बेजबाबदारपणा

बेजबाबदारपणा

दिवसेंदिवस रूग्णसंख्येला
मिळत आहे बढत
प्रचार, नियमभंग करणार्‍यांना
का नाही कसेच कळत?

सुविधांची झाली वाणवा
वाढला आहे मृत्यूचा दर
गैरजबाबदारपणा पडेल महान
राहिले वर्तन असेच जर
• रघुनाथ सोनटक्के, पुणे
  मो. ८८०५७९११९०५

ईडी

खरपूस • वात्रटिका
 
ईडी

सुडबुद्धी हाही सत्तेचा

महत्वाचा एक घटक आहे

विरोधकांच्या मोहऱ्यांची तिने

कायदेशीर अटक आहे

अडचणीत आणायला

साम-दाम, दंड-भेद आणि 

आता ईडी आहे

सत्ता राखण्या किंवा मिळवण्याची

हिच सोपी शिडी आहे!

रघुनाथ सोनटक्के

(२४ ऑगस्ट २०१९, दै. युवा छत्रपती, वात्रटिका क्रं. २६६)

ग्रामपंचायत निवडणूक

 ग्रामपंचायत निवडणूक

ग्रामपंचायतीच्या निवडणूकीने

ढवळून निघालंय गाव

नात्यात पडतायत गट-तट

अन् पैशाला येईल भाव

कालपर्यंत नांदत होते

आता विरोधी आदळआपट

काही दिवस हे सुरू राहिल

वर्चस्वाचं व्यर्थ खुपट

• रघुनाथ सोनटक्के, पुणे

 मो. ८८०५७९१९०५

कोरोनाचं नवं रूप

कोरोनाचं नवं रूप
पुन्हा उघड झालंय
कोरोनाचं नवं रूप
आधी होरपळोय सारे
लाॅकडाऊनमधे खुप

कठिण गेलं होतं २०२०
जावं चांगल नववर्ष सुखाचं
घालू नका पुन्हा भेव
त्या कोरोनाच्या रुपाचं
• रघुनाथ सोनटक्के, पुणे
मो. ८८०५७९१९०५

हक्काची लढाई

हक्काची लढाई
कृषी आंदोलनात बळींची
रोज येत आहे नवी खबर
शांततेत चाललेल्या संघर्षाची
मोजावी लागेल किंमत जबर

हक्क अन्  हट्टाची दिल्लीत
पेटली आहे ही लढाई
दात्याकडे दुर्लक्ष करून
सरकार मारतंय बढाई
• रघुनाथ सोनटक्के, पुणे
मो. ८८०५७९१९०५

अन्नदाता कि देशद्रोही?

अन्नदाता कि देशद्रोही?
देशाला कळून चकुलेय
खरंच कोण दलाल आहेत
अन्नदात्याला देशद्रोही ठरवणारे
भक्त खरंच कमाल आहेत!

शेतकर्‍यांची हयात जाते
संकटांना कितीतरी पेलत!
सार्‍यांचा मुकाबला करून
ऊन, वारा, थंडी झेलत
• रघुनाथ सोनटक्के, पुणे
  मो. ८८०५७९१९०५

सरकारचा हेका

सरकारचा हेका

शेतकर्‍यांच्या आंदोलनास

मिळत आहे देशाचा कल

रस्त्यावर उतरलाय तो

सोडून हातचं हल

जाणून घ्यावं त्याचं मन

नको नुसता कायद्याचा रेटा

सर्वच स्तरातून विरोध

सोडावा सरकारनेही हेका

• रघुनाथ सोनटक्के, पुणे

  मो. ८८०५७९१९०५

कृषी कायदा आंदोलन

कृषी कायदा आंदोलन

शेतकर्‍याचं नुकसान करतो

केंद्राचा नवा कृषी कायदा

पिकवणारा लुबाडला जातो

होतोय मोठ्यांचाच फायदा

किमान किंमतीचा आधार

आहे फक्त आश्वासन तोंडी

गब्बर होतील दलाल त्याने

अन् व्यावसायिकांच्या झुंडी

आंदोलन असेच चालूच ठेवू

मागे आता हटणार नाही

अहंकारावर करून प्रहार

निर्धार मधेच तुटणार नाही

• रघुनाथ सोनटक्के, पुणे

मो. ८८०५७९१९०५

शेतकर्‍याला समर्थन

शेतकर्‍याला समर्थन
फक्त स्वत:साठीच नाही
जगासाठी पिकवतो दाणा
म्हणूनच तो जगाचा पोशिंदा
आभार सर्वांनी त्याचे माना

जागत असाल तर अन्नाला
समर्थन त्याला द्यायला हवे
राजकारण, पक्षनिरपेक्षपणे
सहभागी बंदमधे व्हायला हवे
• रघुनाथ सोनटक्के, पुणे
मो. ८८०५७९१९०५

साखरेचं मध

साखरेचं मध

व्यावसायिक फायद्यासाठी

दिली देशभक्तीची झालर

अस्सलतेच्या नावाखाली

चाखवली मध म्हणून साखर

आयुर्वेदिकचे नाव सांगुन

बरंच काही विकल्या जाते

आकर्षित करण्यास ग्राहकाला

फसवं लेबल लावल्या जाते

सगळंच पिवळं सोनं नाही

ना सगळेच खरेखुरे बाबा

विश्वास ठेवण्या अगोदर

सत्यताही पडताळून बघा

• रघुनाथ सोनटक्के, पुणे

 मो. ८८०५७९१९०५

तिघांचं बळ

तिघांचं बळ

पदवीधर आणि शिक्षक

जिंकुन चार मतदारसंघ

तिघांच्या एकत्र बळाने

कमळाचे उडून गेले रंग

तिनचाकी गाडीचे सरकार

उडवली वेळोवेळी खिल्ली

अशीच जर ठेवली एकी

जिंकू शकतील ते दिल्ली

• रघुनाथ सोनटक्के, पुणे

मो. ८८०५७९१९०५

कोरोनाची लस

कोरोनाची लस
वाढत आहे नव्याने पुन्हा
कोरोना संसर्गाचा दर
हवं जबाबदारीचं भान
आणि प्रतिबंधावर भर

लसीची आहे प्रतिक्षा
आणि आहे प्रत्येकाचा डोळा
सगळ्यांनाच मिळावी ती
असो श्रीमंत, गरीब वा भोळा
• रघुनाथ सोनटक्के, पुणे
  मो. ८८०५७९१९०५

अन्नदात्याची दखल

अन्नदात्याची दखल

ज्याच्यापायी मिळते खायला

अन्न आणि भाकर

दात्याकडे एवढे दुर्लक्ष 

अन् राजकारणासाठी वापर

त्याची घ्यावीच दखल

तोच तर आहे आधार

त्याच्यामुळेच चालतोय

हे जग आणि व्यापार

जगासाठी पिकवतो तो

त्याचे ऐकून घ्या मागणे

सत्तेच्या नशेत बरे नाही

एवढे अहकांरी वागणे

• रघुनाथ सोनटक्के, पुणे

  मो. ८८०५७९१९०५

शेतकर्‍यांची दिल्ली

शेतकर्‍यांची दिल्ली

भक्तांकडून उडवली जातेय

शेतकरी आंदोलनाची खिल्ली

मागण्यासांठी गाठायचीय

काही करून दिल्ली

करा पोलीस बंदोबस्त

कितीही पाण्याचा मारा

करून मुस्कटदाबी अशी

नाही सत्तेचा अहंकार बरा

हित कशात आहे आपलं

कळतं शेतकर्‍यांना चांगलं

अहंकारी सरकार शेवटी

काळ्याचंही आहे नमलं

• रघुनाथ सोनटक्के, पुणे

  मो. ८८०५७९१९०५

बिलात सुट

बिलात सुट
बिलात सुट देऊ आम्ही
सरकारने असं म्हटलं होतं
शब्दाला जागतील हे तरी
जनतेला खरं वाटलं होतं

संकटकाळात जनतेला
द्या थोडातरी बरं दिलासा
का मग शब्द भुलवता हो
साेडा हात मोकळा जरासा

काहींना तर आले आहेत
भरमसाठ बिलाचे आकडे
सुधारा जरा अधिकार्‍यांनो
चुकलेलं पाऊल वाकडे
• रघुनाथ सोनटक्के, पुणे
   मो. ८८०५७९१९०५

फटाकेबंदी

फटाकेबंदी

मानवतेचा दृष्टीकोन

दाखवुन द्यायची संधी

त्रास होऊ नये कोरोनाग्रस्तांना

म्हणून फटाक्यांची बंदी

धोकादायक ठरू शकतो

रोग्यांना फटाक्यांचा धूर

सरकारकडूनही निघतोय

अघोषित बंदीचाच सुर

तसाही वर आलाय

जास्तच प्रदुषणाचा स्तर

का कमीच होणारय आंनद

फटाके नाही फोडले तर?

• रघुनाथ सोनटक्के, पुणे

 मो. ८८०५७९१९०५

मागच्या दाराचा प्रवेश

मागच्या दाराचा प्रवेश

जनाधार नसलेला नेता पक्षाला

मौल्यवान खुप ठरत असतो

विधानसभा न लढता मग

मागुन प्रवेश करत असतो

नियुक्तीच्या कसोटीवर तो

खराखरा ठरला पाहिजे

शोभेचे बाहुले न राहता

विशेष प्रश्नांवर बोलला पाहिजे

• रघुनाथ सोनटक्के, पुणे

  मो. ८८०५७९१९०५

पत्रकारितेची आड

पत्रकारितेची आड

पत्रकारिता आहे नक्कीच

लोकशाहीचा चौथा स्तंभ

नि:पक्षपणे सत्य मांडणे 

नको उदोउदो, ना दंभ

हल्ला आहे म्हणे त्यावर

काढत आहेत काही गळे

पत्रकारितेच्या आडं झाकणे

गुन्हेगाराला बळे बळे

• रघुनाथ सोनटक्के, पुणे

मो. ८८०५७९१९०५

पदाची रेस

पदाची रेस

ग्लॅमरस फेस, आयारामांना संधी

कार्यकर्त्यांना मिळेल का न्याय?

आधीच्यांनी घ्यायची मेहनत 

अन् दुसर्‍यांनीच खायची साय!

पद वाटणीच्या रेसमधे

पुढेपुढे ते करत असतात

पक्षाला मोठे करण्यात

कार्यकर्ते मात्र मरत असतात

• रघुनाथ सोनटक्के, पुणे

  मो. ८८०५७९१९०५

दुषणे आणि सामना

दुषणे आणि सामना

तो बेडूकांचा बाप आहे

आणि त्याची दोन पिल्ले

वाघ मारतो छक्के-पंजे

आणि त्यांचे परतीचे हल्ले

कुणाचे खरे, कुणाचे खोटे

हिंदुत्व काय चिज आहे!

एवढे खरे कि सत्तेत जाण्याचा

तो दोघांचाही ब्रिज आहे

नका काढू एकमेंकाची लायकी

सन्मानाने दोघांनीही वागा

महाराष्ट्र हाच धर्म मानुन

विकास व्हावा समान धागा

• रघुनाथ सोनटक्के, पुणे

मो. ८८०५७९१९०५

कांद्याची महागाई

कांद्याची महागाई

कांदा महाग झाला म्हणे

थोडं त्याच्याही झोळीत पडू द्या

सदा तोच रडत असतो

जरा स्वत:लाही रडू द्या

कळून चुकेल त्यांचं दु:ख

थोडी सोसा महागाईची झळ

तुमचं तर थोड्या दिवसांचं

त्याची आहे नेहमीची कळ

• रघुनाथ सोनटक्के, पुणे

   मो. ८८०५७९‍१९०५

आश्वासनांची पुर्ती

 आश्वासनांची पुर्ती
राज्य आहे आर्थिकदृष्ट्या 
आपलं खुप आजारी
मदत करायची म्हणजे
आणखी कर्जबाजारी

त्यांनी मारलाय टोला
यांचा उलटा पलटवार
गरजूंना हवी आश्वासनपूर्ती 
नको आश्वासने भरमार

काही करून व्हायला हवी
आश्वासनांची पुर्ती
नका दाखवु बोट तुम्ही
उगीच एकमेकांवरती
• रघुनाथ सोनटक्के, पुणे
 मो. ८८०५७९१९०५

पाहणी दौरा

पाहणी दौरा

पीकांचं झालं नुकसान
सुरू नेत्यांचा पाहणी दौरा
फेकून आश्वासनाचे बोल
दोन दिवस पायाला भवरा

दुष्काळी भागाची पाहणी
नेत्यांचा हल्ली ट्रेंड झाला आहे
खोट्या सहानुभूतीचे नाटक
कैमेरा त्यांचा फ्रेंड झाला आहे

हे तर सारं चालतच राहिल
सरकारकडूनही फलित हवे
सात्वंनाच्या नावे विरोधकांनी
समजू नये याला कोलीत नवे
• रघुनाथ सोनटक्के, पुणे
  मो. ८८०५७९१९०५

 

लसीची प्रतिक्षा

लसीची प्रतिक्षा

वाट पाहून थकलेत सारे

येणार तरी कधी लस?

किती दिवस कोडून राहावं

झालं आता बाबा बस्स!

भय त्यांचं संपलं जणू

चिंता अजूनही जात नाही

आज येते उद्या येते म्हणत

लवकर ती काही येत नाही!

• रघुनाथ सोनटक्के, पुणे

मो. ८८०५७९१९०५

मंदिरची दारं

मंदीराची दारं

जवळपास सगळंच उघडलंय

माॅल, हाॅटेल आणि बार

कधी उघडणार आहे म्हणे

बंद देवाचे दार?

राजकारण करणार्‍यांच्या हातून

देवही आता सुटला नाही

भक्तीपायी पदाचा आदर ठेवणे

महत्वाचा त्यांना वाटला नाही

• रघुनाथ सोनटक्के, पुणे

  मो. ८८०५७९१९०५

परतीचा पाऊस

परतीचा पाऊस

हाती आलेलं पीक

भीजलं डोळयादेखत

शेतकर्‍याच्या नशिबात

सदाच वाईट वखत

मधेच कुठे गायब होतो

वेळेवर चींब भीजवतो

दान देतानाही असा का

हाहाकार तो माजवतो

• रघुनाथ सोनटक्के, पुणे

  मो. ८८०५७९१९०५

मिडियाचा खेळ

मिडियाचा खेळ

बेताल वक्तव्य करून ती
होत आहे ड्रामा 'क्वीन'
नाचणारे राहतात तयार
मिडियाचा घेऊन बीन

बाजू घ्यायला वाचाळांची
पक्षही हळूहळू भीडतात
खरे प्रश्न सोडून मिडियावाले
लाईव्ह-ब्रेकिंग खेळतात

कुरघोड्यांचा चाललाय हा
जणू कुत्र्यामांजरांचा खेळ
मिडियालाही हवी असते
बातम्यांची चटपटीत भेळ
• रघुनाथ सोनटक्के, पुणे
   मो. ८८०५७९१९०५

उलथापालथ

उलथापालथ
होणार आहे म्हणे राज्यात
काहीतरी उलथापालथ
आधीच परिस्थिती गंभीर
खराब होत चालली हालत

उडत असतात अधूनमधून
अशाच भुकंपाच्या चर्चा
माध्यमांचं ते खाद्य असते
अन् आपल्या वेळेचा खर्चा

कुणाची तिरकी चाल आहे
कुणाची आहे कुरघोडी
सुखासमाधानाने चालू द्या
रूळावर चाललेली गाडी
• रघुनाथ सोनटक्के, पुणे
  मो. ८८०५७९१९०५

शेतकर्‍यासाठी कायदा

शेतकर्‍यासाठी कायदा
सरकार म्हणते आणलाय
शेतकरी हिताचा कायदा
शेतकर्‍याचांच विरोध होतोय
कि भांडवलदारांचा फायदा!

सारं गेलं दिवाळखोरीत
सोडा देशाचा तरी कणा!
दुप्पट भावाचा वादा होता
हमीभावाचाही पत्ता कुणा?
• रघुनाथ सोनटक्के, पुणे
  मो. ८८०५७९१९०५

स्त्रियांचे दमन

स्त्रियांचे दमन 

दिल्ली असो कि मग
असो गाव, शहर हाथरस
होतात बलात्काराच्या बळी
अन् जीवाचीही कसरत

निष्पाप स्त्रियांचे दमन करून
सर्वस्व त्यांचे लुटत आहेत
अपराधी कायद्याच्या कचाट्यातून
बिनधास्तपणे सुटत आहेत

सरकारकडूनही न्यायात भेद
काय अशा प्रशासनाचा फायदा?
जात असतील जर असेच बळी
नक्कीच कमी पडतो कायदा
• रघुनाथ सोनटक्के, पुणे
  मो. ८८०५७९१९०५

झाडांची कत्तल

झाडांची कत्तल

एकीकडे कोटींनी रोपन

आरेत रात्रीची कत्तल

झाडांवर चालवून कुर्‍हाड

विकासाची भारी शक्कल

पर्यायांची चाचपणी नाही

असल्या विचारांचा धोका आहे

रात्र वैर्‍याची ते खरंच

प्रसंग मोठा बाका आहे

जर असेच सुरू राहिले

वृक्ष कत्तलीचे सत्र

स्वत:च ओढून घेईल मग

माणुस काळरात्र

• रघुनाथ सोनटक्के

 

आश्वासनांचा बहार

आश्वासनांचा बहार 

कुणी देतो म्हणे थाळी
कुणी देतो म्हणे आहार
प्रचाराच्या नादात आलाय
आश्वासनांचा बहार

जनतेचा वाली असल्याचा
प्रत्येकाला मोठा आव असतो
मनमोहक जाहिरनाम्यांना
शेवटी रद्दीचाच भाव असतो
- रघुनाथ सोनटक्के, पुणे

 

प्रचाराची पातळी

प्रचाराची पातळी
कुणाच्या कोपरखळ्या
कुणाच्या नकला हातवारे
इथूनतिथून सारेच आहेत
पातळी सोडून बोलणारे

कुणाचा भरवसा असतो
आरोपांची कॅसेट घासून
हरप्रकारेच घेत असतात
ते आपलं नाणं घासून
• रघुनाथ सोनटक्के

कोरोनाचा धोका

कोरोनाचा धोका

खुपच वाढला आहे हा

कोरोनाचा भयंकर धोका

मास्क आणि नियम पाळूनच

सगळ्यांनी याला रोखा

काहीजण हलक्यात घेऊन

जबाबदारी टाळत आहेत

समजदार लोक मात्र नियम

काटोकोर पाळत आहेत

कमी पडताहेत बेड

कुठे औषधांचा काळाबाजार

सगळ्यांनी लढायचेय

हटवायचा आहे हा आजार

• रघुनाथ सोनटक्के, पुणे

  मो. ८८०५७९१९०५

नट-नट्यांचा वापर

नट-नट्यांचा वापर

जुने आहेत राजकारणाशी

नट आणि नट्यांचे नाते

फायद्यासाठी होतो वापर

प्रसिद्धीसाठी मिरवले जाते

जनतेच्या सुख-दु:खांची

नसते त्यांस काडीमात्र जाण

प्रसिद्धीच्या झोतातच ते

राहतात सदा रममाण

हवा तयार करण्यापलीकडे

कुठेच ते फिरकत नाहीत

यापेक्षा आहेत बहूरूपी बरे

हे तर त्यांपेक्षाही सराईत

•  रघुनाथ सोनटक्के, पुणे

   मो. ८८०५७९१९०५

महापुरूषांशी तुलना

महापुरूषांशी तुलना

उत्साही कार्यकर्ते लागलेत

तुलना महापुरूषाशी करू

कुठे ते पराक्रमी राजे अन्

कुठे हे भंपक विकासगुरू

अतीउत्साहाच्या भरामधे

अशी बरोबरी ते साधत असतात

लीन झालेले भक्त मंदपणे

बेतालासारखे वागत असतात

व्यक्तीचा उदो-उदो करणे

बाकी त्यांना कशाची तमा नाही

असल्या अंधपणाच्या खुळाला

जनतेच्या मनामधे क्षमा नाही

• रघुनाथ सोनटक्के, पुणे

  मो. ८८०५७९१९०५

संविधानाचे मोल

संविधानाचे मोल
दुष्टपणे अपमान करणारे
उगवले आहेत सरडे
समतावादी संविधानपेक्षा
जड कुणाचे पारडे?

मोसमी उपटसुंभ अधूनमधून
वांगी आपली सोलत असतो
कालबाह्य, शोषनमुल्यासोबत
संविधान मग तोलत असतो

उगवलेला दंभ विचार
वेळीच असा ठेचला पाहिजे
ज्यावर आपण उभे आहोत
तो तरी विचार वाचला पाहिजे
• रघुनाथ सोनटक्के, पुणे

   मो. ८८०५७९१९०५

गुगलवर सर्च करा: kharpus vatratika

चौकशीचा फेरा

चौकशीचा फेरा

राजकारणासाठीच फक्त
तपासाची दिशा ठरत आहे
जे विचारवंत मारले गेले त्याचा
तपास कोण, कुठे करत आहे?

कुणाची करायची गोची म्हणून
विशेष चौकशीचा हेका आहे
मनुष्यबळ आणि यंत्रणेचा
गैरवापर होणे हा धोका आहे

शेतकर्‍यांच्या आत्महत्यांची
ना कुणाला कुठे चिंता आहे
सरळ समस्या न सोडवणारा
राजकारण हा गुंता आहे
• रघुनाथ सोनटक्के, पुणे

  मो. ८८०५७९१९०५

 

बंडखोरी म्यान

बंडखोरी म्यान

सोडून गेले होते काहीजण
नाराजीने अशोकाचे वन
विमान परतले पायलटचे
पाहून सुकलेले कमळबन

बंडखोरीची तलवार शेवटी
करावी लागली त्यांना म्यान
शेवट काय होतो यासाठी होतं
याकडे सार्‍या देशाचं ध्यान

कितीही भक्कम असलं तरी
चाणक्य आमदार फोडू शकतात
सत्तेच्या हावेपायी राजकारणात
कोणतेही चमत्कार घडू शकतात
• रघुनाथ सोनटक्के, पुणे
   मो. ८८०५७९१९०५

भाभीची पापड

भाभीजी पापड

करोनाला रोखायाला म्हणे
असरदार भाभीजी पापड
बेजबाबदारपणाला दिलीच
शेवटी कोरोनाने झापड

काहीही बोलावे बिनधास्त
पदाचेही थोडे भान नाही
मंत्री असो कि संत्री मग
कोरोनाचे भेदाला स्थान नाही
• रघुनाथ सोनटक्के, पुणे
   मो. ८८०५७९१९०५

मेरिट पास

मेरिट पास
मेरीटचे मार्क आजकाल
कुणीही घेऊ लागला
चालणाच्या काळात जणू
सुसाट धावू लागला

शैक्षणिकदृष्ट्या चांगलेच
सारेच एकमेंकाच्या पुढे आहेत
प्रत्यक्ष व्यवहारात पाहीले तर
टिकणारे फारच थोडे आहेत

मुल्य, संस्कार, नैतिकतेचा
नव्या पिढीत र्‍हास आहे
अाज लेखीपरिक्षतेच फक्त
विद्यार्थी मेरिट पास आहे
• रघुनाथ सोनटक्के, पुणे
  मो. ८८०५७९१९०५

प्लाज्मा दान

प्लाज्मा दान

कोरोनाचा रोखण्यासाठी

पुढे यायला हवेत दाते

प्लाज्मा थेरपीने रोग्याला

वाचवणे शक्य आता होते

वाढत जाणार्‍या संकटात

माणुसकी जगायला ठेवा

एकमेकांच्या साथीनेच

हा राक्षस रोखायला हवा

•  रघुनाथ सोनटक्के, पुणे

   मो. ८८०५७९१९०५

 

तीन चाकी गाडी

तीन चाकी गाडी

बाणाच्या सोबतीने
काकाने बसवली 'घडी'
कमळी मात्र म्हणते
ही तर तीन चाकी गाडी !

नको म्हणून 'आय'नेही
हात दिला होता
तेव्हाच कुठे भरलाय
धनुष्याचा भाता

कुरबुरी नाही करता
कायम ही ठेवा गोडी
नाहीतर लोकंच म्हणतील
ही आहे ढकलगाडी !

• रघुनाथ सोनटक्के

 

भावना कि विकास?

भावना कि विकास?
कुणाला हवाय विकास
कुणाला प्रसिद्धीची हाव
जनतेनेच आता ठरवावे
कुठे न्यावी देशाची नाव

धर्म-जातीच्या डोलार्‍यावर
नकली नेत्यांचा ठेला आहे
भावना मात्र वरचढ ठरतेय
विकास कधीचाच मेला आहे
• रघुनाथ सोनटक्के, पुणे
    मो. ८८०५७९१९०५

कोरोना योध्दा

कोरोना योध्दा

सलाम अनमोल कामाला

ते खरे कोरोना योध्दा

त्यांना सहकार्य करणे 

हे कर्तव्य आपले सुध्दा

डाॅक्टर, परिचारिका, पोलीस

अहोरात्र काम करत आहेत

अशा कठिण काळात ते

जणू देवदुतच ठरत आहेत

• रघुनाथ सोनटक्के, पुणे

  मो. ८८०५७९१९०५

 

घरातच सारं काही

घरातच सारं काही

परिक्षा, उत्सव, कार्यक्रम
सार्‍यांवरच दाट सावट आहे
घरात हवी तेवढी प्रायव्हसी
कोरोना कसा चावट आहे!

कुटुंबाचं हवं तेवढं सुख
आताच सर्वानी भोगुन घ्या
बाहेर कशाचा शोध न घेता
घरातच गोड आता मानुन घ्या

• रघुनाथ सोनटक्के, पुणे
  मो. ८८०५७९१९०५

साखळी

साखळी
काही करून तोडावीच लागेल
कोरोनाची ही साखळी
जबाबदारपणाचा आहे कळस
अन् उपाययोजनाही तोकडी

जीवावर उदार होऊन
कुणी मोकाट ‍फिरत आहे
साखळीच्या वाढीसाठी तो
खुपच पुरक ठरत आहे

लस येईपर्यंत तरी
ही साखळी तोडावी लागेल
अर्थचक्र चालू ठेवून
मुक्तसंचार सोडावा लागेल
• रघुनाथ सोनटक्के, पुणे
 मो. ८८०५७९१९०५

रंजित पत्रकारिता

रंजित पत्रकारिता

अख्खा देश संकटात आहे

न्युजवाल्यांना सेलेब्रिटी हवा

बिकाऊ, रंजक पत्रकारितेवर

मिळाली नाही अजुन दवा

सामान्यांच्या दु:ख, समस्यांचं

त्यांना काही सोयरसुतक नाही

पत्रकारितेचा भंपक वापर करणं

यासारखं मोठं पातक नाही

• रघुनाथ सोनटक्के, पुणे

  मो. ८८०५७९१९०५

आत्महत्येचा विचार

आत्महत्येचा विचार

एकटेपणा आणि नैराश्याने
येतो आत्महत्येचा विचार
सोडून द्या नकारात्मकता
हाच आहे त्यावर उपचार

दिलखुलासपणे जगल्याने
गुंता मनाचा सुटत असतो
नाहीतर आपणच आपल्याल्या
दुश्मनासारखे वाटत असतो

बोला मनमोकळेपणाने
असो मित्र, जवळचा सखा
दु:ख, नैराश्य, अडचण सुटेल
टळेल मग पुढचा धोका
• रघुनाथ सोनटक्के, पुणे
  मो. ८८०५७९१९०५

साल २०२०

साल २०२०

दोन हजार विस साल

सुरवातीलाच गाजलं आहे

कोरोनाचं थैमान बघा

सार्‍या जगात माजलं आहे

सारंच कसं अवघड झालं

सगळ्याचीच कोंडी आहे

अख्खी मानवजातच आता

महामारीच्या तोंडी आहे!

• रघुनाथ सोनटक्के, पुणे

  मो. ८८०५७९१९०५

 

कोरोनाचा वेग

कोरोनाचा वेग
आकड्याची बेरीज बघता
तो खुपच सुसाट सुटला आहे
बाधितांच्या आकड्यांच्यामानाने
मृत्यूदर बर्‍यापैकी घटला आहे

त्याला आवर घालताघालता
सोबत त्याच्या जगावं लागेल
आधींच्यापेक्षा खुप जबाबदारीने
आपल्याला आता वागावं लागेल
• रघुनाथ सोनटक्के

आॅनलाईन शिक्षण

आॅनलाईन शिक्षण

आजच्या काळातही अतुट

गुरू शिष्याचे नाते आहे

दक्षिणेसाठी आॅनलाईनने

मार्गदर्शन त्यांचे होते आहे

शाळा हे मंदीर होते

आता फक्त ते स्कुल आहे

शिक्षणासह संस्कार मिळतील

ही आपली भूल आहे

प्रत्यक्ष संवाद हरवतोय

हि त्याचीच एक नांदी आहे

पालक लावतो रेसमधे पैसा

संस्थाचालकांची चांदी आहे

•  रघुनाथ सोनटक्के, पुणे

   मो. ८८०५७९१९०५

हवामानाचा अंदाज

हवामानाचा अंदाज

पावसाची शक्यता दिल्यावर

ढग मागे फिरू शकतात

हवामानखात्याचे अंदाज

कधीकधीच खरे ठरू शकतात

चोख जरी नसले तरी

निराश मनाला बरे करतात

शंभरातून निदान दोन तरी

अंदाज त्यांचे खरे ठरतात

पाऊस येईल म्हटलं कि

सारा महिना सुका असतो

बरसायला लागतो तेव्हा

मुसळधारचा धोका असतो

• रघुनाथ सोनटक्के, पुणे

   मो. ८८०५७९१९०५

 

दरवाढीचा भडका

दरवाढीचा भडका

रोजच उडायला लागलाय

इंधन दरवाढीचा भडका

राजकिय पक्षही देतात

असंतोषाला मस्त तडका

सरकार आहे गपगार

विरोधी पक्ष चढत आहे

रोज पेट्रोलचे दर वाढून

नवे विक्रम मोडत आहे

•  रघुनाथ सोनटक्के, पुणे

   मो. ८८०५७९१९०५

बोगस बियाणे

बोगस बियाणे
दरवर्षी शेतकरी फसतो
विकत घेऊन बोगस बियाणे
कंपन्या तर करतात लुट
सरकारही ऐकेना गार्‍हाणे

पेरणीपासून सुरवात होते
विकण्यापर्यंत फसत राहतो
जगाला जगवण्यासाठी तो
इमानेइतबारे कसत राहतो
• रघुनाथ सोनटक्के, पुणे
  मो. ८८०५७९१९०५

बेताल वक्तव्य

बेताल वक्तव्य

बेताल आरोपांचा नाद

प्रसिद्धीची पध्दत आहे सोपी

चौफेर टिकेनंतर मग

मागावी लागणार नाही माफी

उचलली जीभ, लावली टाळ्याला

नको तेवढी घसरते

काम न करताही किर्ती!

वादग्रस्त बोलून पसरते

सभ्यता, संकेत आणि मर्यादा

आजकाल कुणी पाळत नाही

भावनेच्या भरात बोलण्याचा

मोह सहसा कुणी टाळत नाही

• रघुनाथ सोनटक्के, पुणे

  मो. ८८०५७९१९०५

 

देशभक्तीच्या गप्पा

देशभक्तीच्या गप्पा

देशभक्तीच्या गप्पा आपण

बिनधास्तपणे ठोकत असतो

बलीदान देऊन सैनिकांचे

अखंडता कायम राखत असतो!

चीनच्या हल्ल्याने शहीद झाले

परत कुचकामी ठरलो आहे

मैत्री, सहकार्यासाठी कि उगीच

जग कशासाठी फिरलो आहे?

• रघुनाथ सोनटक्के, पुणे

  मो. ८८०५७९१९०५

चीनचा बहिष्कार

चीनचा बहिष्कार

चीनने व्यापलाय बाजार

काहीजण स्वदेशी जपत आहेत

लाॅंच झाल्याझाल्याच मोबाईल

अजुनही लगोलग खपत आहेत

उशिराने का होईना आत्मनिर्भरतेची

जनतेला पोकळ हाक आहे

टेंडर आणि माल आयातीने

बहिष्कार आपला खाक आहे!

• रघुनाथ सोनटक्के, पुणे

  मो. ८८०५७९१९०५

दरवाढ

दरवाढ
गरिबांच्या डोक्यावर नेहमीच
दरवाढीचा भार आहे
पैशावाल्यांना काही फरक नाही
मात्र सामान्य गारेगार आहे

पेट्रोल-डिझेल वाढलं की
नेहमीच भार ठरत असते
सरकार मात्र कोणतेही असो

गल्ला खच्चून भरत असते

• रघुनाथ सोनटक्के (पुणे)

   मो. ८८०५७९१९०५