत्रपती, वात्रटिका क्रं. १)

आॅनर किलिंग

ख र पु स । वा त्र टि का

« आॅनर किलिंग »

जातीपाती, विषमतेला लांघून

समतेकडे पिढी झुकली जाते

आपल्याच माणसाचा खुन करून

कसली प्रतिष्ठा राखली जाते?

मान-सन्मानाचा बाऊ करून

आॅनरचं म्हणे किलींग केले जाते

विवेक, माणुसकीला न शोभणारे

खोटंखोटं स्वत:ला फिलिंग दिले जाते

थांबायला हवे हे आता कुठेतरी

विचारांचा सन्मान व्हायला हवा

जपून नाती माणुसकीची

प्रेमाचा दीप खरा तेवायला हवा

• रघुनाथ सोनटक्के

    तळेगाव दाभाडे, पुणे

    मो. 8805791905
२५ सप्टेंबर २०१८ च्या दै. पथदर्शी मधे प्रकाशित  ५ ऑक्टोबर २०१८ (दै. युवा छत्रपती, वात्रटिका क्रं. १०)
२८ ऑक्टोबर २०१८ च्या दै.विदर्भ मतदार मधे प्रकाशित
  

निष्पाप बळी

ख र पू स • वा त्र टि का

      «  निष्पाप बळी »

      

निष्पाप, लहान मुलांवर 
अत्याचाराचा रोग वाढला आहे
विकृत नराधमांबरोबरच
भल्याभल्यांचाही मेंदू सडला आहे

कोवळा, निष्पाप जीव नेहमीच
अत्याचाराळा बळी ठरत असतो
पुरोगामी, सुज्ञ म्हणवणारा समाज 
कोणती साफ तळी करत करतो

गुन्ह्यागाराला कठोेर शिक्षेने
वेळीच आळा लावला पाहिजे
होत असेल जिथे असा सौदा
दुकानाला त्या टाळा लावला पाहिजे

• रघुनाथ सोनटक्के

    मो. 8805791905

ईबुक: https://goo.gl/aY6hVB

२१ सप्टेंबर २०१८ च्या दै. पथदर्शी मधे प्रकाशित व
२७ सप्टेंबर २०१८ च्या दै. डहाणू मित्र मधे प्रकाशित

मतैक्य

ख र पू स । वा त्र टि का

« मतैक्य »

चाहूल लागताच इलेक्शनची
हालचाली खूप घडू लागतात
वाद करणारेही वाटघाटीसाठी
शांत, संयमाने बोलू लागतात

वाद असले तरी त्यांच्यात
मतैक्याने सोडू लागतात
पडघम वाजले कि जनतेसमोर
गोंडा मस्त घोळू लागतात

कधी स्वार्थासाठी एकमेंकावर
आरोपांच्या फैरी झडू लागतात
कधी एकाच व्यासपिठावर बघून
खरे मित्र आणि शत्रू कोण
मग आपल्याला कळू लागतात

• रघुनाथ सोनटक्के

   मो. 8805791905

  ईबुक: https://goo.gl/aY6hVB

१० ऑक्टोबर २०१८ (दै. युवा छत्रपती, वात्रटिका क्रं. १३)   तसेच २० सप्टेंबर २०१८ च्या दै. डहाणू मित्र मध्ये प्रकाशित