पक्षबदलाचे वारे

खरपूस • वात्रटिका

« पक्षबदलाचे वारे »
 जिकडेतिकडे वाहतायत
पक्षबदलाचे वारे
ऐन मोसम पाहून फिरले
जूने, जाणते सारे

कुठे भगदाड पडले
घराचेही फिरले वासे
धाकाने तर कुठे लोभाने
गळाला लागले मासे

विरोधी पक्ष सगळे
पडले आहेत खाटेवर
सत्तेच्या मोहापायी
मोहरे निघाले वाटेवर
• रघुनाथ सोनटक्के 
शब्दरसिकचा दिवाळी अंक येथे बघा: http://bit.ly/ShabdRasik-2018 

(३१ जुलै २०१९ दै. युवा छत्रपती, वात्रटिका क्रं. २५०)

खड्डे

« खड्डे »

रस्त्यांची खड्डयांना

अन् खड्डयांची रस्त्यांन‍ा
गरज भासु लागली
माणसं चालली जीवानं
करांचा जनता भार सोसु लागली

नेमीची येतो पावसाळा

अविरत फिरणारं खड्डयांचं 'जातं'
पालिकेला काही फरक नाही
म‍ाध्यमांनी चालवलं जरी अविरत भातं

करोडो रुपये खर्चुन शेवटी काय ?

हाती पडतो मातीचा चुरा

खड्डयांनाही घ्यावा लागतो पुर्नजन्म

त्यांनाही चुकला ना फेरा

• रघुनाथ सोनटक्के

ब्लाॅग : https://vatratika.blogspot.in

 (३० जूलै २०१९ दै. युवा छत्रपती, वात्रटिका क्रं. २४९) 

जागावाटप आणि बळ

खरपूस • वात्रटिका

 
« जागावाटप आणि बळ »

जागावाटपाने सगळ्यांचा
जोरात चालला खल आहे
निकालानंतर कळेलच
कुणाचं किती बल आहे

आता तर प्रत्येकातच
दहा हत्तीचं बाहू बळ आहे
शेवटी कोणाची, कधी दाबावी
'त्याच्या'च हाती कळ आहे

• रघुनाथ सोनटक्के

(२९ जूलै २०१९ दै. युवा छत्रपती, वात्रटिका क्रं. २४८)

भिती आणि लालसा

« भिती आणि लालसा »

काहींना आहे पराभवाची 

भिती आणि लालसा

त्यांच्यामुळे पक्षांचे गड

होतात हळूहळू खालसा

• रघुनाथ सोनटक्के

 २७ जूलै २०१९ दै. युवा छत्रपती, वात्रटिका क्रं. २४७

 

पावसाची प्रतिक्षा

खरपूस • वात्रटिका

« पावसाची प्रतिक्षा »

पावसा तू तर भरपूर
पुण्या-मुंबईत पडला
विकासासारखाच इथंही
अन्याय आम्हावर घडला

थोडासा शिरकावा पडला होता
रोप आता करपली आहेत
तुझ्या येण्याची वाट पाहत
लेकरं तुझी तरसली आहेत

माना टाकल्यात पिकांनी
पानं आता आवरली आहेत
आत्महत्येच्या विचाराने आता कुठं
पोरं तुझी सावरली आहेत
• रघुनाथ सोनटक्के

(२६ जुलै २०१९ दै. युवा छत्रपती, वात्रटिका क्रं. २४६)

हिमा दासचे यश

खरपूस • वात्रटिका

 

हिमा दासचे यश

पाच गोल्ड जिंकले
एकट्या दास हिमाने
उंचावली देशाची मान
मोठ्या अभिमानाने

शेतकऱ्याच्या पोरीने
देशाचे नाव कोरले आहे
तिचे यश देशालाही
अद्वितीय ठरले आहे

एकाच खेळामागे न जाता
बहूआयामी धोरण आखले पाहिजे
भंपकपणा होणार नाही याचे
माध्यमांनी भान राखले पाहिजे

• रघुनाथ सोनटक्के

(२५ जुलै २०१९ दै. युवा छत्रपती, वात्रटिका क्रं. २४५)  

चंद्रावर पाऊल

खरपूस • वात्रटिका
 
« चंद्रावर पाऊल »

चांद्रयान एकदाचं
आकाशात पोचलं आहे
मानाचं पान आणखी
भारताने खोचलं आहे

विज्ञान आणि चिकाटी
त्याचंच हे फलित आहे
सक्षमीकरणाचं पाऊल
आणि क्षमता मुलींत आहे

स्वदेशीच्या आधारे आपली
चंद्रावर ही स्वारी आहे
खऱ्या अर्थाने आता
आपण जगात भारी आहे

• रघुनाथ सोनटक्के

(२४ जुलै २०१९ दै. युवा छत्रपती, वात्रटिका क्रं. २४४)

दावेदार

खरपूस • वात्रटिका

 
« दावेदार »

निकाला आधीच दोघे
पदावर दावा मांडायला लागले
नैसर्गिक मित्र असूनही
दुश्मनासारखे भांडायला लागले

एकत्र लढायला तयार
कारण मित्र हवा असतो
पदाच्या खुर्चीवरही मात्र
जोरदार त्यांचा दावा असतो

• रघुनाथ सोनटक्के

(२३ जूलै २०१९ दै. युवा छत्रपती, वात्रटिका क्रं. २४३)

इधरभी उधरभी

खरपूस • वात्रटिका

« इधरभी उधरभी »

सावलीत राहून मला
फळे गोड चाखायचे
राबायला फक्त 'आवडतं'!
पण शेत मला राखायचे

मोसम आला कि फक्त
उंटावरून शेळ्या हाकायच्या
दोन्ही घरचं खाऊन
नुसत्या पाट्या टाकायच्या

• रघुनाथ सोनटक्के

(२२ जुलै २०१९ दै. युवा छत्रपती, वात्रटिका क्रं. २४२)

वृक्षारोपण

खरपूस • वात्रटिका
 
 « वृक्षारोपण »
 वृक्षारोपण आजकाल
फोटोपुरते उरते आहे
प्रसिद्धीसाठीच फक्त
हा कार्यक्रम ठरते आहे

स्वच्छ कपड्यातील नेता
झाडांना हळूच टेकतो आहे
तेवढ्यापुरते चेला त्याचा
फोटोच नुसते टिपतो आहे
रघुनाथ सोनटक्के

(२० जुलै २०१९ दै. युवा छत्रपती, वात्रटिका क्रं. २४१)
२८ जुलै २०१९ च्या दै. वाचकमंच मधे प्रकाशित

पाकचा पोपट

खरपूस • वात्रटिका

« पाकचा पोपट »

खोट्या, लबाड पाकला
पुन्हा बसला दणका
पंधरा विरूध्द एकने
निर्णय दिला खमका

हिंमत नाही लढण्याची
कुरापती करू लागला आहे
कुत्र्याच्या शेपटासारखाच
परत आताही वागला आहे
• रघुनाथ सोनटक्के

(१९ जुलै २०१९ दै. युवा छत्रपती, वात्रटिका क्रं. २४०)

 

मुख्यमंत्रीपदाचा मुकुट

खरपूस • वात्रटिका

« मुख्यमंत्रीपदाचा मुकुट »

नेत्यांचं ठरलेलं आहे
कार्यकर्ते भीडत आहेत
सत्तेखाली झाकलेलं वैर
पुनःपुन्हा काढत आहेत

मुख्यमंत्रीपदाचा मुकुट
दोघांनाही हवा आहे
थोड्याथोड्या अवधीने
पुन्हा त्यांचा दावा आहे

कितीही झाकली तरी
इच्छा पुन्हा उसळत आहे
कार्यकत्यांचं संतुलन
नको तेवढं ढासळत आहे
• रघुनाथ सोनटक्के

(१८ जुलै २०१९ दै. युवा छत्रपती, वात्रटिका क्रं. २३९)

अजून प्रतिक्षाच

खरपूस • वात्रटिका

« अजून प्रतिक्षाच »

बरीच धरणं कोरडी
थोडीच भरली आहेत
पावसाची मात्र प्रतिक्षाच
भाकीतं वांझ ठरली आहेत

भर पावसाळ्यातही सुर्य
कडाडून तापायला लागला
अर्धा महाराष्ट्र दुष्काळात
निसर्गही सावत्र वागायला लागला

• रघुनाथ सोनटक्के

शब्दरसिकचा दिवाळी अंक येथे बघा: http://bit.ly/ShabdRasik-2018

(१७ जुलै २०१९ दै. युवा छत्रपती, वात्रटिका क्रं. २३८)

 

 

पळापळीचा रोग

  « पळापळीचा रोग »

राजकारणातील घडोमोडींना
रोज धक्क्यावर धक्का आहे
फोडाफोडींचा वेग बघता
जो तो हक्काबक्का आहे

राज्याराज्यामधे पक्षांतराला
नव्याने वेग आला आहे
पळापळीचा भल्याभल्यांना
हा मोठा रोग झाला आहे
• रघुनाथ सोनटक्के

(१६ जुलै २०१९ दै. युवा छत्रपती, वात्रटिका क्रं. २३७)

शब्दरसिकचा दिवाळी अंक येथे बघा:
२०१८: http://bit.ly/ShabdRasik-2018

भूमिका

खरपूस • वात्रटिका

« भूमिका »

प्रत्येकजण भूमिका घेऊन
पक्ष आपला थाटत असतो
जरी सोयीने असला त्याच्या
थोडा आपला वाटत असतो

भूमिका, तत्व, निती आता
नावापूरतीच राहिली आहे
भूमिकेला ठाम राहण्याची
शाश्वती कुठे राहिली आहे!

• रघुनाथ सोनटक्के

(१५ जुलै २०१९ दै. युवा छत्रपती, वात्रटिका क्रं. २३६)

यशापयश

खरपूस • वात्रटिका

« यशापयश »

हरलो जरी कितीदा
जिंकायची आम्हाला हाव आहे
हार-जीत तर होणारच
तो खेळाचा एक भाग आहे

चढउतार, यशापयश
जीवनाचा आधार आहे
अपयश पचवुन चालत राहणे
हा चांगला प्रकार आहे

• रघुनाथ सोनटक्के

(१३ जुलै २०१९ दै. युवा छत्रपती, वात्रटिका क्रं. २३५)

आमदारांची नाराजी

आमदारांची नाराजी

आमदारांची नाराजी आहे
कुठे आमदारच लपले आहेत
कुणी होतात हायजॅक
काही स्वतःहून विकले आहेत

• रघुनाथ सोनटक्के

 (१२ जुलै २०१९ दै. युवा छत्रपती, वात्रटिका क्रं. २३४)

राजीनाम्यावर राजीनामा

खरपूस • वात्रटिका

 

« राजीनाम्यावर राजीनामा »
राहूलने दिला राजीनामा
तरी तोच त्यांचा फादर आहे
घराणेशाहीविणा पर्याय कुठे?
रोज राजीनामा सादर आहे

स्थानिक नेत्यांनी पक्षाचा
स्वत:साठी फक्त वापर केला
प्रतिमापूजनाशिवाय भागेना
म्हणून श्रेष्ठींचा आदर केला
• रघुनाथ सोनटक्के

 (११ जुलै २०१९ दै. युवा छत्रपती, वात्रटिका क्रं. २३३)

ऑनलाईन फंडा

« ऑनलाईन फंडा »

ऑनलाईनच्या जमान्यात
पडू नका मोहाला बळी
फसवणारा तर गोवतोच
वाजत नाही एका हाताने टाळी

वैयक्तिक, गोपनिय माहिती

देऊ नका कुणा भीतीने
पायावर धोंडा मारणे
शक्य नाही तुमच्या साथीने

जपून वावरा आभासी जगात

दुधारी सोशल, ऑनलाईन फंडा
ओळखी, अनोळखी कुणीही
घालू शकतो तुम्हाला गंडा
• रघुनाथ सोनटक्के

(१० जुलै २०१९ दै. युवा छत्रपती, वात्रटिका क्रं. २३२)

नकली बियाणे

« नकली बियाणे »

मदतीचे वचन मिळते
सरकारकडून नव्याने
फसवणूक तर होतच आहे
देऊन नकली बियाणे

मूळ बियाण्यांना तिलांजली
झालो कंपन्याच्या हवाली
टप्पाटप्प्याने खायला बसले
जिथेजिथे असले मवाली

• रघुनाथ सोनटक्के
शब्दरसिक दिवाळी अंक: http://bit.ly/ShabdRasik-2018

 (९ जुलै २०१९ दै. युवा छत्रपती, वात्रटिका क्रं. २३१)

 

खेकड्यांना भीती

खरपूस • वात्रटिका

« खेकड्यांना भीती »

खेकडीन म्हणाली खेकड्याला
जाऊ नका बाहेर
पोलिस पकडून तुम्हाला
घालतील गळ्यात टायर

सोडून देतील चोरांना
ठेचतील तुमची नांगी
धरणफुटीला जबाबदार
आहात म्हणतील तुम्ही

माणसांच्या चूकांमुळे
खेकड्यांना भीती आहे
दुसर्‍याला दोष देणे
हि माणसांची रिती आहे
• रघुनाथ सोनटक्के

 (८ जुलै २०१९ दै. युवा छत्रपती, वात्रटिका क्रं. २३०)

नाहक मरण

खरपूस • वात्रटिका

  « नाहक मरण »

कुठे खचली भिंत
कुठे फुटलं आहे धरण
निष्पाप जीवांना मात्र
नाहक मिळालं मरण

माणसांच्या चूकांनीच
निसर्ग कोपू लागला
ऐकमेकांना दोष देत
पुन्हा तसाच वागू लागला

• रघुनाथ सोनटक्के

(६ जुलै २०१९ दै. युवा छत्रपती, वात्रटिका क्रं. २२९)

जर्सी

खरपूस • वात्रटिका

  « जर्सी »
कुणाला आवडला नाही
कलर टिमच्या जर्सीचा
भलत्याच कारणाने गाजतोय
वर्डकप या वर्षीचा

कुणाला कशाचं तर
कुणाला कलरचं वावडं आहे
खेळ सोडून राजकारणातच
लक्ष नको तेवढं आहे
• रघुनाथ सोनटक्के

(४ जुलै २०१९ दै. युवा छत्रपती, वात्रटिका क्रं. २२८)

नियोजनशुन्यता

« नियोजनशुन्यता »

नियोजन नसल्याने शहरं
वाढली आहेत बेफाम
तुडूंब भरतात मग नाल्या
आणि रोडही होतात जाम

उन्हाळ्यात पडते कमालीची

पाण्यासाठी कोरड
पावसाळ्यात घुसते पाणी
पळापळ आणि ओरड

मुंबईसारखी इतरही शहरं

नको तशी वसली आहेत
नियोजनशुन्यतेने महापूरासारखी
भूतं मानेवर बसली आहेत
• रघुनाथ सोनटक्के

शब्दरसिक दिवाळी अंक: http://bit.ly/ShabdRasik-2018

(३ जुलै २०१९ दै. युवा छत्रपती, वात्रटिका क्रं. २२७)

वंचितची बाजी

« वंचितची बाजी »

गड ढासळून गेल्यावर
वंचित आठवला आहे
हायकंमांडने आदेश
सरदारांना पाठवला आहे

लाखाने मते घेऊन
वंचितने घेतली बाजी आहे
हाताला पराभवाची जखम
अजून खुप ताजी आहे
• रघुनाथ सोनटक्के

(२ जुलै २०१९ दै. युवा छत्रपती, वात्रटिका क्रं. २२६)

पावसाची कृपादृष्टी

« पावसाची कृपादृष्टी »

वाट पाहून थकवलं होता
आता कुठे बरसला आहे
काही ठिकाणी धुवाधार
तर कुठे शेतकरी अजूनही
तरसला आहे

पेरणीची सुरू धामधूम
मातीला आता तृप्त कर
अशीच कृपादृष्टी राहू दे
दुष्काळापासून मुक्त कर
• रघुनाथ सोनटक्के

(१ जुलै २०१९ दै. युवा छत्रपती, वात्रटिका क्रं. २२५)