रोज नवा घोटाळा

« रोज नवा घोटाळा »

रोज नवा बॅक घोटाळा
उघड होऊ लागला
फसवुन उद्योगपती 
सरळ पळू लागला

त्यांच्या अन् तुमच्या काळात 
मग फरक काय नक्की
'चौकीदारा'ला माहित नव्हती का
खबर याची पक्की

काळं धन तर सोडाच
आमची पुंजी लुटायला लागले
बस झाली भाषणं, वादे आता
आमचे कान फुटायला लागले

   • रघुनाथ सोनटक्के

       मो. 8805791905

ईबुक: https://goo.gl/aY6hVB

ब्लॉग: https://vatratika.blogspot.in

घोटाळेबाज

« घोटाळेबाज »

मल्ल्यासारखे रोज नवे

घोटाळेबाज निपजू लागले

देशाच्या मातीत कसे हे

असले हिरे उपजू लागले

कुणाच्या काळात सुरू होतो

कुणाच्या काळात पळून जातो

वेळीच रोखण्याचा त्यांना

मुहूर्त मात्र टळून जातो

सरकार अन् प्रशासन

चौकश्याची सर्कस खेळत राहते

खातेदार जनता मात्र

रिकामे हात चोळत राहते

• रघुनाथ सोनटक्के

मो. 8805791905

ईबुक: https://goo.gl/aY6hVB

ब्लॉग: https://vatratika.blogspot.in

भजी

« भजी »

शंभर देशांची वारी करून
लागलं आता कळू
रोजगार म्हणून आम्हाला 
सांगताय भजी तळू

कुठे गेले ते 'अच्छे दिन'
का होता 'चुनावी जुमला'
'विकास' कुठं दिसत नाही
का नुसतं जाहिरातींचाच मामला

स्किल अन् स्टेप अप इंडिया
का होते नुसते कागदी घोडे
वेळ आली भजी तळण्याची
का समजावी तुमच्यापुढे

   • रघुनाथ सोनटक्के

    मो. 8805791905
ईबुक: https://goo.gl/aY6hVB
ब्लॉग: https://vatratika.blogspot.in

मुद्दे

« मुद्दे »

मुद्द्यांना निवडणूकीआधी
वजन असतं भारी
तुडूंब वाहत असतात मग
आश्वासनांची खोरी

मुद्यांची चर्चा मग
वादात झडू लागते
राजकारण्यांच्या मुद्द्यांना
जनताही भाळू लागते

घोषणापत्रात मुद्दे घालून पक्ष
पुगळ्या कागदाच्या सोडू लागते
सत्तेत पोहचण्याचा हा 'अजेंडा' होता!
जनतेला नंतर कळू लागते

चांगले दिवस येतील यांची
नेहमीच जनतेला आशा असते
मतदानाच्या हक्कापुरती तेवढी
डोक्यात घुसली नशा असते

सत्तेपुढे शहाणपण चालत नाही
नेत्यांनाही पडतो मुद्यांचा विसर
खिसे भरून घेण्याशिवाय मग
सोडत नाहीत ते कसली कसर

कुणावर शिक्का मारावा
हाच खरा आता मुद्दा आहे
नाही म्हणुन सांगायचं तर
लोकशाही टिकवणं सुद्धा आहे

• रघुनाथ सोनटक्के