श्रावण

« श्रावण »

न खाता मांस-मच्छी

श्रावण पुर्ण पाळल्या जातो

निदान महिनाभर तरी

सुरा गळ्यावरून काढल्या जातो

बाकी दिवस पाप हत्येचं

झाकून कुठं ठेवलं जातं?

पुण्य कमवायला काय एवढंच!

बाकी तर आम्हालाच गोवलं जातं

हत्या आज केली काय

उद्या केली काय!

पाप-पुण्याचं गणित कळत नाही

शेवटी मरणार्‍याचं मरण

काही केल्या टळत नाही

आम्हीच नेहमी बळीचा 'बकरा'

गळ्यावर हत्येचा सुरा असतो

गोड मानावा तेवढा निदान

श्रावणच फक्त बरा असतो

• रघुनाथ सोनटक्के

तळेगाव दाभाडे, पुणे 

मो. 8805791905

वात्रटिकासंग्रह: https://goo.gl/7CcLUw

१३ ऑगस्ट २०१८ च्या युवा छत्रपती मधे प्रकाशित 

आरक्षणाचं वादळ

• ख र पु स । वा त्र टि का •

« आरक्षणाचं वादळ »

दरवेळी जातीजातीत उठतं
आरक्षणाचं वादळ
नेहमीनेहमी उसवली जाते
एकात्मतेची वाकळ

राजकारण्यांनी केला आहे
जात आणि धर्माचा वापर
आपणच निवडून दिलं त्यांना
मग फोडावं कुणावर खापर

भडकावणे जनतेची डोकी
असतो नेत्यांचा पिंड
उचलतात मग याचा फायदा
छुपे, उपद्रवी गावगुंड

इर्षा, द्वेश, दूही पसरवुन
होत काय बरं साध्य
चर्चा, सुसंवादानेच निघेल
उपाय अन् सुवर्णमध्य

• रघुनाथ सोनटक्के

    तळेगाव दाभाडे, पुणे 

    मो. 8805791905

वात्रटिकासंग्रह: https://goo.gl/7CcLUw

१३ ऑगस्ट २०१८ च्या युवा छत्रपती मधे प्रकाशित 

३ ऑगस्ट २०१८ च्या दै. डहाणू मित्र मधे प्रकाशित 

खड्डे

• ख र पु स । वा त्र टि का •

    

     « खड्डे »

रस्त्यांची खड्डयांना
अन् खड्डयांची रस्त्यांन‍ा
गरज भासु लागली
माणसं चालली जीवानं
जनता मात्र करांचा भार सोसु लागली

नेमीची येतो पावसाळा
अविरत फिरतं खड्डयांचं 'जातं'
प्रशासनाला काही फरक नाही
म‍ाध्यमांनी चालवलं जरी अविरत भातं

प्रशासन स्तब्ध राहते
सरकारची विकासाची हाळी असते
रस्त्यात मात्र रोज कित्येकांचा
खड्ड्यांने घेतला बळी असते

खड्ड्यावरुन आजकाल बरंच 
राजकारण तापलं आहे 
एकमेंकावर आरोप झाल्यावर काहींनी 
खड्ड्यांनाही झापलं आहे

करोडो रुपये खर्चुन शेवटी काय?
हाती पडतो मातीचा चुरा
खड्डयांनाही चुकला नाही
न चुकणारा पुनर्जन्माचा फेरा

• रघुनाथ सोनटक्के

    तळेगाव दाभाडे, पुणे 

    मो. 8805791905

वात्रटिकासंग्रह: https://goo.gl/7CcLUw

२७ जुलै च्या दै. युवा छत्रपती आणि डहाणू मित्र मधे प्रकाशित 

अफवांचं पेव

• ख र पु स । वा त्र टि का •

« अफवांचं पेव »

जिकडे बघावं तिकडे 

अफवांच फुटलं पेव आहे

चोर सोडून संन्याशाच्या फाशीचं 

आता पडलं भेव आहे

सोशल माध्यमांचा वापर

माणसाना विचलित करायला लागला

गोंधळ, संशयाच्या वातावरणात

निरपराध हकनाक मरायला लागला

कुटील लोकांकडून विपरीतपणे

दुर्घटनेचा भास केल्या जातो

काही झालं नाही तरी मुद्दाम

शांततेचा र्‍हास केल्या जातो 

सुरक्षा, जीवाची काळजी घ्यावी

यात काही वादच नाही

खात्री, विचार आणि विवेकाने

कृतीला आपल्या सादच हवी

• रघुनाथ सोनटक्के

    तळेगाव दाभाडे, पुणे 

    मो. 8805791905

वात्रटिकासंग्रह: https://goo.gl/7CcLUw

शब्दरसिकचा जून-जुलै अंक: bit.ly/Rasik-June-July18

शिक्षणाचा बाजार

• ख र पु स । वा त्र टि का •

« शिक्षणाचा बाजार »

सरकार लेखी खुली झाली
शिक्षणाची दारं
अजुनही मोलमजूरी करतात
गरिबाची पोरं

शिक्षणाची मंदिरं झालीत
पैशावाल्यांची खुली दुकानं
झोपड्या राहिल्या अशिक्षित 
देखावेबाज झाली मनं

फि, डोनेशनच्या नावाखाली
गरिबाचं चाललं शोषण
'वाघिणीचं दूध' कोण पितं?
'बडे'च तर करतात मलई प्राशन

कुणी झालं 'शिक्षणसम्राट'
हातोहात डिग्र्या लागल्या मिळू 
भ्रष्ट लोकांच्या बाजारात
ज्ञानीजन खरा लागला सडू

सरकारही करतं डोळेझाक
मग यांना मिळतं मोकळं कुरण
शिक्षणाचा मांडला 'बाजार'
होतकरूंचा होत चाललं मरण

• रघुनाथ सोनटक्के

    तळेगाव दाभाडे, पुणे 

    मो. 8805791905

शब्दरसिकचा मे अंक: https://bit.ly/RasikMay18

वात्रटिकासंग्रह: https://goo.gl/7CcLUw

दिवाळी अंक २०१७: https://goo.gl/RxRw8g

फेसबुक: https://m.facebook.com/raghunathdsontakke

२२ जून २०१८ च्या दै. डहाणू मित्र मधे प्रकाशित व  २८ जून २०१८ च्या दै. नवाकाळ मधे प्रकाशित 

अस्पृशता

• ख र पु स । वा त्र टि का •

« अस्पृशता »

अस्पृशता या देशात खरं तर

रोग आहे जुना

अजुनही काही घटनांवरून

दिसतात खाणाखुणा

जात पुसली पाहिजे

भेद मिटला पाहिजे

संकुचितपणाचा वाढता दर

खरंच घटला पाहिजे

भ्रामक, भेदभावाच्या 

पुसून टाकूयात खुणा

सुपिक समाजासाठी

'माणुसकी' हाच कणा

गरिब, ज्ञानी सारीच जनता

सुखाने आता जगली पाहिजे

संतानी दिलेल्या शिकवणीसम

जनता आता वागली पाहिजे

• रघुनाथ सोनटक्के

   तळेगाव दाभाडे, पुणे 

   मो. 8805791905

शब्दरसिकचा मे अंक: https://bit.ly/RasikMay18

वात्रटिकासंग्रह: https://goo.gl/7CcLUw

दिवाळी अंक २०१७: https://goo.gl/RxRw8g

(१९ मे. २०१८ च्या 'दै. युवा छत्रपती' मधे प्रकाशित)

http://yuvachhatrapati.com/epaper/edition/294/june/page/2

आत्महत्या

• ख र पु स । वा त्र टि का •

« आत्महत्या »

परिक्षा, ताणतणाव, गरिबी

कारणं हजार असतात

धीर, आत्मबळाने सामना

काहीजण करत असतात

संकटे येतच राहणार

परिस्थितीला तोंड द्यावं लागतं

अपयश, हानी भरून निघेन

असं समजावुन घ्यावं लागतं

‍आलेल्या परिस्थितीवर धीराने

मात करायला हवी

अंधार्‍या रात्रीतुन सुर्य उगवणाची

बात करायला हवी

•  रघुनाथ सोनटक्के©

   मो. 8805791905

   शब्दरसिकचा मे अंक: https://bit.ly/RasikMay18

   वात्रटिकासंग्रह: https://goo.gl/7CcLUw

   दिवाळी अंक २०१७: https://goo.gl/RxRw8g

शेतकर्‍याची दैना

• ख र पु स । वा त्र टि का •

  « शेतकर्‍याचा मोर्चा »

हमीभाव कधी मिळत नाही
कुणी नसतो त्याचा वाली
फेकुन द्यावे लागते दूध, माल
रस्त्यावर असाच दरसाली

जाणत नाहीत कष्टाचं मोल
मतापुरता असतो फक्त वाली
सारंच बेभरवश्याचं झालं
कधी सरकार कधी निर्सगाच्या हवाली

समित्या, अहवाल काढणे
खोटा पुळका अन् बागलबुवा
आत्महत्यांचा आकडा मात्र
वाढत असतो दरवर्षी नवानवा

संप, मोर्च्यांची तात्पुरती दखल
शक्कल काढलेली आहे नामी
कर्जमाफीच्या नावे थट्टा
पदरी अवेहलना आणि मानहानी

• रघुनाथ सोनटक्के

   मो. 8805791905

   शब्दरसिकचा मे अंक:  https://bit.ly/RasikMay18

    वात्रटिकासंग्रह: https://goo.gl/7CcLUw

    दिवाळी अंक २०१७: https://goo.gl/RxRw8g

२० जून २०१८ च्या दै. युवा छत्रपतीमध्ये प्रकाशित 
http://yuvachhatrapati.com/epaper/edition/297/june/page/2
तसेच १० जून २०१८ च्या दै. डहाणू मित्र मध्ये प्रकाशित
२८ जून २०१८ च्या सायबर क्रॉईम (औरंगाबाद)मध्ये प्रकाशित 

दंगे आणि दंगली

• ख र पु स । वा त्र टि का •

« दंगे अ‍णि दंगली »

धर्माच्या नावाखाली दंगली
अन् जातीजातीत दंगे
गांधी-बुध्दाच्या देशात चालले
हिंसेचे नाच नंगे

शांतीचे आम्ही पुरस्कर्ते
हिसेंच्या आहो विरूध्द
पेरतो आहोत विष
कलुषीत करण्या खुद्द

दुसर्‍यावर थोपविण्या सत्ता
हिच आमची जात
देशभक्तीच्या नावावरच
चालविला हा उत्पाद

जुलूम, स्वगान करून
आणतो माणुसकीचा आव
सत्तेच्या लोभापायी मात्र
घालतो सत्यावरच घाव

निष्पाप जीवांचे घेता बळी
माणुसकीच्या गळी सुरा
तुडवितो पायी समतेला
आणतो शांतीदूताचा तोरा

शांती, प्रेमासाठीच चढला
येशू फासावर खुद्द
पाहून आपले निचकृत्य
रडत असेल बघा बुध्द

• रघुनाथ सोनटक्के©
   मो. 8805791905
शब्दरसिकचा एप्रिल अंक: http://bit.ly/Rasik-Apr18
*वात्रटिकासंग्रह:* http://goo.gl/7CcLUw
दिवाळी अंक २०१७: https://goo.gl/RxRw8g

(१६ मे. २०१८ च्या 'दै. युवा छत्रपती' मधे प्रकाशित)

आरोप-प्रत्यारोप

« आरोप-प्रत्यारोप »

निवडणूकीच्या तोंडावरच

आरोपांच्या फैरी झडत असतात

एरवी सन्मान करणारेही

वैर्‍यासारखे लढत असतात

बिनबुडाचे बिनधास्त

आरोप केले जातात

निकाल लागल्यावर मात्र

निरोप दिले जातात

आरोप-प्रत्यारोपाने जोरदार

हल्ला केल्या जातो

मतदारांना सजग राहण्याचा

सल्ला दिल्या जातो

केलेल्या आरोपांचा त्या

निकाल कधीच लागत नाही

रणधूमाळीनंतर त्यांचा 

हिशेब कुणीच मागत नाही

आरोपांच्या हल्ल्याने मतदार

विचलित केल्या जातो

एकवेळ 'शिक्का' बसल्यावर

त्याला 'ठेंगा' दिल्या जातो

• रघुनाथ सोनटक्के

   तळेगाव दाभाडे, पुणे

   मो.8805791905

(दि १० मे २०१८ च्या दै. 'युवा छत्रपती' या लातूरच्या दैनिकात प्रकाशित )

शब्द

ख • र • पू • स । वा • त्र • टि • का

« शब्द »

आधी दिलेला शब्द बघा
नंतर कुणी पाळत नाही
फिरवुन बोललेलं चलाखीने
आम्हाला काय कळत नाही!

विकास करू सगळ्यांचा
शब्द तुम्ही दिला होता
चांगलं आठवते आजही
ना काही भ्रम झाला होता

दिलेल्या शब्दाला न जागता
बोलणं आता टाळलं जातं
आश्वासनाचं गाजर नेहमी
साखरेत परत घोळलं जातं

• रघुनाथ सोनटक्के

   मो. 8805791905

   शब्दरसिकचा एप्रिल अंक: http://bit.ly/Rasik-Apr18

वात्रटिकासंग्रह: https://goo.gl/7CcLUw

दिवाळी अंक २०१७: https://goo.gl/RxRw8g

२६ ऑक्टोबर २०१८ (दै. युवा छत्रपती, वात्रटिका क्रं. २६)
(दि ५ मे २०१८ च्या दै. 'युवा छत्रपती' या लातूरच्या दैनिकात प्रकाशित )

http://yuvachhatrapati.com/epaper/edition/251/may/page/4

http://yuvachhatrapati.com/epaper/edition/254/may/page/5

बाबा-बापूचा फास

« बाबा-बापूचा फास »

भक्तांच्या भोळ्या मनावर
बाबांचा बसला पक्का डेरा
मायाजाल, खुन, बलात्कार
आहे त्यांचा चेहरा खरा

मुखातच फक्त 'राम' असतो
मन‍‍ात असते भोगाची 'आस'
भोळ्या भक्तांचा होतो वापर
टाकतो मग 'बापू' गळी फास

भुलवुन तुमच्या बुध्दीला
टाकतात ते 'डेरा'
जगासमोर मात्र 'गुर्मीत' असतात
भक्तांचा होतो खेळ सारा

करू नका आपल्या भावनांचा
कुण्या बाबापुढे 'सौदा' जरा
स्वत:ला अवतार म्हणवत नाही
कधीच संत 'सच्चा' वा खरा

भक्तांचे कवच धारण करून
चालु त्यांच्या होतात रासलीला
कायद्यापुढे सारेच समान
कुणासाठी जाऊ नये तो वाकवीला

तुकवू नका कुणापुढे मान
म्हणो कुणी स्वत:ला राम वा अल्ला
नाहीतर शोषण होतच राहील
मग करा तुम्ही कितीही कल्ला

• रघुनाथ सोनटक्के

  8805791905

(दि २७ एप्रिल २०१८ च्या दै. 'युवा छत्रपती' या लातूरच्या दैनिकात प्रकाशित )

(दि १३ मे २०१८ च्या दै.  विदर्भ मतदार मध्ये प्रकाशित)

हल्लाबोल

« हल्लाबोल »

त्यांचा 'हल्ला' परतवण्यासाठी

खडे 'बोल' सुनावले जातात

सत्ताकारणाच्या पटावर

चांगली माणसंही हिणवली जातात

सत्तेत नसतांना जनतेचा

कैवार घेतल्या जातो

फसव्या आश्वासनांचा पाढा

पुरेपूर वदल्या जातो

• रघुनाथ सोनटक्के

   फोन: 8805791905

   शब्दरसिकचा मार्च अंक: https://goo.gl/NnhtL4

वात्रटिकासंग्रह: https://goo.gl/7CcLUw

दिवाळी अंक २०१७: https://goo.gl/RxRw8g