फेक न्युज

फेक वार्ता

फेक न्युज आणि अफवा
सर्वांनीच यांना रोखा
कोरोनापेक्षा माणसांना
यांचाच आहे धोका

सकारात्मक गोष्टींपेक्षा
भंपकपणाला ऊत आहे
भीती, उथळपणाचा येथे
प्रत्येकजण दुत आहे

• रघुनाथ सोनटक्के

('खरपूस' सदर दै. युवा छत्रपतीमधे)
 ६ एप्रिल, आदर्श महाराष्ट्र 
 १३ एप्रिल २०, जनमाध्यम

 

६ एप्रिल २०२०, आदर्श महाराष्ट्र 

 

 १३ एप्रिल २०२०, जनमाध्यम

६ एप्रिल २०२०, शब्दराज 

 

दाहक स्थिती

दाहक स्थिती
दिवसेदिवस बनत चाललंय
कोरोनाने वातावरण दाहक
बाहेर पडू नये क्वारंटाईनने
बनेल तो कोरोनाचा वाहक

घालून घ्या स्वत:वरच
बाहेर न पडण्याचं बंधन
स्वत:सोबत दुसर्‍याचंही
करा कोरोनापासून रक्षण

करू नका प्रसारित फालतू
उपाय, अफवा वा टाळी
पालन करा फक्त निर्देशाचे
अन्यथा पश्वातापाची पाळी
• रघुनाथ सोनटक्के
   मो. ८८०५७९१९०५

 

२५ एप्रिल २०२०, दै . युतीचक्र 

 

कोरोनाची धास्ती

कोरोनाची धास्ती

शाळा, बाजार बंद
सगळ्यांनाच त्याची धास्ती
मार्केटही झालं डाऊन
मासं मच्छी खुपच सस्ती

एका विषाणूने बसवली
सार्‍या जगावर जरब
लाॅक डाऊन अख्खं जग
अन् आहे तो एक तरफ

नियोजन आणि खबरदारीने
करायची त्यावर मात
सगळं काही चांगलं होईल
जर असेल सर्वांची साथ

• रघुनाथ सोनटक्के

कोरोनाने कोंडी

कोरोनाने कोंडी

उपायांच्या याद्या वायरल
अफवांचं पेव आहे
चर्च, मंदीर, मस्जिदी बंद
डाॅक्टरच देव आहे

फैलाव रोखण्यासाठी गर्दी नको
बाजारातही मंदी आहे
घरातच वेळ घालवण्याची
मानली तर चांगली संधी आहे

• रघुनाथ सोनटक्के

कोरोनाला प्रतिबंध

कोरोनाला प्रतिबंध
प्रबोधन कमी चाललं
अफवांचा जास्त बाजार
आला आहे म्हणे
कोरोनाचा आजार

सगळे झाले सावध
नको कोरोनाची बाधा
हात धुवा, मास्क घाला
नियम आहे साधा

सावधगिरी पाळावी
राहा अफवांपासून लांब
उपचारापेक्षा प्रतिबंध बरा
हा मंत्रच आहे छान
• रघुनाथ सोनटक्के

अहवाल आणि चर्चा

अहवाल आणि चर्चा
आधीच्यांनी काय केलं
अहवाल नव्यानं सादर आहे
सत्तेच्या धाकाने का होईना
नव्यांना तेवढा आदर अाहे

माजींना अहवाल छळतात
आता समित्यांची चर्चा झडते
भरपूर अभ्यास करूनच
कामांकडे मग मोर्चा वळते
• रघुनाथ सोनटक्के

काॅपीबहाद्दर

कॉपीबहाद्दर
अभ्यासाअंती लक्षात येते
शेवटचा 'पर्याय' काॅपी आहे
शाळेच्या परिक्षेत पास व्हाल
आयुष्यात कुठे माफी आहे?

बहाद्दरांसोबत पालंकांचाही
शार्टकटकडे धावा दिसतो
प्रामाणिक मुलांनाच का मग
फक्त अभ्यास हवा असतो!
• रघुनाथ सोनटक्के

सोशल मीडिया

सोशल मीडिया
प्रसिद्धी, चर्चा, खोड्या
सर्वाचाच भडीमार आहे
सोशलमीडियाचा वापर
मुक्त आणि बेसुमार आहे

सोशलमीडियात महाभाग
तोडतात अकलेचे तारे
सोम्या, गोम्या आणि नार्‍या
एकाहून एक हुशार सारे

पोपटासारखा बोलायला
नको तेवढा फेकु असतो
प्रत्यक्षात संवादाची उणीव
सोशलमीडियाचा टेकू असतो
• रघुनाथ सोनटक्के

टळणारी फाशी

टळणारी फाशी
न्यायच चढला फासावर
फाशी लांबली आहे
गुन्हेगार म्हणेल कारावासापेक्षा
फाशीच चांगली आहे

उशीरा मिळणार्‍या न्यायापासून
पिडीतेची कधी होणार सुटका
गुन्हेगार जगतो फाशीविणा
व्यवस्थेचा दोरच आहे तुटका
• रघुनाथ सोनटक्के

कोरोना

कोरोना
उपद्व्यापी स्वभावाने माणसाच्या
पेरलं आहे जहर
कधी सार्स, कधी कोरोना
घालतो आहे कहर

स्वार्थी वागण्याने त्याच्या
निसर्गावर घाला आहे
निकट वाटतो विनाश
जणू सुरू झाला आहे
• रघुनाथ सोनटक्के

 

१४ एप्रिल २०२०, लोकमन आणि आदर्श महाराष्ट्र, २१ एप्रिल २०२०, दै . महाराष्ट्र सम्राट

 

स्वगृहाची आस

स्वगृहाची आस
सत्ता येईल म्हणून
घेतल्या होत्या उड्या
डाव फसला अन्
फसल्या सार्‍या खेळ्या

स्वगृहाची त्यांना आता
लागली आहे आस
दोन्हीकडून बसला आहे
पक्षनिष्ठेचा फास
• रघुनाथ सोनटक्के

गरीबीवर झाकण

गरिबीवर झाकण
नेहमीच टाकल्या जाते
गरिबीवर झाकण
कधी होईल स्वप्न पुर्ण
कधी गरिबी हटण

हे काय अन् ते काय
सारेच कुठे खरे आहेत
माॅडेलच्या मार्कटिंगने फक्त
सत्तेचे डोकी तुरे आहेत
• रघुनाथ सोनटक्के

मध्यावधी

मध्यावधी
अधूनमधून विरोधकांचा
मध्यावधीचा दावा आहे
आॅपरेशन राबवण्याचा तर
मनसुबा काय नवा आहे?

बोचणारं शल्य आहेच
हवेत बाण सोडत अाहेत
दंड थोपटणारे पैलवान
मैदान सोडून पळत अाहेत
• रघुनाथ सोनटक्के

वाद

किर्तन आणि वाद
बाबांचा तर कधी बुवांचा
चर्चा आणि वादविवाद असतो
मिडियाचा तेवढाच वेळ
बर्‍यापैकी बरबाद असतो

खरे किर्तन म्हणजे असते
चांगल्या विचारांची पेरणी
प्रबोधन तर कमी झाले
मंनोरंजनच झाले वरकरणी
• रघुनाथ सोनटक्के

येरझार

येरझार

पद मिळणार नाही म्हणून
कुठे काहींची गळती आहे
काहींची हळू पावलाने
दुसरीकडे वळती आहे

मते बघून मोहऱ्यांना
पक्ष सारे जोडायला लागले
कुठे खिंडार पडले तर
कुणी गड फोडायला लागले

नेत्यांच्या येरझारा वाढल्या

जसे उंदीर पळू लागले
एकाच घरातील माणसे

भिन्न पक्ष कवटाळू लागेल
• रघुनाथ सोनटक्के

करवाढ

करवाढ

जनतेला विश्वासात न घेता 

करवाढ केली जाते 

गृहीत धरून मनमानीपणे 

दरवाढ केली जाते 

जनतेकडून पैसा असा 

बेमालूमपणे उकळू नये 

सुपात काय आहे हे न बघता 

भलतंच काही पाखडू नये 

सधन असतील काही 

मग काय कितीही भरू नये 

जनभावनेची वाट लावून 

मनमानी कारभार करू नये 
• रघुनाथ सोनटक्के

दलबदलूंचे थवे

दलबदलूंचे थवे

विरोधकांकडून सत्ताधार्‍यांकडे
दलबदलूंचे थवे आहेत
संख्याबळासाठी त्यांनाही
मोठे मासेच हवे आहेत

कार्यकता, विकासाच्या नावे
जो तो पळत असतो
तंबू खाली करत-करत
रोज एकजण गळत असतो
• रघुनाथ सोनटक्के

(दै. युवा छत्रपती, वात्रटिका क्रं. २७९)

आंदोलनाच्या स्मृती

आंदोलनाच्या स्मृती

दरवाढीविरोधाचा केला होता
त्यांनी तेव्हा विरोध
इतिहास उकलून दाखवला
घ्यायला थोडा बोध
 

सत्तेत असतांना पडतो
आंदोलनाचा विसर
काहीही दाखवलं तरी
होत नाही काही असर
 

सत्तेत आल्यावर होतो
दृष्टी आणि कामात बदल
शांत होऊन जाते आधीचं
तुफान आणि वादळ

रघुनाथ सोनटक्के
मो. ८८०५७९१९०५

डेजचं फॅड

डेजचं फॅड
डेज किती साजते करावेत
हरेकाची ती मर्जी आहे
प्रेम काय ठरवुन करायचे
सारेच आजकाल फर्जी आहे

साजरे करता करता
डेजची गर्दी झाली आहे
तरूणांसह म्हातार्‍यांचीही
टोळी दर्दी झाली आहे
• रघुनाथ सोनटक्के

(दै. युवा छत्रपतीत रोज प्रकाशित)
दिवाळी अंक: http://bit.ly/ShabdRasik-2019

विकासाला मत

विकासाला मत
विकासाला भरघोस मतं
विजयी आकडा आहे
भेदी राजकारणाचा झाला
साफ सुपडा आहे

जनता झाली सुजाण
जाती-धर्माला थारा नाही
विकास आणि विकासच
दुसरा कोणता नारा नाही
• रघुनाथ सोनटक्के

मुद्दा

मुद्दा
       
कुणी इकडून आहे
तर कुणी तिकडून आहे
एकाने सोडलेला मुद्दा
दुसरा घट्ट पकडून आहे

एकाच मुद्द्यावर दोघांचा
जमकर अन् रेटून दावा आहे
सत्ता मिळवण्यासाठी दोघांनाही
तोच मुद्दा हवा आहे
• रघुनाथ सोनटक्के

पिडीत

पिडीत
थांबला अखेर आणखी एका
निर्भयाचा श्वास
वासना आणि सुडाने घेतला
आणखी एक घास

बळी पडत आहेत किती
बलात्कारीत आणि जळीत
असंख्य वाट पाहतायत
अशाच मायाबहिणी पिडीत

कठोर हवी शिक्षा म्हणजे
घडणार नाही पातक
फासावरच लटकावावेत
असे नराधम घातक
• रघुनाथ सोनटक्के

 

 

सत्य असत्य

सत्य असत्य
सत्य असत्याच्या युध्दाने
समाज पेटला आहे
राजकारणाने निचपणाचा
तळ गाठला आहे

धुक्यासारखं असत्याने
वातावरण घेरलं आहे
प्रकाशाने अजून कुठे
अंधाराला चिरलं आहे?
• रघुनाथ सोनटक्के

थापेबाजी

थापेबाजी 
नेत्यांच्या भाषणांच्या
फक्त होऊ नयेत थापा
कारभार करणे म्हणजे
हा मार्ग नाही सोपा

हेही खरे कि सगळ्यांनाच
जमत नाही भाषणाची कला
फिरवु नये निराशेचा वरवंटा
हवा विचार जनतेचाही भला
• रघुनाथ सोनटक्के

ॲसिड हल्ला

ॲसिड हल्ला
ॲसिड फेकणे, जाळणे
देत नाही समाजाला शोभा
महिलांचा आदर करणे
हा आहे मानवतेचा गाभा

दुष्टांना होतो विखारीआनंद
साहते स्त्री दु:ख आणि पीडा
ठेचायला हवा कायद्याने
पुरूषी अहंकाराचा हा किडा
• रघुनाथ सोनटक्के

भाषणबाजी

भाषणबाजी
नेत्यांना अवगत आहे
भाषणाची उत्तम कला
कथनीपेक्षा भारीच असते
करणीची नेहमी तुला

नुसत्या भाषणांच्या
होऊ नयेत फक्त थापा
कारभार करणे म्हणजे
हा मार्ग नाही सोपा

हेही खरे कि सगळ्यांनाच
जमत नाही भाषणाची कला
फिरवु नये सत्तेचा वरवंटा
हवा विचार जनतेचाही भला

खुशाल वळवळू द्यावा
नेत्यांनी भाषणाचा किडा
जनतेच्या विकासाचाही
विचार व्हायला हवा थोडा
• रघुनाथ सोनटक्के

बंद

बंद
कधी यांचा बंद आहे
कधी त्यांचा बंद आहे
आता वाटायला लागले
सार्‍यांनाच याचा छंद आहे!

तोडगा काढण्यासाठी
खरे तर चर्चेचा रस्ता आहे

 हिंसाचारात गमावणार्‍यांचा
जीव काय एवढा सस्ता आहे?
• रघुनाथ सोनटक्के

 
(दै. युवा छत्रपतीत प्रकाशित)

व्हायरस

व्हायरस
वर्षातून एकदा माणसाला
नव्या व्हायरस पिळत आहे
शेकडो माणसांना विळख्याने
काही करून गिळत आहे

संशोधकांचा ताफा असूनही
माणसांना तो गिळत असतो
आधीच्यापेक्षा जास्त खतरनाक
नवा व्हायरस मिळत असतो
• रघुनाथ सोनटक्के

मार्केटिंग

मार्केटींग
रंग बदलतात नेते
जसे रंगबदलू सरडे
मार्केटींग सुरू असते
जड करायला पारडे

फडकत आहेत पताका
आणि वेगवेगळे झेंडे
प्रचाराला हवे असतात
फक्त कार्यकर्त्यांचे लोंढे
• रघुनाथ सोनटक्के

निवडणूकीचे मुद्दे

निवडणूकीचे मुद्दे
मुद्दे असायला हवेत
रस्ते, पाणी आणि बिजली
काही करतात मात्र
जाती-धर्माने खुजली

विकासाचा मुद्दाही बरं
होऊन जातो आहे आम
भल्याभल्यांना फुटतो मग
त्यापायी नको तेवढा घाम

संभ्रम आणि संशयाचा
आहे 'आम' जनतेला शाप
खेचले जातात लोक मात्र
विकासाकडे आपो'आप'
• रघुनाथ सोनटक्के

महापुरूषांचा वापर

महापुरूषांचा वापर
राजकारणासाठी होतोय
महापुरूषांचा वापर
राजकारणी पांघरतात
अस्मितेची लोकर

स्वार्थाची पोळी भाजणे
हाच त्यांचा मोका असतो
भावनेच्या आहारी जाणे
जनतेसाठी धोका असतो

जातीधर्मानुसार महापुरूष
परस्पर यांनी वाटले आहेत 
काहींनी तर त्यांच्या नावाने
दुकानेही आपले थाटले आहेत
• रघुनाथ सोनटक्के

वादाचा भडका

वादाचा भडका
काहीजण देत असतात
उगीच वादाला तडका
अस्मितेला चेतवून मग
उडत राहतो भडका

इकडून आणि तिकडूनही
होत राहतात वार
भडक आणि उत्साही यात
पुढे असतात फार

शब्दाने शब्द वाढतो
उत्तरही धडकत असते
साध्य काहीच न होता
वाद मात्र भडकत असते
• रघुनाथ सोनटक्के

तुलना

तुलना

तुलना केली शिवरायाशी
त्यांनी भक्तीच्या नादात
व्यक्तीपुजेपायी त्यांचं
पुस्तक आलं वादात

गाठू शकणार नाहीच
कुणी शिवरायांची उंची
स्तुतीसुमने उधळणे
सवय आहे काहींची

रघुनाथ सोनटक्के

बदल

बदल
बदल हा निसर्गनियम
सगळ्यांना पटत असतो
काही वर्षांनी आपला झेंडाही
जुना जुना वाटत असतो

सोयीस्कर मुद्द्यासोबत
नवे मुद्देही जोडले जातात
काहींना बासनात ठेऊन
काही मुद्दे गाडले जातात
रघुनाथ सोनटक्के

खातेवाटपाचा घोळ

खातेवाटपाचा घोळ

विस्तारानंतर दिसून आला
काहींचा नाराजीचा सुर
तडजोडीच्या राजकारणात
आलाय इच्छुकांचा पूर

खातेवाटपात चाललाय
नको तेवढा घोळ
हिशेब काही लागेना
चालली आकडेमोड

सुसाट सुटला बाण
हाताला हवा पुरेसा वाटा
हवी तशी चक्रे फिरवतोय
घड्याळाचा काटा
• रघुनाथ सोनटक्के

 

 

आरेचं जंगल

आरेचं जंगल
विकासाच्या नावाखाली
संकटात आरेचं जंगल
फुफ्फुसावर कुर्‍हाड घालून
होईल का आपलं मंगल?
• रघुनाथ सोनटक्के

हवामानबदल

खरपूस • वात्रटिका

हवामानबदल
हिवाळ्यात पडतो पाऊस
थंडी, धुके आणि बादल
ऋतुंची ही सरमिसळ
कि आहे हवामानबदल?

झाडांची बेसुमार कत्तल
रसायनांचा अनाठायी वापर
जीवसृष्टी आली धोक्यात
दिसू लागला त्याचा असर

स्वार्थापायी आज माणुस
निसर्गाला भुलला आहे
जे पेरलं त्याच्याच पिकाने
मळा आता फुलला आहे
   • रघुनाथ सोनटक्के

 

पराभवाचा धक्का

पराभवाचा धक्का

अंहकार वाढला कि
मिळतो पराभवाचा धक्का
आपोआपच खालावतो मग
लोकप्रियतेचा टक्का

जनतेच्या आकांक्षावर
द्यावा लागतो सदा भर
पायऊतार व्हावे लागते
नाही काम केले तर

केला जरी प्रचार नेटाने
लाऊन धरत नको तो मुद्दा
ओळखून आहे मतदार
कोण खरा अन् खोटा सुध्दा
• रघुनाथ सोनटक्के

विस्तार

विस्तार
वाटाघाटी बस्स झाल्या
विस्तार आता हवा आहे
सत्तेची वाटणी खरं तर
नव्या मित्रांची दवा आहे

किती दिवस चालवणार
चर्चेचं नुसतं गुर्‍हाळ
खाऊन झालाय ना आता
पहिल्या अधिवेशनाचा फराळ
• रघुनाथ सोनटक्के

आखाडा

आखाडा
संसद आणि विधिमंडळाचा
झाला आहे आखाडा
समाधान शोधायला बसले कि
करायला नवा बखेडा

पोरांची शाळा तरी शांत
यांचा असतो त्याहून दंगा
प्रश्न, विधायक चर्चा व्हावी
कि घ्यावा ऐकमेकांशी पंगा

जनतेच्या प्रश्नासाठी
भरवले पाहिजे दालन
कायदा जिथे बनतो तिथे तरी
किमान हवे शिस्तचे पालन
• रघुनाथ सोनटक्के

कायदा

कायदा
मातीतल्या माणसांना
मिळेना हवा तसा फायदा
कशाला हवाय लोकांना
असा कोणता कायदा?

बेरोजगारी, महागाईवर
टाकत आहात का झाकण
परक्यांचा कशाला ठेका
कोण करेल त्यांचं राखण?
• रघुनाथ सोनटक्के

बंड

बंड

पक्षासाठी झटलेला नेता

पूर्वीपासूनच झटत असतो

अन्याय झाला कि मग

बंड करून पेटत असतो

त्या एका नाथाची

थोडीच राहिली प्रीती आहे    

पंकजाच्या जाण्याचीही

अंतर्गत भीती आहे  

 

आता गेला 'एक'नाथ

संपली होती त्याची प्रीती

पाकळ्या गळून जाण्याची

सतावे कमळाला भीती

• रघुनाथ सोनटक्के

कळलाव्या

कळलाव्या

सारे पक्ष फिरून झाला

भाव नाही चाराणे

कधीच सरकं बोलत नाही

सदानकदा गार्‍हाणे

आहेत आमच्या संपर्कात

नाकाने भेल्या फोडत असतो

कळलाव्या लावायला कुणी

तारेच नुसते तोडत असतो

• रघुनाथ सोनटक्के

दाव्यांना प्रतिक्षा

दाव्यांना प्रतिक्षा

आजही प्रतिक्षेत आहेत

लाखो बलात्काराचे दावे

कधी मिळेल न्याय त्यांना

अन् कधी निराकरण व्हावे

एकविसाव्या शतकात

महाशक्तीची पाहत आहोत स्वप्ने

आकडेवारी फुगली कि

वाढले आहेत उगीच हे गुन्हे

बर्‍याचवेळा दिली जाते

याला जाती-धर्माची झालर

राजकारणीही करत आहेत

त्याचा हवा तसा वापर

• रघुनाथ सोनटक्के

न्यायाची दिरंगाई

न्यायाची दिरंगाई
मोर्चे, मेणबत्त्या पेटवणे
व्यर्थ चर्चांचा खल
दिरंगाईच वाढवत आहे
गुन्हेगाराचे मनोबल

कायदा आणि न्यायालय
पडत आहे पांगळे आणि लुळे
कित्येक निष्पापांचे जीव
जात आहेत खरेतर याचमुळे

वर्षानुवर्षे गुन्हेगार मोकाट
म्हणजेच मिळत राहते माफी
धाक आणि जरब बसावी
मग धजावणार नाही पापी
• रघुनाथ सोनटक्के

कांदा

कांदा

पिकवला जरी कष्टाने

मातीमोल होऊन रडवतो

अधूनमधून सामान्याला

भलताच म्हणे अडवतो

नेहमीसाठी तर कांद्याचा

भाव नुसता पडत असतो

क्वचित वाढला कि

शहरी माणूस रडत असतो

• रघुनाथ सोनटक्के

दंडवसूली

  • दंडवसूली •

दामदुप्पटीने वाढले आहेत
वाहतूकनियमांचे चलन
बिमारीपेक्षा उपायानेच
होतेय चालकांची जलन

आशा करूया बेशिस्तीचे
कमी होऊ दे बळी
लाचखोरीच्या कुरणावर
कुणी भाजू नये पोळी
• रघुनाथ सोनटक्के

खैरात

आश्वासनांची खैरात
ज्यांची त्यांची चालली आहे
वाटणे आश्वासनांची खैरात
निवडणूकीचा हा मोसम
आला आहे खुपच भरात

आवाक्याबाहेर वादे करून
जनतेला फक्त भूरळ असते
समजदार जनतेचं मत मात्र
थेट आणि सरळ असते
रघुनाथ सोनटक्के

प्रचार भ्रमन

प्रचार भ्रमन

कुणी मागतो हिशेब
कुणी करतो दावा नवा
नको तेवढा जोर यांचा
अन् मतदाराकडे धावा

फक्त आम्हालाच निवडा
एवढेच त्याचे टूमणे आहे
एका ठिकाणाहून दुसरीकडे
भीक मागत घुमणे आहे
• रघुनाथ सोनटक्के

राजकिय कुस्ती

राजकिय कुस्ती

कुस्त्यांचा रंगलाय फड
पहेलवानांची झाली तालिम
कुणी करतो बोलबच्चन
तर कुणाची टिका जालिम

टिका, शेरेबाजी आणि आरोप
सभा सारेच गाजवत आहेत
आपणच कसे चांगले त्यांपेक्षा
ढोल स्वत:चा वाजवत आहेत
• रघुनाथ सोनटक्के

औटघटकेचा संसार

औटघटकेचा संसार

दाखवुन मोठा हिसका

दादा झाले फरार

फाईल साफ करण्यापुरता

होता त्यांचा करार

सत्तेच्या लालसेने 

फसली कमळाबाई

पहाटे-पहाटेच होती

तिला लग्नाची घाई

उभ्या महाराष्ट्राला दाखवुन 

काका-पुतण्याचा वाद

अवघ्या तासातच केला

संसार त्यांचा बाद

• रघुनाथ सोनटक्के

अतरंगी सर्कस

अतरंगी सर्कस

कधी होतो एक वरचढ

आणि दुसरा लगेच खाली

महाराष्ट्राच्या राजकारणाची

अतरंगी ही सर्कस झाली

क्षणात पलटते बाजी

कुणी टाकतो फासा

रात्रीत खेळ चालल्यावर

दिवसा होणारच हसा!

पैसा आणि सत्तेचा

असतो काहींना माज

कायद्याच्या रेट्याने मग

उतरवली जाते खाज

कोण खरा चाणक्य

कुणाची कुटील निती

खर्‍याला वाटते नसते

कितीही संकटाची भीती

• रघुनाथ सोनटक्के

सत्तेसाठी आटापिटा

सत्तेसाठी आटापिटा
प्रत्येकाचा सत्तेसाठी आटापिटा
आणि खोटाखोटा जुमला आहे
धावपळ पाहून राजकारण्यांची
अख्खा महाराष्ट्र दमला आहे

ऐकमेकांची तंगडी खेचण्यात
सारेच आता दंग आहेत
रोज बघावेत तमाशे यांचे
किती वेगवेगळे रंग आहेत

धड कुणाचंच जुळेना
शेतकर्‍याचा नाही कुणी वाली
यांनी मात्र पांघरल्या आहेत
चर्चा, वाद आणि बैठकांच्या झुली
• रघुनाथ सोनटक्के

चर्चा बैठका

चर्चा बैठका

सरकारला मुहुर्त मिळेना

शेतकर्‍याचा नाही वाली

यांनी मात्र पांघरल्यात

चर्चा, बैठकांच्या झुली

रघुनाथ सोनटक्के

सत्तेची वाटणी

• सत्तेची वाटणी •

वैचारिक वादांची
चालू आहे छाटणी
समन्वयाने हवी आहे
त्यांना समान वाटणी

विकास आणि समन्वयाने
भरू द्या कारभाराचे तळे
जनतेसाठीच एकत्र बसा
नंतर मग काढू नका गळे
• रघुनाथ सोनटक्के

सत्ताकारण

सत्ताकारण

एकदाचं जुळलं बघा

सत्तेचं अनोखं समिकरण

कलाटणी देऊन बदललं

महाराष्ट्राचं हे राजकारण

अहंकार आणि लबाडीचं

दर्शन झालं अाहे मोठं

दोस्तीच्या आडं झाकलेलं

उघडं पडलं खोटं

शेवटी प्रत्येकासाठी 

सत्ता हेच कारण आहे

सत्ताधार्‍यांचाच विजय

सामान्याचं मरण आहे

• रघुनाथ सोनटक्के

दावा आणि हेका

दावा आणि  हेका

इकडून आणि तिकडूनही

आहे सत्तास्थापनेचा दावा

मुख्यमंत्री मात्र आपलाच

दोघांना काही करून हवा

घड्याळ करते टिकटिक

पुढे यायला कचरतो हात

पत्रपरिषदेने फटाक्यांना

रोजच लावली जाते वात

• रघुनाथ सोनटक्के

तिढा

तिढा

मतदान करून झालं

आता सत्तेचा तिढा आहे

वाली नसलेल्या जनतेला

आणखी एक पिडा आहे

वाटणीपायी भांडण 

समजुतदारपणा थोडा आहे

दोस्तीदोस्तीतच लावला

ऐकमेकांना घोडा आहे

• रघुनाथ सोनटक्के

महापेच

• महापेच •

चालू आहे सध्या
सत्तेची रस्सीखेच
स्पष्ट असलं तरी
पडलाय 'महा'पेच

एक एकीकडे तर
दुसरा दुसरीकडे खेचतो आहे
लग्न झालं सुखाने
मात्र हनिमून टोचतो आहे
• रघुनाथ सोनटक्के

सत्तेचं लोणी

• सत्तेचं लोणी •
भांडायला लागले आहेत
चाखण्या सत्तेचं लोणी
विसर पडला जनतेचा
ऐकायला तयार नाही कुणी

आकड्यांच्या बळावर
चालू आहे सत्तेचा खेळ
असाच वाया घालवतील
नको तेवढा वेळ

पाठिंबा, सत्तेचा वाटा
चालत राहिल काही दिवस खेळ
जनमत गेलं खड्ड्यात
हा तर लोभ, अहंकाराचा मेळ
• रघुनाथ सोनटक्के

भिजत घोंगडं

  भिजत घोंगडं
युतीचं पडलं भिजत घोंगडं
राणे वाटेवर थांबले आहेत
आज-उद्या घोषणा म्हणता
त्यांचेही प्रवेश लांबले आहेत

त्यांची बार्गेनिंग चालू आहे
काही काठावर आहेत
सत्तेचं पाणी प्यायला
पक्षप्रवेशाच्या पथावर आहे
• रघुनाथ सोनटक्के

 

सत्तेची उब

खरपूस • वात्रटिका

सत्तेची उब
सोडून गेले बरेच नेते
राहिले फक्त मावळे
फांदी बदलून बसलेत
काळे ते कावळे

आज इथे, तर उद्या तिथे
घर त्यांचं फिरत आहे
त्यांच्या सत्तेच्या उबेपायी
कार्यकर्ताच मरत आहे
• रघुनाथ सोनटक्के

लाडीगोडी

आधी फोडाफोडी झाली
आता जागांची सोडासोडी आहे
आधी काढले उणीदुणी
आता सत्येसाठी लाडीगोडी आहे

भावाचा बळी

भावाचा बळी

अल्पमतात चालवलं सरकार
मित्रालाच कोपरखळी आहे
महत्वाकांक्षा आणि स्वबळाने
भावाचाच जातोय बळी आहे

जुळलं असं वाटलं तरी
आतून लपवली सुरी आहे
एकदा थेट शत्रू परवडला
हि गोष्ट तेवढीच खरी आहे
• रघुनाथ सोनटक्के

चांद्रयान २

खरपूस • वात्रटिका

  • चांद्रयान २ •

भारताचे चांद्रयान मोहिमने
एक पाऊल पुढे पडते आहे
जे केले आहे प्रयत्नपूर्वक
ते चांगलेच घडते आहे

यश मिळेलच प्रत्येकवेळी
याची नेहमी हमी नसते
आशाआकांक्षा जागृत असल्या कि
प्रयोगांचीही कमी नसते

आधीच मंगळमोहिमेने
इतिहास आपण रचला आहे
थोड्याशा अपयशाने कुठे
भारतीय हा खचला आहे?
• रघुनाथ सोनटक्के

मंदीच्या झळा

  • मंदीच्या झळा •

बसत अाहेत मंदीच्या
जरी दाहकतेने झळा
तोंड दाबून सोसाव्यात
महागाईच्या कळा

सेंसेक्स कोसळला
रूपयाही घसरला आहे
मंदीची आली लाट
विकासही ओसरला आहे
• रघुनाथ सोनटक्के


(दै. युवा छत्रपती, वात्रटिका क्रं. २७७)
शब्दरसिकचा दिवाळी अंक येथे बघा:
http://bit.ly/ShabdRasik-2019

रानूचा गळा

खरपूस • वात्रटिका

  • रानूचा गळा•

यशाची पायरी चढली
मंडलची ती रानू
पोहचू शकले नाहीत जीथे
भले गळा तानू तानू

कंगाल असलो कि आप्तही
कायम ठेवतात दुरी
पैसा, प्रसिद्धीसाठी मात्र
गळ्यात पडतात पोरी
• रघुनाथ सोनटक्के

(दै. युवा छत्रपती, वात्रटिका क्रं. २७६)

मनाचे राजे

खरपूस • वात्रटिका

     • मनाचे राजे •
कुणी कुठे वाटेवर आहे
कुणी लागला आहे गळाला
काल म्हणत होता एकनिष्ठ
आज कसा काय हो पळाला!

सत्तेकडे धाव सगळ्यांची
कुणी आपल्या मनाचे राजे
कुणी घेते बांधून बंधन
कमळ होतेय आणखी ताजे
• रघुनाथ सोनटक्के

(दै. युवा छत्रपती, वात्रटिका क्रं. २७४)

स्वाभिमान

खरपूस • वात्रटिका
 
स्वाभिमान

टिकून-टिकून किती दिवस
स्वाभिमान टिकणार आहे
पोराबाळांसकट तो आता
म्हणे पक्षही विकणार आहे

सत्ताप्राप्ती हेच ध्येय
आणि तेच धोरण असते
कार्यकर्त्यांची इच्छा सांगणे
फक्त तेवढंच कारण असते

• रघुनाथ सोनटक्के

(३१ ऑगस्ट २०१९, दै. युवा छत्रपती, वात्रटिका क्रं. २७१)

सोशलमिडीया

खरपूस • वात्रटिका
 
सोशलमिडिया

सोशलमेडियाच्या झोताने
येतात लोक उजेडात
कुणी होतो बदनाम तर
कुणी स्टार रातोरात

जाहिरातीच्या या जगतात
प्रसिद्धी रोज हवी असते
रोज घडणारी गोष्टही
कधी खुप नवी असते

दुधारी हे शस्त्र आहे
वापरणार्‍यावर ठरतं
कधी उगीच त्रासदायक
तर कधी असरदार ठरतं

• रघुनाथ सोनटक्के

(२८ ऑगस्ट २०१९, दै. युवा छत्रपती, वात्रटिका क्रं. २७०)

मानबिंदू

खरपूस • वात्रटिका

मानबिंदू

बॅडमिंटचं अजिंक्य
जिंकली आहे सिंधू
स्थापित केला भारताने
तिथंही मानबिंदू

• रघुनाथ सोनटक्के

(२९ऑगस्ट २०१९, दै. युवा छत्रपती, वात्रटिका क्रं. २६९)

आवकजावक

खरपूस • वात्रटिका

   • आवकजावक •

पक्षापक्षात आवकजावक
खुप मोठी वाढली आहे
प्रलोभनांच्या चुंबकाने
जुनी धेंडही ओढली आहे

पहिल्यासारखा पक्षनेतृत्वाचा
धाक उरला नाही
जनतेला बांधील असणारा
खाक उरला नाही

• रघुनाथ सोनटक्के

(२८ ऑगस्ट २०१९, दै. युवा छत्रपती, वात्रटिका क्रं. २६८)

 

मंदीचा फटका

खरपूस • वात्रटिका

• मंदीचा फटका •
सर्वसामान्यालाच बसतो आहे
मंदीचा दाहक फटका
उद्योग-व्यवसाय मोजताहेत
काही शेवटच्या घटका

कंपन्याही करताहेत
नोकरांची मोठी कपात
भरडल्या जातो सामान्य
काही आहेत सुपात
• रघुनाथ सोनटक्के

शब्दरसिकचा दिवाळी अंक येथे बघा:http://bit.ly/ShabdRasik-2018

(२६ ऑगस्ट २०१९, दै. युवा छत्रपती, वात्रटिका क्रं. २६७)

 

भ्रष्टाचारी नेता

खरपूस • वात्रटिका

• भ्रष्टाचारी नेता •
पदाचा फायदा घेऊन
करे भ्रष्टाचाराचा खेळ
कधीतरी येतेच मग
आतमधे जायची वेळ

भ्रष्टाचारी सापांचा अशा
पडतो आहे देशाला विळखा
समर्थन करणार्‍या पक्षांना
येतो तरी किती मोठा पुळका!
• रघुनाथ सोनटक्के

(२३ ऑगस्ट २०१९, दै. युवा छत्रपती, वात्रटिका क्रं. २६५)

जत्रा

खरपूस • वात्रटिका

« जत्रा »

कुणाला हवा आशिर्वाद

कुणाची वेगळीच जत्रा

अशा मतलबी राजकारणाचा

जास्तच आहे खतरा

• रघुनाथ सोनटक्के

(दै. युवा छत्रपती, वात्रटिका क्रं. १६४)

विरोधकांचं दमन

खरपूस • वात्रटिका

  • विरोधकांचं दमन •
राजकारण रंगत चाललं
कुणामागे लागली ईडी आहे
संस्थाचा गैरवापर करण्याची
सवय काय आजची थोडी आहे!

सत्ताधार्‍याकंडून हरतर्‍हेने
विरोधकांचं दमन असते
सत्तेला शहाणपण सांगणे म्हणजे
पालथ्या घड्याला नमन असते
• रघुनाथ सोनटक्के

(२१ ऑगस्ट २०१९ दै. युवा छत्रपती, वात्रटिका क्रं. २६३)
 

पुराचा वेढा

खरपूस • वात्रटिका

« पुराचा वेढा »

पुरानं वेढलं आहे

कोल्हापूर आणि सांगली

मदतकार्यात प्रशासन थीटं

अब्रु वेशीवरच टांगली

खायला हवं अन्न-पाणी

पोहचायला हव्यात बोटी

समाजसेवी गेले धाऊन

यंत्रना पडत आहे थीटी

• रघुनाथ सोनटक्के

(दै. युवा छत्रपती, वात्रटिका क्रं. २५८)

शब्दरसिकचा दिवाळी अंक येथे बघा:http://bit.ly/ShabdRasik-2018

पुराची विपदा

पुराची विपदा

जिथेजिथे बिकटस्थिती
साचलेले पाणी आणि पूर
संकटात धावून लगेच
करा लोकांची विपदा दूर

कठिण प्रसंगी अशा
मदतीला धावले पाहिजे
एकमेका सहाय्य करण्या
दोन हात लावले पाहिजे

पूर, भूकंप आदी विपदा
म्हणजे कठीण घटका असते
माणुसकी दाखवली तरच
संकटातून सुटका असते

• रघुनाथ सोनटक्के

ब्लाॅग : https://vatratika.blogspot.in

 (८ ऑगस्ट २०१९ दै. युवा छत्रपती, वात्रटिका क्रं. २५६)