मतदारराजा

मतदार राजा

कुणी म्हणतं लुटलं त्यांनी

कुणाच्या पारदर्शकतेच्या बाता

कुणी ठरवतं चोर कुणाला

द्याव्या कुणाच्या हाती चाव्या आता

यांचा काय चार दिवस

वाद, मतभेद अन् गाजावाजा आहे

तुच निवड स्वत:चं भविष्य

कारण तुच मतदार राजा आहे

• रघुनाथ सोनटक्के

  8805791905

  (आणखी वात्रटिकांसाठी https://vatratika.blogspot.in या ब्लॉगला सबस्काईब करा. )

मनसे युती

«वात्रटिका»

मनसे युती

नाही अटी, जागांबाबत
आमचा काही वाद आहे
मराठी मतांसाठी फक्त
'मन'से आमची साद आहे

स्व:ताहून टाळी देतो आम्ही
कशी बघा आली वेळ आज आहे
'उध्दवा' तुला चांगलंच माहीत
यात काय गोड 'राज' आहे

    • रघुनाथ सोनटक्के

       ८८०५७९१९०५

(आणखी वात्रटिकांसाठी https://vatratika.blogspot.in येथे विजिट द्या.)

औकात

औकात

कुणी 'औकात' दाखविण्याची

करतो बात आहे
तर कुणी म्हणतो आम्हाला 
जनतेची साथ आहे

आम्ही त्यांना 'पाणी पाजू'
बसतो आमचा घसा आहे.

'भावां'नाही दाखवुन देवु

कारभार 'पारदर्शक' कसा आहे

     • रघुनाथ सोनटक्के

        ८८०५७९१९०५

रईस

रईस

प्रमोशनसाठी करू रेल्वेत प्रवास 

भारी आमची अशी अक्कल आहे

कुणाच्या जिवाची ना पर्वा आता

एवढी भारी आमची शक्कल आहे

राज आमचे 'किंग'ही आम्ही

पैसा, प्रसिध्दीने आम्ही 'रईस' आहे

अॅक्टरांची 'खान' फक्त तिकडे

एवढं मिळवुनही किती हव्यास आहे

        • रघुनाथ सोनटक्के©

          8805791905

वात्रटिकांसाठी https://vatratika.blogspot.in येथे विजिट द्या

समाजवादी

'सायकल'ही तुझी पुत्रा

तुझ्याचकडे सत्तेची गादी आहे

चाव्या आणि तिजोरीही तुझी

आम्ही कुठे 'समाजवादी' आहे ?

गुळाजवळ मुंगळे जमलेत

पुत्र बापावर वरचढ आहे

कोण खरा 'नेताजी' होता

अन् कळला कुणाचा गढ आहे

• रघुनाथ सोनटक्के

8805791905

चरखा आणि खादी

फिरवतो आम्हीच चरखा

आम्हीच वापरतो खादी

राजमुद्रेवरही छापु प्रतिमा

लागु नये कुणी आता नादी

खोडून काढू त्यांची प्रतिमा

अन् देऊ तशी पोज आता

भक्त आहेत माझ्या पाठीशी

बदलू कोट मग रोज आता

• रघुनाथ सोनटक्के©

8805791905

नोटाबंदीचा फास

काळापैशासाठी नोटाबंदी 

सामान्यांच्या लांबच लाब रांगा

सापडायला लागल्या आता

नव्या नोटांच्याही बॅगा

देशासाठी सोसा म्हणे

आणखी काही दिवस त्रास

बडे मासे शाबुत आहेत

गरिबाच्याच गळ्याला फास

घेतलाय शंभरांचा जिव

कधी येणार ह्यांना चेव

आधी देशभक्तिचं नाव

अन आता कॅशलेसच भेव

रघुनाथ सोनटक्के
8805791905