बुलेट विकास

  « वात्रटिका »

बुलेट विकास

सरकार आमचे सुपरफास्ट
'बुलेट' ट्रेन आणायला लागले
साधे पुल, प्लॅटफार्म नाहीत
बघा किती 'विकास' करायला लागले

हकीकत वेगळीच आहे
स्वप्नांचे इमले बांधायला लागले
घरात नाही ज्वारीचं पिठ
पुरनपोळीचे आवतन यायला लागले

जमिनीवर पाय शाबुत ठेवा
तुम्ही तर हवेत उडायला लागले!
जनतेला सोडून वार्‍यावर
कुठे सरकारधर्म पाळायला लागले?

• रघुनाथ सोनटक्के 

  मोबा. 8805791905

वऱ्हाडी रूपांतर
बुलेट ईकास

सरकार आम्चं सुपरफास्टं
'बुलेट' टेरेन आनुन राह्यले
साधे पुल, प्लॅटफार्म नाहीत
तुमीच पा किती 'ईकास' करून राह्यले

हकीकत अलगच आहे
सपनाचे ईमले बांदुन राह्यले

घरात नाही जवारीचं पिटं
अन् पुरनपोया रांदुन राह्यले

जमिनीवर पाय शाबुत ठेवा
तुमी तं हवेत उळून राह्यले!
जनतेला सोळून वार्‍यावर
कुठे सरकार धर्म पाळुन राह्यले?

• रघुनाथ सोनटक्के 

  मोबा. 8805791905

  

महागाई

« खरपुस वात्रटिका »

महागाई

महागाईनं मुश्किल झालं

सर्वसामान्यांचं जीनं

जागतिकदर कमी तेलाचे

तरी जनतेच्या तोंडाला पानं

सरकार काढतंय हिस्सा

वाढताच आहे अधिभार

जनता मात्र खात आहे

तोंड दाबुन बुक्याचा मार

पैश्याने उतरतो कधी

चढतो रूपयाने तेलाचा भाव

कोणतंही सरकार बधत नाही

जरी केली कितीही कावकाव

• रघुनाथ सोनटक्के

  फोन: 8805791905

  ब्लाॅग: https://vatratika.blogspot.in

(१ जून २०१८ च्या 'दै. युवा छत्रपती' मधे प्रकाशित)
http://yuvachhatrapati.com/epaper/edition/279/june/page/2

१९ सप्टेंबर २०१८ च्या दै. पथदर्शी मध्ये प्रकाशित तसेच ५ जून २०१८ च्या दै. डहाणू मित्र मध्ये प्रकाशित 
४ जुलै २०२० दै. आदर्श महाराष्ट्र 

               

 

निर्णय

« निर्णय »

बाहेर पडायचं कधी ?
मुहूर्त अजुन मिळाला नाही
सोबत तर आहोत सत्तेसाठी
युतीचाही 'अर्थ' कळाला नाही

आमदारांचीच कामं होत नाहीत
तिथं आम जनतेचं काय
मंत्रीपदं म्हणजे झाली फक्त 
सरकारी झुल हाय

निर्णय काय होत नाही
दोन वर्ष अजुन बाकी आहे
'वाघाचं' मन दोलायमान
'डरकाळी' नसुन 'झाकी' आहे

• रघुनाथ सोनटक्के 

  8805791905

बाबांचा डेरा

« बाबांचा डेरा »

भक्तांच्या भोळ्या मनावर

बाबांचा बसला पक्का डेरा

माया, खुन, बलात्कार

आहे त्यांचा चेहरा खरा

भक्तांचे कवच धारण करून

चालु त्यांच्या रासलीला

कायद्यापुढे सारेच समान

कुणासाठी जाऊ नये वाकविला

तुकवु नका कुणापुढे

मग म्हणो कुणी स्वत:ला राम वा अल्ला

तुमचे शोषण चालूच राहील

मग करा तुम्ही कितीही कल्ला

• रघुनाथ सोनटक्के

  8805791905

सच्चा? 'डेरा'

« सच्चा डेरा? »

उघड झाल्याच शेवटी
शेकडो त्याच्या 'रासलीला'
तुरुंगवास कमीच पडतो
लटकवायला हवं फाशीला

करू नका आपल्या भावनांचा
कुण्या बाबापुढे 'सौदा' जरा

स्वत:ला अवतार म्हणवत नाही
कधीच संत 'सच्चा' वा खरा

भुलवुन तुमच्या बुध्दीला

टाकतात ते 'डेरा'
जगासमोर मात्र 'गुरमीत' असतात
भक्तांचा होतो खेळ सारा

• रघुनाथ सोनटक्के

  8805791905

चायनामेड

« चायनामेड »

वारंवार देत आहे ड्रॅगन

युध्दाचे पुत्कार

आपणही झालो 'चायनामेड'

ठाम नाही सरकार

तोडून टाका चिन्यांची 'रसद'

'स्वदेशी'चा फक्त नारा नको

आचरणातही आणा आता

इकडून तिकडे गेला नुसता वारा नको

सैनिक भिडतील सिमेवर

आपण करू डेटा 'लिक'

'भाई-भाई' करणे चूक होती

कधी घेणार आपण 'सिख' ?

• रघुनाथ सोनटक्के

  8805791905

राजीनामा

« राजीनामा »

विरोधकांची रेटून मागणी

आमचाही राजीनामा खिशात आहे

प्रमुखांची भक्कम पाठराखण

सत्तेचं अडकलं हाडूक घशात आहे

दबाव वाढला जरी 'त्यांच्या'वर

'प्रकाश' डोक्यात पडत नाही

स्वच्छ आमचा कारभार जरी

पारदर्शक असे काही घडत नाही

• रघुनाथ सोनटक्के©

   8805791906

भ्रष्टा'चारा'चा पारा

« भ्रष्टा'चारा'चा पारा »

'भ्रष्टा'चे इरादे होणार ना सफल

पुत्रानेच तुम्हाला 'नमो'वलं
हातचं सारंच जाईल हळूहळू
जेवढं तुम्ही आजपर्यंत कमावलं

मार्ग आमच्या 'निती'चा
अन् जनतेच्या हिताचा आहे
'खेळ' बघा कसा जमला
प्रश्न आता बहूमताचा आहे

उघड होतील किती घोटाळे
खाली त्यांचा पारा नाही
तुरूंगात जाण्याशिवाय आता
राहिला तुम्हा कुठे 'चारा' नाही

         • रघुनाथ सोनटक्के

     8805791905

मन कि बात

मन कि बात 

कुठं धुमसतं काश्मीर 

कुठं घडतं अमर'नाथ' आहे

खंबीर 'राज' असलं तरी 

जनतेला कुठं त्यांची 'साथ' आहे 

त्यांचे हल्ले, आमचे मिशन 

आमचे शहीद, त्यांना कंठस्नान आहे 

करतो आम्ही 'मन कि बात' 

परदेशातच आमचं जास्त ध्यान आहे 

सिमेवर सैनिक हुतात्मा 

शेतकऱ्याच्या गळ्यात फास आहे 

हातचं सोडून धावणारी 

रणनिती आमची 'खास' आहे 

• रघुनाथ सोनटक्के

  संपादक । रसिक ई-मॅगझिन

  ब्लाॅग: https://vatratika.blogspot.in

वृक्षारोपण

« वृक्षरोपन »

गेल्यावर्षी रोपन केलेले 

गेलेत कुठे वृक्ष ?

मागचं सपाट झालं

पुढचं कोटींचं लक्ष !

जनतेला फसवुन करू नका

पर्यावरणाचा र्‍हास

कधीतरी उघडं होईलच

तयार केलेला भास

अजुन किती शिकवणार

वृक्षसंवर्धनाचा लेसन

प्रत्येकाने लावा एक झाड

घाला वृक्षतोडीला वेसन

• रघुनाथ सोनटक्के

  संपादक । रसिक ई-मॅगझिन

  ब्लाॅग: https://vatratika.blogspot.in

लॉकर

« खरपुस वात्रटिका »
लॉकर

लॉकर मधील मुद्देमालाची 

बँकही घेत नाही आता हमी 

ग्राहकांकडूनच पैसे उकळण्याची

शक्कल आहे त्यांची नामी 

कागदपत्र, सोनं-नाणं 

ठेवतो आपला अनमोल ठेवा 

आयत्या बिळावरचा आवडतो 

बँकेला खायला मस्त मेवा 

जुनं ते सोनं हेच खरं 

आता घरात करावी का तिजोरी 

आपल्याच पैश्यावर नफा  

मग का ऐकावी त्यांची मुजोरी 

रघुनाथ सोनटक्के 

निकषाची कर्जमाफी

« खरपुस वात्रटिका »

निकषाची कर्जमाफी

निकषाच्या पात्रतेवर

उतरतील जे खरे

त्यांचेच केल्या जातील

सातबारे कोरे

झाले जेवढे ते ठिक

पेव आंदोलनाचे आणु नका

ताणल्या जाते म्हणुन

उगाच जादा आता ताणु नका

तुमचा हंगाम असतो बारामाही

त्याला आता पेरू द्या

विरोधकाचा रणनितीचा भाग

त्यांना किती घेरायचं ते घेरू द्या

• रघुनाथ सोनटक्के

  8805791905

  https://vatratika.blogspot.in

कर्ज माफी कि मुक्ती

« वात्रटिका »

(रघुनाथ सोनटक्के यांच्या खरपुस वात्रटिका)

कर्ज माफी कि मुक्ती

• • •

कुणाला हवी कर्जमाफी

कुणी म्हणतो कर्जमुक्ती

कोण करेल ‘भुकंप’ कधी?

कुणाची मध्यावधीची दर्पोक्ती

सुटणार नाही खरा बळी

लागु द्या आणखी थोडा काळ

घेवु नये सधन, लखपतींनी

शिजवुन आपली ‘डाळ’

• रघुनाथ सोनटक्के

  8805791905

बढाई

बढाई

ना त्यांचा खरा होता 

ना ह्यांचा खरा होता 

शेतकऱ्याने दिलेला लढा

आपलाच असल्याचा होरा होता

तुम्ही तर नावालाच विरोधी 

सत्तेसाठी लढाई आहे 

शेतकऱ्याच्या दुःखाचं केलं भांडवल 

वरचढ होण्यासाठी बढाई आहे 

• रघुनाथ सोनटक्के

8805791905

कर्जाचा फास

कर्जाचा फास 

त्यांनी केलं 'सिंचन'

तुम्ही कुठे दिला भाव 'हमी'

तरी का झाल्या नाही

बळीच्या आत्महत्या कमी 

तुमचाही होता नारा 

'सबका साथ सबका विकास'

मग का बरं आहे अजुन 

गळ्यात कर्जाचा फास 

पाहू नका अंत आता 

पडेल कधी, कुठे बाँम्ब 

मग पडेल तुम्हाला सारी 

पळता भुई लांब 

• रघुनाथ सोनटक्के 

8805791905

शेतकर्‍याचा संप

« खरपुस वात्रटिका »

            शेतकर्‍याचा संप

          इतिहासात पहिल्यांदाच होतोय
शेतकर्‍याचा संप
सरकार, सामान्यांना आता
भरेल धरणीकंप

कुणीच एेकत नाही त्याचं
करा सातबारा कोरा
मालाला ना भाव, ना हमी
कधी होईल हा रोग बरा

मिळु दे धडा सरकारला
कळु दे जनतेला त्याच्या व्यथा
त्याच्याविणा जगणं कसं कठिण
लागेल आता सार्‍यांनाच पता

       • रघुनाथ सोनटक्के

भेट द्या : https://vatratika.blogspot.in

आशिर्वाद

« वात्रटिका »

आशिर्वाद

कुणाचं येईल विमान खाली

खरंच कुणाचा नेम नाही

आजचा दिवस चांगला

उद्याचा काही सेम नाही

आज हेलीकाॅप्टर पडलं

उद्या सरकार पडंल

कुणाच्याही आशिर्वादावर

उद्या काहीही घडंल!

शेतकर्‍यानं खुप पिकवलं

मात्र त्याला विकता नाही आलं

आशिर्वादावर कसं जगतात

हे त्याला शिकता नाही आलं

• रघुनाथ सोनटक्के

विजीट करा: https://vatratika.blogspot.in

सत्यपालन

« वात्रटिका »

'सत्यपाल'न

नसेल पचलं 'सत्य' कि

होतात असे भ्याड हल्ले

जिकडे तिकडे 'पाल'नकर्त्याचा

आवाज दाबणे चालले

प्रबोधनकार, विचारवंताना

राहिला ना कुणी वाली

पोलिस, सिबीआय काय

करतात कुठं रखवाली ?

कोण उचलुन धरणार

आता सत्याची बाजु

पानसरे, दाभोळकराचे मारेकरी 

लागले आहेत माजु

• रघुनाथ सोनटक्के

  8805791905

  http://vatratika.blogspot.in

निर्भयाचा लढा

« वात्रटिका »

निर्भयाचा लढा

निर्भयाची हत्या-बलात्कार

निर्दयी, पाशवी गुन्हा होता

शेवटपर्यंत लढली म्हणुन

देश तुझ्या पाठी उभा होता

तु दिलास लढा म्हणुन

गाजली तुझी दिल्ली

आजही असे नराधम

फिरताहेत गल्लोगल्ली

त्यांना दिल्यावर फाशी

न्याय मिळाला समजु नये

सजग राहु दे जनतेला

चेतलेली वात पुन्हा विझु नये

• रघुनाथ सोनटक्के

  8805791905

 

हातावर तुरी

हमीभाव

आधी म्हणायचे

पिकवा कडधान्य, तुरी

अाता मात्र हमीभावाची

शेतकर्‍याच्या गळ्यावर सुरी

आधी त्यांना कैवार होता

अाता बंधनाचा फास आहे

पिकवणार्‍याचा सातबारा गहाण

व्यापारी खातो नफ्याचा घास आहे

नाही म्हणायचं नाही

पाहिजे ते करायचं नाही

संपला काय तुमचा बारदाणा

आता काय आहे ते पण भरायचं नाही

फिकवतो त्याला

आता हमी नाही तर भाव द्या

काहीच उरलं नाही त्याच्या हाती

तुम्हीच आता त्याला नवं नाव द्या

उरलेत किती दिवस

सुधारा आता तरी

नाहीतरी देतच आहात 

नेहमीच हातावर तुरी

   

• रघुनाथ सोनटक्के

   8805791905